1 Korint 6:18 - NQAARIIT NE ROOG

¹⁸ Ƈufyo ceeq! A jega pakaad lakas kaa ndefeerna no cer, ndaa oxuu rokna no ceeq, cer um sax sax a tooñu.

1 Korint 6:18 Referans Kwoze

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

1 Tesalonik 4:3

Ke Roog a bugna kañ refu nu ted, too nu mbootoox ceeq.

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

2 Timote 2:22

Yufi a yuxum ake ndeƥandoong a ɓekaa o kiin, waaƭ o cofel fo o ngim fo o mbeq fo jam, wo fo we na ne’aa gon no Yaal oxe fo xeeñ xoolu.

Hebre 13:4

Fat fop a niw ndolnir ne, we ngiɓoorna no ndolnir ne a njeg ngor a ndeer den, yaam xan Roog a hate a cuut ake fo we na seeqaa.

Efees 5:3

Nuun, na xeet fee Roog nu mbogu. Ten taxu nu ndeyee o moof, layeel kaa jofna no ceeq mbaat no caasaay mbaat na yuxum a paaxeer.

1 Korint 6:9

Xeƈa kaa a yiif nuun ngalagee yee oxe naageerna o fi’aa ke Roog a bugna lamkee Maat ne Roog. Koo qoyni, ba o leng a nax a xoox um, yaam a cuut ake, we na njuuraa, we na seeqaa, goor we mbaat rew we na mbesanraa a ndeer den,

2 Korint 12:21

Kaam saɗaraa sax ee um fadiidangaa, xan Roog es a toroxandahinaam yaam nuun. Pexey es fop a refkaa rek um loolaa took no we miñna o mbakaadaa, too a mbañ o ndicoox qoolaƭaru ke fo ceeq ne fo caasaay ne da ñoowtaa.

1 Tesalonik 4:5

a fañ a yaaw a pagkatar a sufoox took um, ne da ndalitna took gimaƭaru we andeerna a Roog.

O leetar ole Pool a bindna GIMU WE NGENNA ROM 1:24

Ƭof den neene taxu Roog a xaƴ a den da saasaayaa ne a qeeñ den a mbugtuuna, ndax da mbi’raa cednooxu no cer den.

Galati 5:19

Ke cer ke yaawaa koy a ande a paax. A pi ake den ndefu: Ceeq fo qoolaƭaru fo caasaay

A paɗax ale 15:18

Boo o koor fo o tew a mbondooxna, den ɗik fop fat a ƥogdoox. Yaqankee koy, xan a nqoolaƭar boo no yaar olaa.»