1 Korint 6:19 - NQAARIIT NE ROOG

¹⁹ Kaa nu andee yee cer nuun ndefu ngenand Yiif Tedu le, Roog a cooxna a nuun? Feek oxe na nuun koy, nu njegatee a qoox nuun.

1 Korint 6:19 Referans Kwoze

1 Korint 3:16

Kaa nu andee yee nuun ndefu Mbind Roog ne, Yiif um a gen na nuun?

2 Korint 6:16

Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»

1 Piyeer 2:5

Nu mbi’angaan, xan nu njokel, nuun fa qoox nuun, nen a ƥil a ñoow a maxir, ndefik ngenand Yiif le Roog. Kaa nu ndef saasadax Roog, ndax nu mbaag o ƥoxotan sadax katu na yiif nuun, da mbelin na pexey Yeesu Kiristaa.

A kim a tedu ke 100:3

Andyo yee o Yaal oxe refu Roog. O ten saku a in, i ndefanin. In ndefu xeet um, o siir ole ta gayaa.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

YEGIL MBAAX NE YEESU ne Saŋ a bindtuuna 2:21

Kaa koy, cer um a layoogu Mbind Roog ne.

2 Korint 5:15

Kaa xonan fop, ndax we na ñoowaa, ñoowankatee a qoox den, ndaa ndax da ñoowan oxe xonanna, soo a xontooxan a den.

A kim a tedu ke 12:4

Yaasam o Yaal oxe a xuuf a ƭelem a ceyir ake fop fo ɗelem luu na magnandooxaa na fa lay.

1 Caloori ke 29:14

Ndi an refum, too xar xeet es a refu boo tee kaa mbi’anang ci’it o fud o letu podu neene? Mee ndax fop na wo a hatu, too o ɓay of cooxu a in fop ke i ci’oonga!

1 Maad we 20:4

O maad oxe Isra’el a doona yee: «O yaal es, jaɓaam ke layoona. Ɓoxotooxaam na wo fo ke jeguuma fop.»

O leetar ole Pool a bindna GIMU WE NGENNA ROM 8:9

Nuun o mat, nu ndeefee ke cer nuun a mbugna, ndaa ke Yiif le Roog a bugna, yaam kaa Yiif le Roog a gen na nuun. Oxuu jegeerna Yiif le Kiristaa koy, fogee no ten.

1 Korint 6:3

Kaa nu andee yee in na ngate’kaa malaaka ke? A soƥangaa koy ee hate malaaka ke na xa ƥay in a doone, nam o hate tig adna a waagu o bug o ɓoowit a in?

1 Korint 6:13

Ngaaf taxu o fud, o fud a refan ngaaf, ndaa ƭik ke fop, xan Roog a muuk a den. Njer koy sakanaand ceeq, ndaa kaa refan o Yaal oxe, o Yaal oxe a refanin.

Saak 4:5

Ba nu mboog ee ke a Pind a Tedu ke a layna caaxaan oo. Kaa dee: «Roog bugee lakas a gendir fo Yiif le ta ci’na a in.»