1 Korint 5:5 - NQAARIIT NE ROOG

⁵ fat oxe fi’na keene a deɓel na xa ƥay Saytaane, cer um a saŋkoox ndax o laaw um a muc no ñaal naa o Yaal oxe a nomtooxiidkaa.

1 Korint 5:5 Referans Kwoze

1 Timote 1:20

Himene fa Aleksaandar a mboga teen. Kaam ɓoxot a den a Saytaane, ndax da yaroox, too a and ee o kiin waree o wenaa a Roog.

Ke bindeena no xe ne’eena YOB 2:6

O Yaal oxe a laya a Saytaane yee: «O ten oo xeene, xaƴaaxoong fo ten. Kaa koy, baa o xuuf o ñis um.»

2 Korint 13:10

Ten taxu ye maaduuma o goƭaa um bindaa keene, ndax fadtiidkiim o ɗom tig me nuun, yaam sañ-sañ fee o Yaal oxe a ci’axama refee yee ndax um sañtaa, ndaa ndax um jokaa.

2 Korint 10:6

Ndiiki koy, kaa i ngeenoox took o maal nanaƭar nuu refna, cinj yaa nu lalitna o nanan o deyu sik.

1 Korint 11:32

Kaa koy, o Yaal oxe kaa hate’aa a in, a yaraa a in, ndax i saŋkooxandoorkee fo wiin adna we.

1 Korint 5:13

We mbogeerna na in, Roog na hate’kaa a den. Oxe andoona koy ee o ten fogu na nuun, too a soxod, nu mbaru o ndax, ne a Pind a Tedu ke a laytuuna.

1 Korint 1:8

A woora yee xan a fap a nuun, ndax nu ñak sik na bes faa o Yaal in Yeesu Kiristaa a nomtooxiidkaa.

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

1Saŋ 5:16

Boo o kiin a ga’na o pog um a fi’aa bakaad faa naageerna o ɓisaa na fa nqon, fat a xeɗanin. Neene, xan a coox o pog um oxaaga o ñoow ole. O ñoow oleene, xan we mbi’na bakaad faa naageerna o ɓisaa na fa nqon a ndaawin. A jega itam bakaad faa na ɓisaa na fa nqon. Layiim a nuun nu nqeɗan bakaad feene.

Xa peƭit axe 23:14

Yaa o xawtan o loq ole, kaa o guutatirandan fa jaaniif.

A kim a tedu ke 109:6

Kaa da layanaxam ee: «Fat a fokatel fo o soxodu, o caajamb a fodin na ñamaak.

2 Piyeer 3:12

Cungyo, too mbi ke nu mbaagna, ndax bes fee Roog a ñof o gar. Bes feene xan a tax asamaan fee a ñuf, soo ke fokateena a naay na fiɗel fa saasu.

2 Timote 1:18

Koo yaasam o Yaal oxe a fi ta daaw yirmande Roog na bes fa mbalakaand faa. O leng moƴirang o and ne ta dimle’taxama ye um refaa Efees.

Filip 1:6

A wooraxam ee oxe ferna na nuun paax keene, xan a fadnin boo na bes faa Kiristaa Yeesu a nomtooxiidkaa.

Mace 4:10

Maaga, Yeesu a layaan ee: «Saytaane, goƭaam! Yaam a binde yee: ‹O Yaal oxe Roog of soom waro faɗoox too dagooxan.› »

YEGIL MBAAX NE YEESU ne Lik a bindtuuna 22:31

O Yaal oxe a laya a Piyeer ee: «Simoŋ, Simoŋ, Saytaane kaa waaƭaa maa ta maafitna a nuun ndax ta fees a nuun nen bele.

2 Korint 12:7

Neene koy, yaam com’andtu ke no peeñil keene, sooxaneem kam cer es a bej, ndax jimbooxkiim kam a magnandax. A bej aleene kaa fadtiidaa nen oxaa Saytaane a lulna, ndax ta xijlaam boo magnandooxkiim.

A paɗax ale 13:21

Boo o saasadax oxe a ga’na yee jegee saxin ran kam daad le, too moƴee o xooɗ ƭool ne, soo a doon o ñog, fat a weg o kiin oxeene boo ñaal ɓetuu ƭik.