1 Korint 6:8 - NQAARIIT NE ROOG

⁸ Kaa koy, ga’aano! Nuun sax ndefu we na mbi’aa cageer, nguuɗaa gimu we fog nuun.

1 Korint 6:8 Referans Kwoze

1 Tesalonik 4:6

No keene, ba o leng na nuun a tooñ o pog um o kimu mbaat ta jaɓ o teem, yaam i lay’aan, too maƭooxin a nuun boo ƈut, xan o Yaal oxe a dalin hate no keene fop.

Kolos 3:25

Oxe na fi’taa njofaƭar, xan a daaw njofaƭar um, too keene, o leng paykee teen o lak.

Saak 5:4

Kaa nu naxoogu wiin we njalna na xa qol nuun, mbañ o ndabid a den. Den koy, owe loolooxaa a Roog ne nu mbi’itna fa den. Wiin weene njalanna a nuun owe mbuuqaa, too Roog o Yaal oxe Hupna fop a nana a den.

Mark 10:19

Ndax kaa andiro kebil kene: Warkiro o kiin! Seeqkiro! Guuɗkiro! Seede’ankiro o kend of na xa maaƥ! Ba nax o kiin, jang halal um! Niwi a faap of fa ya of!»

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Mise 2:2

Kaa yaawaa xa qol soo a njaɓ a den, a yaaw pind soo a ndoon teen o ɓay. Kaa toroxandaa o kiin fo mbind um, o kiin fo lanq ke ta lamna.

A paɗax ale 19:13

Ba nu ñoowit onj no kiin o lakas, too ba nu njaɓ tig um. Ba nu mbe muk fo ndabid no saasaadnax nuun.

Mace 20:13

A doona o leng na den ee: ‹Xaariit es, naxiroong. Ndax i njofoor’ee no xanjar o leng?