1 Korint 4:9 - NQAARIIT NE ROOG

⁹ Yaam kaa nandaam nen kaa Roog a jang a in, in apootar we, a fi a in a las no wiin, i mberanel fa nqon, ndef calat na adna mbaambir malaaka ke fo wiin we.

1 Korint 4:9 Referans Kwoze

Hebre 10:33

Leek-leek kaa nu mbenoogel, soo ñagadileel mbaambir no wiin we, leek-leek nu yoon fo we ngadnoogeena nandu neene.

O leetar ole Pool a bindna GIMU WE NGENNA ROM 8:36

Keene kaa ref nen ke layeena kam a Pind a Tedu ke yee: «Ñaal oo ñaal a jega na in waa na mbareel yaam o sagin of, soo i ƭeeteel nen paal kaa na ƥiseel no warand.»

Hebre 1:14

Xar malaaka ke a ndefu? Den fop a yiif akaa na mbaɗooxaa a Roog a ndefu, ta lulaa a den ndax da ƥisaa o ndimle me no we na ndaawkaa a muc ale.

Hebre 11:36

Lakas o mat a njaɓa o ñawle’eel, a nqawel xa cap, boo leng-leng a njengel, soo a ƥekel kam kaso.

1 Tesalonik 3:3

ndax o leng na nuun yenkee no ƭeetlax ke mbadiidna. A woora a nuun sax ee keene i njagandane.

2 Korint 6:9

Kaa i ƭeeteel nen wiin andaande, ndaa i ande a paax, nen waa na nqonaa, too ndef waa na ñoowaa jok, ne nu andtuuna. Kaa i nqaweel, too i mbarnoorkaand,

A pi ake 19:31

Leng-leng no kelfa kaa no jegel olaa Asi ndeeƭna qaariit um a lulit’aan, too a layin ee ta fañ o jikook o ñis um no mbuud naa.

A pi ake 19:29

Teeru faa fop a yo’nooxa. Wiin waa a ndeta, a ndam a Gayus fa Aristark ndeeƭna Maamakedoni we yoon’ina fa Pool, a ndeƈ-ndeƈin a den fop boo no mbuud naa.

A kim a tedu ke 44:22

refkoogee kunpa of, yaam andaa kunpa ke no xeeñ no kiin.

A kim a tedu ke 71:7

Kaam jaaxɗand jaaku, ndaa wo refu njaɓnooxand es mbooru.

Yeremi 20:18

Xar taxu boog um sutoox no fud ya es, ndax um ñoowaa no coono fo na naqad soo xa yeng es a muukooraa gaci?

1 Korint 15:19

A soƥangaa yee yaakaar in fa Kiristaa na adna feeke rek a dayu, in ndefu we moƴna o ngalakoox no wiin we fop.

2 Korint 11:23

Ndax kaa ndef jaajal Kiristaa? Um lay a nuun ƭof boog, yaam mi moƴun o ref a den. Kaam moƴ o jal a den, moƴ o ɓekel a den kaso, moƴ o xawel, boo kaam gen’u sax no ñaaƴaa took a semb es.