1 Korint 6:15 - NQAARIIT NE ROOG

¹⁵ Kaa nu andee yee cer nuun, a seek no cer ke Kiristaa a ndefu? Ndax xan o kiin a jang a seek no cer ke Kiristaa, a fi’in boo ta refat a seek no cer a caga? Koo boo muk!

1 Korint 6:15 Referans Kwoze

Efees 5:30

Kaa refee yee in ndefu a seek ake no cer ke ten!

O leetar ole Pool a bindna GIMU WE NGENNA ROM 12:5

Neene itam, in we mbogna na Kiristaa, ke i mayna may fop oo, njer leng kut i ndefu no mbokatoor ne in fa Kiristaa, too kaa i ngiɓoor a ndeer in nen a seek ake mbokatoorna, a ndef njer leng kut ne.

Kolos 2:19

soo a fañ o reefan a Kiristaa fee refna xoox le saqna cer ke fop. Cer keene, o fog fo a kiɓ kaa mbokat a den, soo Roog a cooxaa a den kaa da maakitna na Kiristaa.

1 Korint 12:27

Neene nu ndeftu cer ke Kiristaa, oxuu refna a ref teen a seek.

Efees 4:12

Kaa fi’it neene, ndax ta jagand we mbogna na xeet fee Roog, da mbadin calel ke gimu we a ndoxondeena, a njokaa cer ke Kiristaa kam o ngim onqe.

1 Korint 11:3

Kaa koy, a jega kaa buguuma nu and: O koor kelfa’u o tew, Kiristaa a kelfa o koor, Roog a kelfa a Kiristaa.

1 Korint 6:19

Kaa nu andee yee cer nuun ndefu ngenand Yiif Tedu le, Roog a cooxna a nuun? Feek oxe na nuun koy, nu njegatee a qoox nuun.

Efees 5:23

Yaam o kor refu kelfa no teem, ne Kiristaa a refitna kelfa no fog ole no gimu we. Kiristaa fee fa xoox um refu o Muumucil oxe no gimu we ndefna cer um.

YEGIL MBAAX NE YEESU ne Lik a bindtuuna 20:16

Xan a gar, a saŋik xooxoox waaga, soo a doxin a ƭing ale wiin lakas.» Yaa wiin waa a nanna a naxax aleene, a laya yee: «Muk!»

Galati 6:14

Mi o mat, a refangeerna a kurwaa le no Yaal in Yeesu Kiristaa, bugiim o fakoor lakas. Ke yaawooguuma na adna fee fop, yaawatinum, yaam kaam nand nen oxaa xonna, too a kurwaa le Kiristaa soom taxun. Ñoowtatiim ne adna fee a ñoowtaa, too adna fee ñoowtee ne um ñoowtataa.

Galati 3:21

Yaaga koy, ndax kebil ke kaa nguutatir fo ke Roog a regitna? Ha’aa kañ! Kebil kaa mbaagna o tax o kiin a jeg o ñoow a cooxit’ange, yaaga oxuu na fi’aa ke kebil ke a layna, Roog a ɗeetkoogaan nen o cofu.

Galati 2:17

Ndiiki koy, o nanangaa in Yaawuur, i mbaaƭaa o ƭeetel nen jofu mbaambir Roog na Kiristaa, kaa i ndeeƭu baabakaad nen waa ndefeerna Yaawuur. Yaaga koy, ndax Kiristaa kaa saqtandaa bakaad? Ha’aa, muk!

1 Korint 6:13

Ngaaf taxu o fud, o fud a refan ngaaf, ndaa ƭik ke fop, xan Roog a muuk a den. Njer koy sakanaand ceeq, ndaa kaa refan o Yaal oxe, o Yaal oxe a refanin.

O leetar ole Pool a bindna GIMU WE NGENNA ROM 7:13

Yaaga boog, ndax ke faaxna na waraxam? Ha’aa o mat! Bakaad fee fi’un. O ten o mat wartaxam ke faaxna. Neene kebil ne a laltitu ke bakaad a refna no ndigil, soo a feeñil ne ta faaxaƭaritna tigi.

O leetar ole Pool a bindna GIMU WE NGENNA ROM 7:7

Xar i mbaru o lay boog? Ndax kebil ke bakaad oo? Ha’aa o mat! Kaa koy de, kebil ke taxu um and bakaad, yaam andkoogiim a yaaw, yaa kebil ke a lay’eerna yee «yaawkiro!»

O leetar ole Pool a bindna GIMU WE NGENNA ROM 6:15

Nam koy? Xeƈa i mbugko mbakaa­dataa, yaam ne i ndagooxateerna kebil ke, a cinj ye i ndefatna dag na yirmande fee Roog. Boo muk!

O leetar ole Pool a bindna GIMU WE NGENNA ROM 6:2

Boo muk! Yaam ne i nqonna, i ƭegoora o kay fa bakaad. Nam i mbaagu o ndakoox o ñoowatinik kam bakaad koy?

O leetar ole Pool a bindna GIMU WE NGENNA ROM 3:31

Ndax neene i ñufitkaa kebil ke yaam o ngim onqe? Muk! Kaa i moƴ o saƭkinaa kebil ke sax.

Mberaand 44:17

Maaga, Yoseef a laya yee: «Fesoorkiim neene! O koor oxe a tokol ale a ga’teena na refkaa o paɗ es. Nuun o mat, nqaadyo na jam maa faap nuun.»

O leetar ole Pool a bindna GIMU WE NGENNA ROM 3:6

Muk! Nam a waagkoogu o hate’it adna fee boog?

1 Korint 6:3

Kaa nu andee yee in na ngate’kaa malaaka ke? A soƥangaa koy ee hate malaaka ke na xa ƥay in a doone, nam o hate tig adna a waagu o bug o ɓoowit a in?

1 Korint 6:17

Kaa koy, oxuu hiɓoorna fo o Yaal oxe, yiif leng kut a refataa fo ten.