1 Korint 5:2 - NQAARIIT NE ROOG

² Ii, ɗeeti keene koy, soo nu nga’atinooxaa! Nu mbar’u o naqadiloox, soo oxe fi’na keene, nu sutin a ndeer nuun!

1 Korint 5:2 Referans Kwoze

2 Korint 12:21

Kaam saɗaraa sax ee um fadiidangaa, xan Roog es a toroxandahinaam yaam nuun. Pexey es fop a refkaa rek um loolaa took no we miñna o mbakaadaa, too a mbañ o ndicoox qoolaƭaru ke fo ceeq ne fo caasaay ne da ñoowtaa.

1 Korint 5:13

We mbogeerna na in, Roog na hate’kaa a den. Oxe andoona koy ee o ten fogu na nuun, too a soxod, nu mbaru o ndax, ne a Pind a Tedu ke a laytuuna.

Heseki’el 9:6

Nogoy we, mbes ke, mboƥ ndoog ne, xa caaƈ axe fo rew we, mbaryo a den, saŋik a den, ndaa oxuu saqna o ñaas ole ba nu nduqin. Nqotityo no Mbind ne mi.» A mberta no goor we, maak weene ndeeƭna mbaambir Mbind Roog ne.

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

Yeremi 13:17

Nu nan-gilooxangee kene, xam lool na pet, yaam a magnandax ale nuun. Xam yuurin xa kooniit, a kid es a nqaaraa fo xa kooniit, yaam xan o siir ole no Yaal oxe a ɓisel took o hup doole.

A kim a tedu ke 119:136

A kid es kaa nqaaraa fo xa kooniit, yaam ne a cangin of a reefaandeena.

2 Maad we 22:19

boo ta duq xeeñ of. Neewandooxaa mbaambir o Yaal oxe, ye nanoona ke fosooxan’uuma o mbiñ onqene fo we ngenna teen. Faaraa toki of, lool ciic mbaambir es, ye nanoona yee o mbiñ onqene xan a refat juum kefatin, we ngenna teen a ndefat saloor. Ten taxu mi o Yaal oxe, mexe yegnang ee nanaaxoong.

A lim ale 25:6

Ye Moyiis fo Ii-isra’el lakas we fop a mbokatoorna, a loolaa no ndokand ne no Ƭiif ne o Yaal oxe a xetteel, a nga’a o koor o Ii-isra’el, ta yoontiid o tew o Maamajan.

1 Korint 4:18

A jega waa na kañooxaa, yaam a mboog ee ɗeetiidkatiim a nuun.

2 Korint 12:20

Mi de, kaam diidaa rek o ñak o soƥ a nuun ne bugtuuma, nuun oo, nu nqetoortaam ne nu mbugteerna, yaam ke um soƥiidaa: Qasir fo ciisir fo puuxir fo ngendandoor fo layir paaxeer fo ñu’ir fo o nga’atinax fo o samar ole fi’na yook.