Biblia Todo Logo
Bib sou entènèt

- Piblisite -




1 Korint 6:9 - NQAARIIT NE ROOG

9 Xeƈa kaa a yiif nuun ngalagee yee oxe naageerna o fi’aa ke Roog a bugna lamkee Maat ne Roog. Koo qoyni, ba o leng a nax a xoox um, yaam a cuut ake, we na njuuraa, we na seeqaa, goor we mbaat rew we na mbesanraa a ndeer den,

Gade chapit la Kopi




1 Korint 6:9
51 Referans Kwoze  

Boo o koor a wondooxna fo o koor o kend um ne o tew a wondoorteel, den ɗik fop a mbi’a o njombe. Fat a mbarel, yaam a jaga fa den.


Wariro o wondoox fo o koor ne o tew a wondoorteel. Kaaga a pi a cednooxu yoo.


guuɗ we, we mbuge’na, yeeyer say we, we na mbenaa lakas we fo cublang ke, kaam ee o leng na den lamkee Maat ne Roog.


Kaa koy, we na mbi’aa cednooxu fo fan we fo we na seeqaa fo waawar we fo juujuur we fo fop we mbexna o maaɓaa na fa lay fo na pi, o leng na den rokkee na teeru fee muk.


Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»


Kaa nu andee yee cer nuun ndefu ngenand Yiif Tedu le, Roog a cooxna a nuun? Feek oxe na nuun koy, nu njegatee a qoox nuun.


Meene koy, ne’iim gimeer we ndefna we na seeqaa mbaat we mbuge’na mbaat guuɗ we mbaat juujuur we, yaam yaaga nu sutoox na adna fee.


Fat fop a niw ndolnir ne, we ngiɓoorna no ndolnir ne a njeg ngor a ndeer den, yaam xan Roog a hate a cuut ake fo we na seeqaa.


«O tew waree o rokoox tikoorik no koor mbaat o koor a rokoox tikoorik no tew. We na mbesooraa neene o Yaal oxe Roog nuun kaa ɗeetaa a den nen cednooxu.


Fuux le Roog a feeñta na asamaan, a sufoox took no wiin we yaam njofaƭar den fo a pi a paaxeer den, den we na uuptaa ndigil ne paaxeer ke.


Ngoorgoorlooxyo, ndax nu ndef na jam fo wiin we fop, too o ñoow nuun a ted, yaam oxuu o ñoow um a tedeerna, jasnoorkee fo o Yaal oxe.


Keeke soom um ne’aa a nuun, fog we: O kiin sang um sang um oxe refna njer fo fo’oy waagee o lam Maat ne Roog. Kaam ee ke na fotaa waagee o lam ke fotkeerna boo faw.


Koo qoyni, ba o leng a nax a nuun! «Yoon faaxeer na yaqaa jiko.»


Kaa nu andee yee nuun ndefu Mbind Roog ne, Yiif um a gen na nuun?


Ba o leng a ref saasaay, too ba o leng a niwaƭar ke jofna na Roog. Neene Esawu a fi’’u boo a jikoox a las taaw ale ten yaam a put a leng soom.


Maaga, xan o Maad oxe a lay we ndefna na ñamaak um ee: ‹Ngaryo, nuun we Faap es a barke’na. Njangyo Maat ne nu njagandan’eena yaaga adna a sogaa feroox,


Fat o soxodu xe a waas a ƭat um, o piifi paaxeer oxe a supit a qalaat um. Fat a ngeleeroox farna fo o Yaal oxe na yirimkaa a den, a njaɓnoox na Roog in fee na waasantaa boo ta dey sik.


A jega ceeq naa um nanaa a ndeer nuun. O ñoowooƭ o nandu neene, we andeerna a Roog sax saqkiran, yaam a reta boo o leng na nuun a geekataa o tew faap um.


Ye da ndeerna a ñaamaa, goor jaree tus we na teeru fee a mbida mbind ne o kurul-keƥ, a mbakaa o don-maax ole soo a lay o nogoy oxe refna o yaal mbind ne yee: «Sutiidi o koor oxe dalna no mbind of, ndax i mbi’in nen o tew.»


Fat a moof me nuun no mbiñ onqe ta jilkaa na fa leng no teeru ke na njofooxkan, too ba nu toroxandin.»


A nqoya a Lot, a layin ee: «Taa goor we mbe’iidna no mbind of? Sutiidi a den, boo i mbi a den nen rew.»


Oxe na duufaa njofaƭar, o torox a saxadkaa, too o samb ole no kañaan um xan a ɓolel.


Fog es we fexuuma, ba o leng a nax a nuun.


Nuun moƴu o and ee mayu a naanga o mbapooxanaa a laay a leng, ndaa o leng kut na ɓiskan. Yaaga koy sagyo, maafrel a paax, ndax nu njang a laay ale.


Oxuu xaƴna mbind um mbaat maag um mbaat xa teɓ um mbaat a faap um mbaat a ya um mbaat xa ƥeem mbaat xa qol um yaam gon es, xan a daawin a caf teemeed, too xan a lam o ñoow o fagkeer ole.


Maaga, a layaxam ee: «Ten refu a salax ale na dalkaa took lanq ke fop, yaam kaa bindel teen ee o kuuɗ oxuu refna xan a sutel mene, too oxuu na daaɓooxaa na xa maaƥ xan a inel meen.


O Yaal oxe kaa sib balaas fa mbaaxeer, a poox a bodu ke mat a mbelin.


Ba nu ngate’it njofaƭar, mbarit o neewu doole xe mbaat o yaal doole xe, ndaa ngate’ityo o cofel.


«Ba o leng na nuun a feranaa o kend um mbaat ta fartaa oxaa fi’na boom, a seede’anan na xa maaƥ.


Kaa koy, ye Pool a laytaa kaa farna no ñoowooƭ o jofu fo no dam xoox of fo na hate fee Roog na garaa, Feliksi a dalfooxa o diid, too a layin ee: «Ndiiki koy, waagaa o ret. Um jegangaa o daaw, xam xoyniidong.»


Wariro o wondoox fo o tew no kend of, yaam kaaga xan a tax o xoolaƭar.


Nu mbetangaa o koor oxaa wondooxna fo o tew o tolooxu, den ɗik fop fat a mbarel, o koor oxe yoo, o tew oxe yoo. Neene, xan nu mbatin paaxeer ke a ndeer nuun.


Mbind um kaa ref a ƭat alaa na ɓisaa jaaniif, a sag farna fo ngenand ne no xon we.


too faap um o mat fi’ee dara no keene fop. Boo o ƥiy onqeene a ñaamaa ñaamel ke ƥoxoteena pangool ke, a rok no tew no kend um,


Yeesu a doona a den ee: «Mbootooxyo o naxel, yaam xan wiin mayu a ngar, a ne’ooxaa gon es, too xan a lay ee: ‹Mi refun›, too ‹Waxtu fee xe matiidaa!› Kaa koy, ba nu ndeef a den.


Ndiiki koy, mexe fokataa a nuun fa Roog, fokataa a nuun itam fo fa lay fee na yirmande um. Fa lay feene waagu o saƭakin a nuun, too a ci a nuun paax ke ta geekanna we mbogna no ten.


Ke um bindataa refu nu ndiƈatoox we andoona yee kaa layaa yee no ngim onqe a ndefu, too a seeqaa, a mbuge, a njuuraa, a mbenaa lakas we, a ndef yeeyer say, a nguuɗaa. Ba nu ndeer fo kiin um o roon sax.


Ƈufyo ceeq! A jega pakaad lakas kaa ndefeerna no cer, ndaa oxuu rokna no ceeq, cer um sax sax a tooñu.


Kaam saɗaraa sax ee um fadiidangaa, xan Roog es a toroxandahinaam yaam nuun. Pexey es fop a refkaa rek um loolaa took no we miñna o mbakaadaa, too a mbañ o ndicoox qoolaƭaru ke fo ceeq ne fo caasaay ne da ñoowtaa.


No kene koy, ba nu nax a qoox nuun: Roog naagee o ŋasteel, too itam ke o kiin a duufna, ten a saxadkaa.


Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.


Xa teɓandoong es, ba o leng a nax a nuun. Oxuu genna no fi’aa cofu, a jofa ne ta jofitna, ten fa xoox um.


Swiv nou:

Piblisite


Piblisite