1 Korint 4:7 - NQAARIIT NE ROOG

⁷ Kaa nu njeg kaa nu kañteena! Xar nu pokooxu, too refee ci’it? A soƥangaa koy ee ke nu pokooxna fop ci’it oo, xar taxu nu mbakooxaa nen waa njegtuuna no onj den?

1 Korint 4:7 Referans Kwoze

YEGIL MBAAX NE YEESU ne Saŋ a bindtuuna 3:27

Saŋ a doona a den ee: «O kiin waagee o jang colu muud fee ta daawitna na Roog.

1 Piyeer 4:10

Oxuu refna na nuun kaa ref nen o tag o paax oxaa Roog a doxinna ci’it pogreer. Yaaga koy, fat a dimle’taa lakas we ci’it ne ta daawitna na Roog.

Saak 1:17

Paax mbaat ci’it mbadu nuu refna, took a ngatu, na Faap fee sakna njeeƈ ne fo o nqool onqe fa xa qoor axe. No ten, a suptax a leng naagee o jegaa, too a qoolaand um suptooxkee o niɓaan.

O leetar ole Pool a bindna GIMU WE NGENNA ROM 12:6

Roog kaa lasit ci’it um no fud o letu. Ci’it ke koy kaa nguutatir, ndaa i mbara o njiriiñoor a den, oxuu refna fo ne Roog a lastoonga. Oxuu ci’eena o jo’tanaa a Roog, fat a fi’in, ta yoon fo o ngim onqe.

YEGIL MBAAX NE YEESU ne Saŋ a bindtuuna 1:16

I ndaawa koy no paax ke ta garitna fop, ta ref yirmande took yirmande.

Xa peƭit axe 2:6

O Yaal oxe na ci’taa o jeg-yiif, o and fo o ƴiƴ a ngataa no ten.

YEGIL MBAAX NE YEESU ne Lik a bindtuuna 19:13

A xoya faɗ xarɓaxay we ten ndax ta doxin a den, o kiin oo kiin o xanjar o leng wurus, too a lay a den ee: ‹Ndimandyo a den boo um helko fo nomtooxiidaa.›

1 Korint 15:10

Yirmande Roog soom taxu um ref ke refuuma xaye, too yirmande um fa mi yenee na ngas, yaam kaam daar, hupiɗ a den jale. Wariim o lay sax ee mi jalu, ndaa yirmande fee Roog a dalinna a ndeer es fo ten.

1 Korint 7:7

Ndigil oo, ke moƴan’axama fop a mbi ne fi’uuma, ndaa tanq Roog kaa mbogree. Kaa danqaa oxene kene, oxaana kaana.

O leetar ole Pool a bindna GIMU WE NGENNA ROM 12:3

Ne Roog a ci’axama yirmande um, mexey layaa a nuun fop ee: Ba nu yeg a qoox nuun boo muk, ndaa fat nu maandoox na qalaat nuun, oxuu refna a liiƥoor fo a las ale Roog a ci’uuna no ngim onqe.

O leetar ole Pool a bindna GIMU WE NGENNA ROM 1:5

No ten daawtum yirmande fo waag o ref apootar boo qicaa qeet ke fop, da ngim no ten, too a nananin, ndax gon um a simatel.

Dañel 5:23

Kaa o inooxan o Yaal oxe refna na asamaan boo simit o ɓisaniidel a tokol a tedu ke inoorna no Mbind um, nu yertaa a den biiñ, wo fo wiin maak we wo fo rew we wo fo keƈ-a-salma ke wo, doon teen simataa roog ke mbi’teena xaaliis, wurus, xanjar, njelem, a teex fo a ƥil, roog puulu keene naangeerna o nanaa too andee tus, soo fañ o ɓoxot o ndam a Roog fee saqna o ñis of, a gayaa a pi of fop.

Dañel 5:18

Daali maad, Roog fee Took-ee-took a fi’a na faap of Nebukadnesaar o maad o maak oxaa mayna o ndam fo o magnel.

Heseki’el 29:3

Yaƥati too lay ee: Keeke layum, mi o Yaal oxe na refkaa boo faw: Xam ɓekong o ɓay, wo Firawon fee o maad Misira, wo fa noox fa maak fee na wondooxaa ndeer xa quluɓ axe wo, layaa yee: ‹Niil fee mi jegun, mi fi’oodun!›

1 Korint 5:6

Fak le nuun soo maas! Kaa nu mbeecit ke na layeel ee: O ndik no poɗaxnir rek na foɗaxnaa nqiiw?

1 Korint 3:5

Xar Apolos mbaat Pool a ndefu? Faɗ lule soom i ndefu, waa mbi’oogna, oxuu refna ke o Yaal oxe a coox’uuna, ndax nu ngimit na in.