1 Korint 5:7 - NQAARIIT NE ROOG

⁷ Ngela ƥogyo pakaad nuun, ndax poɗaxnir kiid ke a mbat, nu ndefat nqiiw nqas. Nu saqatee poɗaxnir sax, yaam Kiristaa refu mbaal in ne wareena na bes fee na Colandax ale.

1 Korint 5:7 Referans Kwoze

Efees 4:22

Neene boog, nu mbara o mboloox qac no ngiin ngiid ne nuun riñoogna a nuun no ne nu ñaaƴtoogna yaaga. A yaaw a naanax ake no ngiin ngiid neene, na saŋkax soom a ƥisaa.

YEGIL MBAAX NE YEESU ne Saŋ a bindtuuna 1:29

No feet olaa, Saŋ a ƴooka a Yeesu ta xotiidaa maa ten. Maaga, a laya yee: «Nga’yo o Mbaal onqe Roog na watnaa bakaad adna.

Mbeeñil 5:12

Kaa ngimoogu fo o ñuxur o maak ee: «O Mbaal onqe war’eena a hela o daaw katil fa halal fo o and fa doole fo o niwel fo o ndam fo a simat.»

A sutax ale 12:15

«Kaa nu mbar o ñaamaa puuru canja’e boo ñaal ɓetuu ƭik. No ke na xotitkaa no ñaal eetaand ne, waratee o jeg poɗaxnir no pind nuun. O kiin oxuu ñaamna mbuuru naa fuutuurna, no ke xotitna no ñaal eetaand ne boo no ñaal ɓetuu ƭikandeer ne, fat a sutel xeet fee Isra’el.

1 Korint 10:17

In we na nqaajraa mbuuru ne, i maya, ndaa ne mbuuru ne a refna leng, in itam o leng i ndefu.

YEGIL MBAAX NE YEESU ne Saŋ a bindtuuna 19:14

Kaa soƥ Xew fee na colandax ale a waajaneel, no mbuyukuun naa. Naaga, Pilaat a laya Yaawuur we yee: «O maad nuun oo xeene.»

Mark 14:12

No ñaal mberaand naa na Xew faa no puuru canja’e ke, bes fee mbaal ne a sadaxtoogeena, daalbe we Yeesu a laamtaan ee: «Mam bugo i njawantikong a cu’ax ale na bes fee na Colandax ale?»

YEGIL MBAAX NE YEESU ne Saŋ a bindtuuna 1:36

Yaa ta ga’na Yeesu a joonaa, a laya yee: «Nga’yo o Mbaal onqe Roog!»

1 Korint 5:13

We mbogeerna na in, Roog na hate’kaa a den. Oxe andoona koy ee o ten fogu na nuun, too a soxod, nu mbaru o ndax, ne a Pind a Tedu ke a laytuuna.

Mace 13:33

Yeesu a dakooxa o lay a den a naxax a lakas alene: «Maat ne na asamaan kaa nand fo poɗaxnir kaa o tew a jangna, a jaxasin fo a saxal a tadak mbiɗel. Naaga, fop a dalfooxa o foɗax.»

O leetar ole Pool a bindna GIMU WE NGENNA ROM 3:25

Ten o mat Roog a jilu, ndax no we na ngimkaa, fo’oy um a ref sadax fee na ñufaa a qaw ale Roog yaam pakaad ke. Roog a fi’aan, ndax ta waag o lalit o cofel um, yaam ne andoona yee kaa maad’u o muñaa pakaad ke mbi’’eena yaaga.