1 Korint 5:1 - NQAARIIT NE ROOG

¹ A jega ceeq naa um nanaa a ndeer nuun. O ñoowooƭ o nandu neene, we andeerna a Roog sax saqkiran, yaam a reta boo o leng na nuun a geekataa o tew faap um.

1 Korint 5:1 Referans Kwoze

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Mbeeñil 2:21

Ci’aanum maa ta fesitna pakaad um a cinj, ndaa bugee o fes a cinj ceeq ne ta fi’aa.

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

Efees 5:3

Nuun, na xeet fee Roog nu mbogu. Ten taxu nu ndeyee o moof, layeel kaa jofna no ceeq mbaat no caasaay mbaat na yuxum a paaxeer.

A paɗax ale 18:8

Wariro o wondoox fo o leng oxaa refna o tew faap of, yaam yaaga ta ref o niwaƭar a faap of.

Galati 5:19

Ke cer ke yaawaa koy a ande a paax. A pi ake den ndefu: Ceeq fo qoolaƭaru fo caasaay

1 Tesalonik 4:7

Yaam Roog xoyee a in, i mbi’aa caasaay, ndaa ndax i ted.

2 Korint 12:21

Kaam saɗaraa sax ee um fadiidangaa, xan Roog es a toroxandahinaam yaam nuun. Pexey es fop a refkaa rek um loolaa took no we miñna o mbakaadaa, too a mbañ o ndicoox qoolaƭaru ke fo ceeq ne fo caasaay ne da ñoowtaa.

1 Korint 6:18

Ƈufyo ceeq! A jega pakaad lakas kaa ndefeerna no cer, ndaa oxuu rokna no ceeq, cer um sax sax a tooñu.

1 Korint 6:13

Ngaaf taxu o fud, o fud a refan ngaaf, ndaa ƭik ke fop, xan Roog a muuk a den. Njer koy sakanaand ceeq, ndaa kaa refan o Yaal oxe, o Yaal oxe a refanin.

1 Korint 6:9

Xeƈa kaa a yiif nuun ngalagee yee oxe naageerna o fi’aa ke Roog a bugna lamkee Maat ne Roog. Koo qoyni, ba o leng a nax a xoox um, yaam a cuut ake, we na njuuraa, we na seeqaa, goor we mbaat rew we na mbesanraa a ndeer den,

1 Korint 5:11

Ke um bindataa refu nu ndiƈatoox we andoona yee kaa layaa yee no ngim onqe a ndefu, too a seeqaa, a mbuge, a njuuraa, a mbenaa lakas we, a ndef yeeyer say, a nguuɗaa. Ba nu ndeer fo kiin um o roon sax.

A pi ake 15:29

Ten refu yee nu mbootoox ñaamel ke sadaxeena ke refeerna Roog mbaat fo’oy mbaat med mbaat ceeq. Nu mbootooxangaa keene, xan nu mbi paax. Na jam!»

A pi ake 15:20

Kaa koy, fat i mbind a den, da mbootoox ñaamel qoolaƭaru ke sadaxeena ke refeerna Roog, a mbaas ceeq, a mbootoox o ñaam med fo fo’oy itam.

Yeremi 2:33

Andaa a paax ne o ñaaƴnitaa, ndax o bugel. Ten taxu o merat boom sax.

2 Korint 7:12

Bindiim keene yaam oxe tooñ’ina mbaat oxe tooñ’eena. Kaam bindin ndax o jaflax ole nu njegna na in a feeñ mbaambir Roog.

1 Korint 1:11

Fog es, a jega kaa nantuuma no xaa genna no mbind Kolowe, ta ref ee kaa jeg qasir a ndeer nuun.

Amos 2:7

Kaa mbi we neewna doole takir, wargal no toroxu da ndakin, a suuraa. Kaam ee, kaa faap fo o ƥeem a nqetaa no toog o leng, a pi den fop a maasandaa gon tedu le mi.

Heseki’el 16:47

Ñaaƴiro na ƭat den day teen, fi cednooxu leng kut ke da mbi’na, kaa o xeef’u kaaga, moƴ o yaqoox a den na ƭat ake wo fop.

A cangatin ale 27:20

‹Oxuu wondooxna fo o tew faap um a halakooxa, yaam yaaga ta ref o huytin!› Fat xeet fee fop a ndoon ee: ‹Amiini!›

Heseki’el 22:10

A jega me wo waa na mbondooxaa fo o tew faap den, fo waa na ngignaa o tew oxaa saqna tap.

1 Caloori ke 5:1

We na ngaraa taa mbaambir ndefu xa ƥiy axe Ruben fee taaw Isra’el. Ruben refu taaw, ndaa cinj ye ta wondooxna fo o leng no rew we faap um, a las taaw ale ten a cooxe a Yoseef fee refna ten itam o ƥiy Isra’el, too Ruben a ɗeet’ate nen oxaa ñakna a las taaw ale ten.

2 Sami’el 20:3

Ye o maad oxe a fadiidna no mbind no maad ne ten Yeerusaleem, a xota keƈ-a-salma xarɓaxay ke ten ta xaƴ’ina maaga da topatooxaa mbind no maad ne, a ɓek a den no mbind leng naa na yetooxeel a paax. Ten saq’u o ñoow den, ndaa mos’atee o yoon fa den. No kaa xotitna maaga rew waaga kaa mbeg’el boo na fa nqon, a nandtataa ñaaw, ke o kor den a ñoowoogna fop oo.

2 Sami’el 16:22

A ndalfooxa o sipan a Absalom ƭiif no dung-took olaa, soo ta yoon maaga fo keƈ-a-salma ke faap um na kid Isra’el fop.

1 Sami’el 2:24

Xa ƥees, fat kaaga a naag faq a xon, yaam ke um nanaa xeet fee no Yaal oxe a layaa na nuun, faaxee dara.

A paɗax ale 20:11

Boo o koor a wondooxna fo o tew faap um, a niwaƭara a faap um. Den ɗik fop fat a mbarel, yaam a jaga fa den.

Mberaand 49:4

wo fee na jiqtooxaa nen foofi, refatiro oxe moƴna jeg o njiriiñ, yaam kaa o wondoox no njong faap of, xoolaƭarandin.

Mberaand 37:2

Keeke ndefu a kon ake na xa ƥiy axe Yakoob. Ye Yoseef a jegna xa kiid xarɓaxay fo xa kiid ɓetaa ƭaq a gayooga fo fog faap we ten. A deƥandoonga fo xa ƥiy axe Bilha fo xa ƥiy axe Silpa ndeeƭna rew faap um. Yoseef kaa wetandooxoogu a faap den paaxeer ke da mbi’oogna.

Mberaand 35:22

Ye Isra’el a genna no jegel olaaga, Ruben a reta, a wondoox fa Bilha fee ngeƈ-a-salma ne faap um. Faap um a yega kaaga. Xa ƥiy axe Yakoob xarɓaxay fo ɗik a ndeeƭu.

2 Korint 2:5

A soƥangaa yee kaa jeg’u oxaa naqadiloogna, refee yee mi a naqadilu, ndaa nuun fop. A refa o ndik na nuun oo, yaam ndik ta ref ƥaaɓaatin na mi.