1 Korint 5:10 - NQAARIIT NE ROOG

¹⁰ Meene koy, ne’iim gimeer we ndefna we na seeqaa mbaat we mbuge’na mbaat guuɗ we mbaat juujuur we, yaam yaaga nu sutoox na adna fee.

1 Korint 5:10 Referans Kwoze

1 Korint 10:27

O kimeer a xurangaa a nuun mbaat ta xoy a nuun a put, too yiif nuun a ref no ret jaaɓin, fat nu ñaam kuu ta diƈiidna, too ba nu siisoox dara.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

1Saŋ 5:19

I anda yee na Roog i mbogu, too adna fee fop oxe na sañ-sañ fee no paaxeer oxe.

1Saŋ 4:5

Den koy, na adna fee a mbogu, ten taxu da laytaa nen wiin adna, too wiin adna we kaa nan-gilooxaa a den.

Filip 2:15

ndax nu ñak sik, nqool, ndef xa ƥiy Roog xa cegee ƥanjel a ndeer no wiin yaqooxu waa ngalafna. Ndeer no weene, kaa o ñoow nuun a meleƈaa nen xa qoor axe na asamaan,

Efees 2:2

Kaa nu ndeefanoogu boog o ñoowooƭ ole na adna fene, nananaa oxe kelfa’na cini ke ndefna ndeer asamaan fa lanq. Ndiiki, yiif faaxeer leene kaa jalaa no wiin we nananeerna a Roog.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

1 Korint 1:20

Ten taxu ndiiki, an refu meen o yaal o and? An refu meen o cangu? An na inooxkaa meen a ñimatireel, ndax ta lalit yiif um? Kaa Roog feeñlee yee ke na fakoorteel na adna fee ñaku xoox oo?

YEGIL MBAAX NE YEESU ne Saŋ a bindtuuna 8:23

Yeesu a dakooxa o lay a den ee: «Nuun, a lanq nu ngatu, mi, um hat took. Wiin adna feeke nu ndefu, too mi o mat, refiim o kiin adna fee.

1Saŋ 4:7

Fog es we fexuuma, fat i mbexir, yaam o mbeq, na Roog a inooru. Oxuu jegna o mbeq, Roog rimun, too a anda a Roog.

YEGIL MBAAX NE YEESU ne Saŋ a bindtuuna 17:9

Den um xeɗanaa. Xeɗaniim wiin adna we, ndaa we lasaxamoona um xeɗanaa, yaam wo jegu a den.

YEGIL MBAAX NE YEESU ne Saŋ a bindtuuna 17:6

Andnooraam gon of a ndeer no wiin we lasaxamoona na adna fee. Na xa ƥay of a ndeeƭu, o ɓoxotaam a den, da ngeek fa lay of.

YEGIL MBAAX NE YEESU ne Saŋ a bindtuuna 15:19

Nu mbog’angaa na adna, a fexkooga a nuun, yaam ke fogna fo ten rek a fexu, ndaa koy feek nu mbogee no ten, ndoon teen um jil a nuun, xan a sib a nuun.

YEGIL MBAAX NE YEESU ne Lik a bindtuuna 18:11

O Farisiya xe a inooxa a geenoox, too a xeɗit nene yee: ‹Roog, mexe ɓoxotang tedaanga, yaam ne nandeeruuma fo wiin leng we ndefna guuɗ, a njofaƭar, a seeqaa mbaat nen o taarabdinax juuti xene sax.

1 Korint 5:9

Kam o leetar ole bind’uuma a nuun, lay’aam a nuun, nu mbañ o ndokoor fo we na seeqaa.

1 Korint 5:11

Ke um bindataa refu nu ndiƈatoox we andoona yee kaa layaa yee no ngim onqe a ndefu, too a seeqaa, a mbuge, a njuuraa, a mbenaa lakas we, a ndef yeeyer say, a nguuɗaa. Ba nu ndeer fo kiin um o roon sax.