1 Korint 5:11 - NQAARIIT NE ROOG

¹¹ Ke um bindataa refu nu ndiƈatoox we andoona yee kaa layaa yee no ngim onqe a ndefu, too a seeqaa, a mbuge, a njuuraa, a mbenaa lakas we, a ndef yeeyer say, a nguuɗaa. Ba nu ndeer fo kiin um o roon sax.

1 Korint 5:11 Referans Kwoze

O leetar ole Pool a bindna GIMU WE NGENNA ROM 16:17

Fog we, kaam xeɗaa a nuun nu mbootoox we na sakaa fo mbokatax fo sayooxu. Kaa mo’nooraa gimu we, yaam kaa mbañ faƥit a cangin ale nu ndaawneena. Fat nu ngoƭaa a den.

2 Tesalonik 3:14

O kiin oxuu andoona koy ee reefee a ƭelem ake i layna kam o leetar olene, fat nu ngorooxin, mbañ o njeg fo ten nga’ir leng, ndax ta sed.

2 Tesalonik 3:6

Fog we, kaa i ngeblaa a nuun no gon no Yaal in Yeesu Kiristaa nu ngoƭatir fo o pog oxuu feeñaakna, too o ñoowooƭ um a guutatir fo ole nu njangitna na in.

Mace 18:17

A fañangaa o nan-giloox a den, layeen mbokatax ne no gimu we. Boo ta fañna o nan-giloox mbokatax ne no gimu we, fat o fi’in nen o kimaƭaru mbaat nen oxaa na rabdinooxaa juuti.»

1 Korint 5:13

We mbogeerna na in, Roog na hate’kaa a den. Oxe andoona koy ee o ten fogu na nuun, too a soxod, nu mbaru o ndax, ne a Pind a Tedu ke a laytuuna.

2Saŋ 1:10

Oxuu layiidna a nuun paru na Roog, too jangnee keene, baa dal no mbind nuun, too ba nu simnin sax,

Mbeeñil 22:15

Kaa koy, we na mbi’aa cednooxu fo fan we fo we na seeqaa fo waawar we fo juujuur we fo fop we mbexna o maaɓaa na fa lay fo na pi, o leng na den rokkee na teeru fee muk.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

1 Timote 3:3

Waree koy o ref o yeeyer o say mbaat ta may balu-balu, ndaa kaa war o lewet, a bug jam fa jam, a fañ o buge.

Mace 23:25

Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu ƥogdaa took fee na tokol ale fo took fee no roon ole, too yaaga fop oo kam fee kaa may fo kuuɗe fo ke a yuxum a paaxeer ake a ƥisiidna.

Mbeeñil 2:20

Kaa koy, a jega kaa ɗomaxama na wo: Kaa o waas o tew oxe ne’eena Isebel na layooxaa o tuleer Roog, soo a naxaa dag we mi. Kaa jangnaa a den ee da seeqaa, soo a ñaamaa a tegeƴ akaa sadaxeena pangool.

Efees 5:5

Fat nu yeg fo and ee oxe na seeqaa mbaat oxe na saasaayaa, jegkee muk a las no Maat ne Kiristaa, refna ne Roog. Oxe fexna xaaliis deyaand o ne, yaam o fex xaaliis refu faɗooxaa ke refeerna Roog.

YEGIL MBAAX NE YEESU ne Lik a bindtuuna 21:34

«Mbootooxyo boog! Ba a yiif nuun a may fo a ñaam a kupu mbaat fo a yer a kupu mbaat fo a qalam ake no ñoow ole, ndik bes feene a bet a nuun

1 Korint 6:10

guuɗ we, we mbuge’na, yeeyer say we, we na mbenaa lakas we fo cublang ke, kaam ee o leng na den lamkee Maat ne Roog.

Heseki’el 22:12

Me wo, ker ke kaa njaɓeel, ndax fo’oy a ɓaxel. Kaa o rawnitaa took ndimand ngupalu. Kaa o jaɓaa o jeg no kend of took o hup doole, soo mi o mat o weecaam. Mi o Yaal oxe na refkaa boo faw layun.

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

1 Korint 8:11

too yaaga xan yiif of deyu a saŋik o pog o neewu doole xaa Kiristaa a xonanna took a kurwaa.

1 Korint 6:6

Ten taxu yoo fog ɗik a nqetaa no nqel no gimeer.

O leetar ole Pool a bindna GIMU WE NGENNA ROM 13:13

Fat i ñaaƴit o jof, yaam in wey na qoolaand ale. Ba i yer a yer a maamu mbaat i ñaam kupu. Ba i seeqaa mbaat i mbi’aa a pi a parƴu fo cer in. Ba i nqasir, too ba i siisraa.

A kim a tedu ke 101:5

Oxuu na ñu’aa o kend um, xam saŋkin. Jaɓkiim muk oxe na ɗeettaa nga’yaamoo, oxe magnandooxna no xeeñ um.

A kim a tedu ke 10:3

O soxodu xe kaa fakoortaa a yuxum o laaw um. Oxe na ƴufanaa o jeg o xooleer kaa salooxaa o Yaal oxe soo a xaadnooxan.

Mbeeñil 2:14

Kaa koy, a jega onqaa ɗomaxama na wo: Ten refu yee kaa o jeg meene wiin waa ndamooxna na cangin ale Balam. Kaa jangnoogu a Balak yaaga, ta sip a panq alaa na baɓaa Ii-isra’el we, a maafnooraa a den na bakaad yaa ta koocaa a den da ñaam a tegeƴ a sadaxte akaa ne’teena pangool, soo a seeqaa.

1 Timote 6:5

Meene ñimatir ke no wiin we ñakatna a yiif a ndefu, ndigil a daɗ a den, da mboog ee o reef a Roog baaƭir xaaliis oo.

Efees 5:18

Ba nu mbayaa fa biiñ, yaam o luubax soom a ɓekkaa a nuun, ndaa mayyo fo Yiif Tedu le.

Galati 2:12

Ye we inoortiid’ina maa Saak a mbadiid’afuleerna, Kefaas kaa ñaamoogu fo gimu we ndefeerna Yaawuur, ndaa yaa da mbadiidna mbadiid rek, ta dalfoox o naag kuraac a sayoox, yaam ndik we sertoogna nquc a layin tig.

1 Korint 11:21

yaam a mbanuu nu layna yee ten nu nqetanu, mbug o mbogandoor itam ñaamel nuun, oxuu refna na nuun kaa sayooxaa fo o rox um boo fop ñaamkee, ndax weeke a nqeexel, lakas we a ñaam, a yer boo a mbay.

1 Korint 10:14

Fog es, ten taxu um layaa a nuun ee: Ƈufyo a cuurax.

1 Korint 7:15

O kimeer oxe a bugangaa o tas a las um no ndolnir, a waagaan o fi, fat a tasin, too yaaga oxe gimna, ta ref o koor oxe mbaat o tew oxe, refatee teen dara. Roog kaa mucil a in, ndax i ngen na jam.

1 Korint 7:12

Kene koy refee kebil no Yaal oxe, ndaa kaam bugin o as a nuun, nuun lakas we: A soƥangaa yee o kiin o kimu kaa jeg o tew o kimeer oxaa jaɓna o gen fo ten, baa waasin.

A pi ake 9:17

Anañaas a inooxa, too ye ta fadiidna no mbind ne, a doona xa ƥay um took Sool, a layin ee: «O pog es Sool, o Yaal oxe Yeesu Kiristaa, feeñoox’oonga na ƭat ale ye o garaa, luliidaxam ndax o ga’atin, too may fo Yiif Tedu le.»

YEGIL MBAAX NE YEESU ne Lik a bindtuuna 18:11

O Farisiya xe a inooxa a geenoox, too a xeɗit nene yee: ‹Roog, mexe ɓoxotang tedaanga, yaam ne nandeeruuma fo wiin leng we ndefna guuɗ, a njofaƭar, a seeqaa mbaat nen o taarabdinax juuti xene sax.

A pi ake 1:15

Na pe akaaga, Piyeer a inooxa a ndeer no fog olaa. Waa mbokatoor’ina a ndeeƭa ngap wiin teemeed fo wiin qarɓeen ƭik. Maaga, Piyeer a laya a den ee:

1 Korint 6:9

Xeƈa kaa a yiif nuun ngalagee yee oxe naageerna o fi’aa ke Roog a bugna lamkee Maat ne Roog. Koo qoyni, ba o leng a nax a xoox um, yaam a cuut ake, we na njuuraa, we na seeqaa, goor we mbaat rew we na mbesanraa a ndeer den,