1 Korint 6:3 - NQAARIIT NE ROOG

³ Kaa nu andee yee in na ngate’kaa malaaka ke? A soƥangaa koy ee hate malaaka ke na xa ƥay in a doone, nam o hate tig adna a waagu o bug o ɓoowit a in?

1 Korint 6:3 Referans Kwoze

Yudaa 1:6

Mbetandooxyo malaaka ke ngeek’eerna sañ-sañ fee da cooxeena, soo a nqaƴ kenand ke da njegoodna. Roog a dura a den kam o niɓaan ole na refkaa bo na moos boo moos. Xan a ndef maaga boo na hate fee na bes fa maak faa.

Mace 25:41

Cinj kaaga, xan a lay we ndefna na janoon um ee: ‹Ngoƭaamoo, wiin halakooxu we! Ndetyo kam fiɗel fo ñufkeer muk ole jagandan’eena o ƈiƴ oxe fo malaaka um,

1 Korint 6:4

Xar taxu o kiin a xetange tig, a xeloortikel a ndeer no wiin waa mbokatax ne no gimu we a andeerna, ñaal o yeng a jalan?

YEGIL MBAAX NE YEESU ne Lik a bindtuuna 8:14

Ax ke samna kam kiƈ ke ndefu we na nanaa fa lay fee Roog. Kaa koy, a qalaat ake fo kalal ke fo a yuxum ake no ñoow ole kaa ngoñaa a den boo mboorkee.

YEGIL MBAAX NE YEESU ne Lik a bindtuuna 21:34

«Mbootooxyo boog! Ba a yiif nuun a may fo a ñaam a kupu mbaat fo a yer a kupu mbaat fo a qalam ake no ñoow ole, ndik bes feene a bet a nuun

2 Timote 4:10

Demas kaa xaƴaam, a ret Tesalonik, yaam tig adna a moƴanin. Keresaas a ret Galati, Tiit a ret Dalmati.

2 Timote 2:4

O qiixire koy, naagee o gaɗaa yiif um no tig adna, yaa ta bugna o fel oxe adooxanuuna,

2 Piyeer 2:4

Yaam Roog wuusee malaaka ke mbakaadna, ndaa a deɓa a den kam fiɗel laa. Maaga a ngeekkeel kam o niɓaan ole boo no ñaal naa na hate faa.

A kim a tedu ke 17:14

O Yaal oxe, muclitaam o ɓay of no wiin we, no wiin we na adna fene, a las den a refna no ñoow olene. Kaa o mayƭandtaa xa pud den ke geekoona, xa ƥiy den a ndeyƭoox teen soo a nqaƴan xa caaƈ axe den ke da mbaaskaa gañ.

Dañel 7:22

boo neen a Koorgi le a garu, a ɓoxot ɓur tedu we no xe Took-ee-took, too waxtu a gara faa tedu we a njangna maat ne.

O leetar ole Pool a bindna GIMU WE NGENNA ROM 6:16

Kaa nu andee yee boo nu ƥoxotooxna no kiin, ndax nu nananan, o paɗ no xeene nu nananaa nu ndefatu. A soƥangaa koy ee faɗ bakaad nu ndefu, xan a ɓis a nuun na fa nqon, ta ref ee faɗ no nanan a Roog nu ndefu, xan a ɓis a nuun no cofel.

1 Korint 6:15

Kaa nu andee yee cer nuun, a seek no cer ke Kiristaa a ndefu? Ndax xan o kiin a jang a seek no cer ke Kiristaa, a fi’in boo ta refat a seek no cer a caga? Koo boo muk!

1 Korint 6:16

Fat nu yeg fo and ee oxuu hiɓoorna fo a caga, njer leng kut a refataa fo ten, ne a Pind a Tedu ke a laytuuna yee: «Ɗik we xan a ndefat njer leng kut.»

1 Korint 6:19

Kaa nu andee yee cer nuun ndefu ngenand Yiif Tedu le, Roog a cooxna a nuun? Feek oxe na nuun koy, nu njegatee a qoox nuun.