Ke um bindataa refu nu ndiƈatoox we andoona yee kaa layaa yee no ngim onqe a ndefu, too a seeqaa, a mbuge, a njuuraa, a mbenaa lakas we, a ndef yeeyer say, a nguuɗaa. Ba nu ndeer fo kiin um o roon sax.
A naanga o siisraa itam, too a yeraa a yer a maamu, a ñaamaa kupu, a mbi’aa lakas kaa nandna fo keene. Mexe layaa a nuun ne layit’anuuma a nuun yaaga yee: We na mbi’aa tig nandu neene lamkee Maat ne Roog.
No keene, ba o leng na nuun a tooñ o pog um o kimu mbaat ta jaɓ o teem, yaam i lay’aan, too maƭooxin a nuun boo ƈut, xan o Yaal oxe a dalin hate no keene fop.
«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [
A ƴooka ndun paam a ƭat ale, a matiidin, ndaa soƥee taaga o jala leng a refangee a naf a ƥor, too a layaan ee: «Yaasam baa o rim o leng sax a feeñat took of boo faw!» Ndak fo ndak, ndun naa a naaga ŋayam a weer.
Kelfa ke wo andatee a ƭat, a ngiɓaa o ngir fo guuɗ we, a mbex o ngereel, a ƈufanaa neexil. Ƥoxotkee o waan ole ke refna wargal um too mbaritkee o ñaaw oxe.
Ndiiki koy, mexe fokataa a nuun fa Roog, fokataa a nuun itam fo fa lay fee na yirmande um. Fa lay feene waagu o saƭakin a nuun, too a ci a nuun paax ke ta geekanna we mbogna no ten.
Keeke soom um ne’aa a nuun, fog we: O kiin sang um sang um oxe refna njer fo fo’oy waagee o lam Maat ne Roog. Kaam ee ke na fotaa waagee o lam ke fotkeerna boo faw.
Fat nu yeg fo and ee oxe na seeqaa mbaat oxe na saasaayaa, jegkee muk a las no Maat ne Kiristaa, refna ne Roog. Oxe fexna xaaliis deyaand o ne, yaam o fex xaaliis refu faɗooxaa ke refeerna Roog.