1 Korint 4:4 - NQAARIIT NE ROOG

⁴ Mi fa xoox es, siisooxiim dara, yaam taa no yiif es ga’iim ee ɗapafulaam ngor ne ta cungaa na mi. Kaa koy, um ñak o siisoox tig sax, taxee um ñak ƥanjel, ndaa kaaga, o Yaal oxe jegun, o ten na hate’kaxam.

1 Korint 4:4 Referans Kwoze

A kim a tedu ke 143:2

Ba o layoor fa mi fee o tag of, yaam jegee o leng oxaa jofna mbaambir of.

A kim a tedu ke 130:3

O Yaal oxe, boo geek’oona no yiif of tooñ ke, o Yaal oxe, an daɗkoogu hate of?

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

Xa peƭit axe 21:2

O kiin oxe kaa xalaataa yee kuu ta fi’na a faaxa, ndaa o Yaal oxe na jaqtaa ke taxna ta fi’el.

A kim a tedu ke 19:12

O Yaal oxe, mi fee o tag of kaam xottaa teen a maƭax, too oxuu na gayaa a den, xan a daaw saɗig maak.

2 Korint 5:10

Yaam in fop, kaa i mbar o ngeennel no nqel ne Kiristaa, ndax ta ɓoxot oxuu refna a pi um ye ta ñoowaa no cer um, ta ref paax mbaat paaxeer.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

O leetar ole Pool a bindna GIMU WE NGENNA ROM 2:13

Refee yee we na nan-gilooxaa kebil ke Roog na ƭeetkeel nen jofu mbaambir um, ndaa we na ndeefaa kebil ke na njofandkeel.

Ke bindeena no xe ne’eena YOB 40:4

«Mi kañ, refiim tus, ndi xar um doonkang boog? Kaam dam o don es.

Ke bindeena no xe ne’eena YOB 27:6

Kaam geenoox no fañan a xoox es too sutooxkiim teen. Yiif es jambiraam naa moofum.

Ke bindeena no xe ne’eena YOB 25:4

Nam o kiin a ɓuritkaa a Roog? Kaam ee nam o ƥiy no kiin a xoolitkaa mbaambir um?

A pi ake 23:1

Pool a naaga jak a kid waa mbog’ina no Mal maak naa, too a lay a den ee: «Fog we, fo yiif dalu ñaaƴtum mbaambir no Yaal oxe boo na bes fee xaye.»

YEGIL MBAAX NE YEESU ne Saŋ a bindtuuna 21:17

A dakooxa o laamit jaf dadkandeer ee: «Simoŋ, o ƥiy Yoona, ndax fexaxamo?» Maaga, Piyeer a naqadilooxa yaam ke ta laamtuuna boo a caf a tadak ee «Ndax fexaxamo?», too a doonaan ee: «O Yaal oxe, dara kunpa’irang. Andaa xil ee fexaaxoong.» Yeesu a layaan ee: «Topatooxi paal es.

Ke bindeena no xe ne’eena YOB 15:14

Xar o kiin a refu bo tee kaa xool, kaam ee xar o ƥiy no kiin a refu bo tee kaa jof?

Ke bindeena no xe ne’eena YOB 9:20

Um damangaa na ƭat sax oo, xan a damnoortaam o don es, um ɓur, ta layaam ee wo garu fo ke jegna.

O leetar ole Pool a bindna GIMU WE NGENNA ROM 4:2

A soƥangaa yee Roog kaa jofand a Abraham na pexey a pi um, yaaga Abraham a waag’a o fakoox. Kaa koy, waagiran mbaambir Roog,

A kim a tedu ke 50:6

Asamaan kaa yegnitaa o cofel um, yaam Roog refu o Kaahate. A maaf

A kim a tedu ke 26:12

Kaam geenoox took fer saƭku koŋ soo simataa o Yaal oxe kam pokatax ke no gimu we.

Xa peƭit axe 29:26

Jaaku kaa mbaaƭaa njegir fo o maad oxe, ndaa o Yaal oxe na ɓoxotaa oxuu refna wargal um.

1 Korint 4:3

Mi koy, nu ngate’aam mbaat lakas we a ngate’aam mbodu, a ƭat es yongee teen, too mi sax hate’kiim a xoox es.