1 Korint 4:6 - NQAARIIT NE ROOG

⁶ Fog es, nu nanangaa um layit a Apolos fa mi Pool, nuun taxun. Kaam bug nu ƭeet na in, mbañat o ƈakandooxaa ke bindeena, nduux a koƥ. O nanangaa um layit a kon in, kaa bugatiim o leng na nuun a ga’atinooraa o leng, soo a fañ o lakas.

1 Korint 4:6 Referans Kwoze

2 Korint 11:4

Yaam o kiin a garangaa, a waare’aa a nuun a Yeesu fa lakas faa refeerna fee i mbaare’na mbaat ta soƥ ee kaa nu ndaaw yiif lakas laa fogreerna fo le nu ndaawna mbaat yegil mbaax lakas naa refeerna ne nu ndaawna, kaa nu njaɓanan a paax.

2 Korint 12:19

Kaa nu miñ o nqalaataa yee kaa i njofandataa a qoox in mbaambir nuun. Kaa koy, mbaambir Roog i laytaa keene fop na pexey Kiristaa, nuun qaariit ke ndalna na qeeñ in bo, kaa i mbug o njok a nuun kam o ngim onqe.

2 Korint 12:6

Um bug’angaa o fakoox, taxkoogee sax um ɗof, yaam ndigil laykoogum. Kaa koy, kaam wootooxaa keene, yaam ndik o kiin a ɗeetaam a ngid alaa hupna ke ta ga’aa na mi mbaat ta nanan.

Kolos 2:18

Ba o leng a nax a nuun boo a yaqan a nuun eetatir ne nu ndefitna, yaam a fi’ooxaa o neewandooxu mbaat tee kaa reefaa kaa malaaka a dalinna. O kiin um a waaga o ret sax boo a saaƭoox na xa ƭaaɗ xa andand, a magnandooxaa yaam a qalaat um a cegee xoox,

1 Tesalonik 1:5

yaam nu ndamtee Yegil mbaax ne in nen fa lay fa ƥor soom. Kaa nu ndaawtin na doole fee no Yiif Tedu le, too njaɓ ee ndigil saƭku koŋ oo. Yaaga boog nu anda ne i mbesoorna a ndeer nuun yaam o njiriiñ nuun.

O leetar ole Pool a bindna GIMU WE NGENNA ROM 12:3

Ne Roog a ci’axama yirmande um, mexey layaa a nuun fop ee: Ba nu yeg a qoox nuun boo muk, ndaa fat nu maandoox na qalaat nuun, oxuu refna a liiƥoor fo a las ale Roog a ci’uuna no ngim onqe.

2 Korint 10:7

Mbi’yo o ndang, too naang jak fo a kid nuun ne tikoorik ke a nandna. Oxuu ta woorna yee Kiristaa jegun, fat a ɓek no yiif um ee neene itam Kiristaa a jegtu a in.

2 Korint 4:15

Keene fop xan a jeg yaam nuun, ndax yirmande fee Roog a moƴ o siw took no moƴ-o-jaak ole no wiin we, ndax ta riñ a den da ngidmaa a Roog yaam o ndam um.

1 Korint 8:1

Nu laamta itam kaa jofna no ke sadaxeena pangool ke. Ndigil oo, in fop, «oxuu refna na in a jega o and», ne ta layeel, ndaa o and oleene, no ga’atinax rek a ɓekaa a in. O mbeq kañ, na jokaa o kiin.

1 Korint 5:6

Fak le nuun soo maas! Kaa nu mbeecit ke na layeel ee: O ndik no poɗaxnir rek na foɗaxnaa nqiiw?

1 Korint 3:19

Yaam o jeg-yiif ole na adna feeke, o ñak-xoox Roog a fi’un. Ten taxu ta layel na Pind a Tedu ke yee: «Roog kaa maaftaa jegu yiif we o ƴiƴ den.»

2 Timote 2:10

Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.

2 Korint 10:15

I mbakooritkee jale no wiin lakas boo muk, too i njolkee a tet in, ndaa i yaakaara yee xan o ngim nuun a moƴ o ɓaatoox. Yaaga, xan i moƴ o mbadin calel cegu njiriiñ a ndeer nuun boo na tet in.

2 Korint 10:12

Ten taxu, i saɗee muk o liiƥoor a kand mbaat i nandandoor leng-leng no we ndoonna a qoox den took, yaam kaa liiƥoor liiƥir a qoox den, soo a ndodooxood, yaam kaa njegee o and tus.

1 Korint 13:4

O mbeq kaa muñ, a may fo o paaxel, naagee o siisaa, ga’atinooxee, magnandooxee.

1 Korint 9:23

Kaam fi’aa keene fop yaam Yegil mbaax ne, ndax um jeg teen a las.

1 Korint 5:2

Ii, ɗeeti keene koy, soo nu nga’atinooxaa! Nu mbar’u o naqadiloox, soo oxe fi’na keene, nu sutin a ndeer nuun!

1 Korint 3:21

Ba nu mbakoortat o kiin, yaam fop nuun a refanu,

1 Korint 1:31

ndax oxuu na fakooxaa, ta ref no Yaal oxe, ne ta bindteena.

1 Korint 1:19

Ne a Pind a Tedu ke a layitna yee: «Xam mo’and o jeg-yiif ole no jegu yiif we, yaal-o-and we, um sañit o and den.»

1 Korint 1:12

Kene um ne’aa: Wene kaa layaa yee: «In, Pool i ndeefaa», weeke yee «Apolos», waana yee «Kefaas», lakas we yee «Kiristaa i ndeefaa».

Esayi 2:22

Mbaasyo ngoolooxaa o kiin oxe o ñoow um a hapeena no haaƭ soom. Ndi xar refu o njiriiñ um?

A kim a tedu ke 146:3

Ba nu ngooloox wiin maak we, o mbindeef onqe waageerna o mucil.

A kim a tedu ke 8:4

Um ɗeetangaa ɗeet asamaan fee saktoona xa ƥay of, o nqool onqe fo xa qoor axe sipoona teen,

A pi ake 18:24

O Yaawuur oxaa ne’eena Apolos, too a rimel na teeru faa Aleksandiri, a inooriida Efees. O koor o qoolu fa lay a reeƭu. A and’a a Pind a Tedu ke a paax itam.

A pi ake 19:1

Ye Apolos a refna na teeru faa Korint, Pool a xaañooga o jegel olaa na xa coong axe too a fudoortiida Efees. A soƥa maaga daalbe leng-leng,

2 Korint 12:20

Mi de, kaam diidaa rek o ñak o soƥ a nuun ne bugtuuma, nuun oo, nu nqetoortaam ne nu mbugteerna, yaam ke um soƥiidaa: Qasir fo ciisir fo puuxir fo ngendandoor fo layir paaxeer fo ñu’ir fo o nga’atinax fo o samar ole fi’na yook.