1 Korint 6:1 - NQAARIIT NE ROOG

¹ Nuun we ngimna, o kiin na nuun a jegangaa kaa ta bugeena o layoor, nam a saɗu o ƴakandoor tedu we, soo a xeloortikel a ndeer no we andeerna o cofel Roog?

1 Korint 6:1 Referans Kwoze

A pi ake 19:38

Boo Demetiryus fo jaajal um a njegna kaa da nqeloorna fo leng na den koy, a jega pes qeloor fo wiin no maad. Fat da nqoy o kiin oo kiin, a ngate’in.

1 Korint 14:33

Roog samaree, ndaa jam fa ƥor a refu. Ne ta fi’teel kam pokatax ke no gimu we fop,

1 Korint 16:1

No ke jofna koy no ke na fokataneel tedu we kam Yeerusaleem, kaam bug nu mbi’tan ne laytanuuma pokatax ke no gimu waa no jegel olaa Galati.

1 Korint 16:15

Fog es, a jega lakas kaa um xeɗaa a nuun: Nu anda yee Akayi boo Akayi a xet, mbind Estefanaas eetu o ngim, too nu nga’a ne da mboŋkitna o ndimle’aa tedu we Roog.

1 Korint 1:2

In we simnaa a nuun, nuun mbokatax ne no gimu we ngenna kam teeru fee Korint fop, nuun we Yeesu Kiristaa a tedlandna, a xoy a nuun, ndax nu mbog no ten, simnaa itam fop we na ƈufginooraa gon no Yaal in Yeesu Kiristaa fo muu da mbaagna o ndef.

Mace 5:45

Nu mbi’angaan, xan nu ndef xa ƥiy Faap nuun fee na asamaan, yaam kaa seeƈanaa faaxeer we fo faaxu we, a deɓanaa jofu we fo jofeer we.

1 Korint 5:12

Xar daawrum fo we mbogeerna na in sax boo ɓanjaa a den? Mee ndax we mbogna na nuun nu mbaru o ƥanjaa!

1 Korint 6:5

Andaa yee kaaga gaci yoo na nuun de! Yaam kaa nand nen jegee o leng na nuun oxaa jegna yiif, a waag o hate gimu ɗik waa ndaawirna.