1 Korint 5:8 - NQAARIIT NE ROOG

⁸ Yaaga koy fat i ndoofand xew feene, refee koy fo poɗaxnir kiid mbaat fee no jeg-nof fo coxod, ndaa fo puuru canja’e, a ndef o ñak-sik fo ndigil.

1 Korint 5:8 Referans Kwoze

A cangatin ale 16:3

Ba nu ñaam dara kaa foɗaxna yaa fo xew fee, ndaa fat nu ñaamaa puuru canja’e boo ñaal ɓetuu ƭik, yaam a ñofandax a maak nu sutooru saax le Misira. Neene, yaa nu ñaamaa puuru yaxandooxe keene, xan nu mbetandooxaa no ñoow o ñis nuun fop bes fee nu sutooxna a Misira.

A sutax ale 12:15

«Kaa nu mbar o ñaamaa puuru canja’e boo ñaal ɓetuu ƭik. No ke na xotitkaa no ñaal eetaand ne, waratee o jeg poɗaxnir no pind nuun. O kiin oxuu ñaamna mbuuru naa fuutuurna, no ke xotitna no ñaal eetaand ne boo no ñaal ɓetuu ƭikandeer ne, fat a sutel xeet fee Isra’el.

YEGIL MBAAX NE YEESU ne Lik a bindtuuna 12:1

Na waxtu faaga, wiin cuni-cuni a mbokatoora, a ndakraa. Yeesu a fera o maƭoox daalbe we ten, too a lay a den ee: «Mbootooxyo poɗaxnir ke no Farisiya we! Kaa tekit yememaar.

Mark 8:15

Yeesu a maƭooxa a den kene: «Mbootooxyo too yetoox no poɗaxnir ke no Farisiya we fo ke Herood.»

Mace 16:6

Yeesu a laya a den ee: «Mbootooxyo too yetoox no poɗaxnir ke no Farisiya we fo ke no Sadusiya we!»

1 Piyeer 4:2

Yaaga koy, no ngap onqe yoqna no ñoow nuun, naangyo o ñoowaa no bug ole Roog, ndaa baa ref no ke wiin we a yaawaa.

Efees 6:24

Yaasam yirmande fee Roog a ref fo fop we mbexna o Yaal in Yeesu Kiristaa o mbeq o saƭku.

1 Korint 5:6

Fak le nuun soo maas! Kaa nu mbeecit ke na layeel ee: O ndik no poɗaxnir rek na foɗaxnaa nqiiw?

YEGIL MBAAX NE YEESU ne Saŋ a bindtuuna 1:47

Yaa Yeesu a ga’na a Natana’el a garaa me ten, a laya kaa jofna no ten ee: «Kene refu o Ii-isra’el tigi, mbi’akaan leng refee no ten.»

Mace 16:12

Maaga, a andtu yee refee kaa farna no poɗaxnir mbuuru a ne’oogu a den da mbootoox, ndaa a cangin ale no Farisiya we fo ale no Sadusiya we.

Esayi 30:29

Xan nu nqaanaa nen o yeng olaa xew a roofandteel. Xan nu njeg o ɗaay na qeeñ nuun nen we na ñaaƴaa no fangax a liit, ndax da ndet no joong olaa no Yaal oxe, farna fo ɓil le Isra’el.

Esayi 25:6

O Yaal oxe Hupna fop xan a fi’an qeet ke fop mbumbaay took o joong oleene. Mbumbaay a tegeƴ a neeru a refkaa, a yoon fa biiñ fa mbelu, a ref mbumbaay a tegeƴ a moku fa biiñ fa nqoolu qac.

A kim a tedu ke 42:4

Xa kooniit es ndefu ñaamel es ñaal fo o yeng, yaa um layeel kili yee: «Taa Roog of?»

A kim a tedu ke 32:2

Ndaw o ɗaay no xe o Yaal oxe a ɗeeteerna tooñ um, too nqooƭ nof refee no ten.

A paɗax ale 23:6

No ñaal xarɓaxay fo ñaal ƥetkandeer ne no nqool o leng kut onqe, fat nu ndoofandanaam Xew fee no puuru canja’e ke. Fat nu ñaamaa puuru canja’e boo ñaal ɓetuu ƭik.

2 Korint 8:8

Refee yee kebil um cooxaa a nuun, ndaa kaam lalaa a nuun o jaflax ole lakas we a njegna, ndax o mbeq o ndiindigil onqe nuun a waag o ɗeetaqinel.

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

1 Korint 5:1

A jega ceeq naa um nanaa a ndeer nuun. O ñoowooƭ o nandu neene, we andeerna a Roog sax saqkiran, yaam a reta boo o leng na nuun a geekataa o tew faap um.

1 Korint 3:3

yaam kaa nu maad o mbesooraa nen wiin adna. Ndax ciisir fo nqasir ndefu a ndeer nuun? Bo ndiik xalaat adna na ɗoxaa a nuun,

Yosuwe 24:14

Ndiiki koy, saɗaryo o Yaal oxe too mbaɗooxin fo o ñak sik fo ngor. Mbatinyo roog ke daan nuun a mbaɗooxoogna, ye da ndefaa kaltaa Ofrat fo no saax laa Misira, soo mbaɗoox o Yaal oxe doŋ.

A cangatin ale 16:16

Goor we na xeet nuun fat a ngaraa a caf a tadak o hiid oluu watna mbaambir no Yaal oxe Roog nuun no mbiñ onqe ta jilkaa, ta ref na Xew fee no puuru canja’e ke fo na Xew fee no pes ɓetuu ƭik takooxiidu ke fo na Xew fee no ƭiif ke. Ba nu ngar mbaambir no Yaal oxe koy fo xa ƥay xa ƥor,

A sutax ale 13:6

Fat nu ñaamaa puuru canja’e boo ñaal ɓetuu ƭik. No ñaal ɓetuu ƭikandeer ne koy, fat nu ndoofandan o Yaal oxe xew.

A sutax ale 12:8

No yeng olaaga, fat nu njuɗ a tegeƴ ake, ñaamit a den puuru canja’e, yoonandtin tuufe-duufe qaaɗu.

A sutax ale 12:19

Waratee o jeg poɗaxnir no pind nuun boo ñaal ɓetuu ƭik. O kiin oxuu ñaamna mbuuru naa fuutuurna, fat a sutel xeet fee Isra’el, ta ref o gataakoon mbaat oxaa fogna na xeet fee.

A sutax ale 13:7

Puuru canja’e nu mbugko ñaamaa kam ñaal ɓetuu ƭik ke fop. O leng ga’katee mbuuru mbuutuuru no mbind nuun, too o leng ga’katee poɗaxnir kam saax nuun fop ne ta fodeena.

2 Korint 2:17

Yaam in o mat, i ndefee nen wiin mayu we na njula’aa fa lay fee Roog. Kaa koy, kaa i ndef waa na laytaa a qool qac kaa farna na Kiristaa mbaambir Roog, yaam Roog o mat lulu a in, i ndef faɗ Kiristaa.