1 Korint 4:19 - NQAARIIT NE ROOG

¹⁹ Kaa koy, a felangaa o Yaal oxe, ndiik um ɗeetiid a nuun, too a koom um andan a xoox es katil no ga’atinooxu weene, fañ o day no ke da layaa,

1 Korint 4:19 Referans Kwoze

A pi ake 18:21

A asoora fa den, a rokit maaga a kaal, too a lay a den ee: «A felangaa a Roog, xam nomtooxiid me nuun.»

A pi ake 19:21

Yaa kaaga a faafna, Pool a xalaat’a no yiif um ee a wara o ret Yeerusaleem, a xaañ Makedoni fa Akayi. Kaa lay’u yee: «Boo retuuma maaga, waraam o and teeru faa Rom itam.»

Hebre 6:3

Fat i njof mbaambir! Keene refu ke i mbi’kaa, Roog a jaɓangaa.

2 Korint 1:23

Mi koy, Roog refu o seede es, too o laaw es doonum teen. O fañaa o toroxand a nuun soom taxu um heboox o ñak o nomtooxiid Korint.

1 Korint 11:34

Oxuu xeexeena, fat a ñaamit no mbind den soo a garaa, ndax nu qickee hate fee Roog took nuun. Lakas ke koy, xam laytin yaa fadiiduuma.

1 Korint 4:18

A jega waa na kañooxaa, yaam a mboog ee ɗeetiidkatiim a nuun.

1 Korint 2:6

We o ngim den a deyna koy, o jeg-yiif tigi i mbaare’aa a den, ndaa o jeg-yiif oleene hatee na adna fee, too aa-adax we teen ndalniran, den we na saŋkooxkaa.

O leetar ole Pool a bindna GIMU WE NGENNA ROM 15:32

A reftangaa neene, too ta fel a Roog, xam fadtiid o ɗaay o maak, soo gif a ñootnax me nuun.

Saak 4:15

Kaa nu mbar o layaa kañ ee: «A felangaa a Roog» mbaat «Roog a maadnoorangaan a in, xan i mbi kene.»

1 Korint 16:5

Boo ƴutuuma a ñaaƈ es no jegel ole Makedoni, xam ɗeetiid a nuun, yaam xam xaañ a Makedoni.

1 Korint 14:5

Um waag’angaan, nuun fop, Yiif le ci a nuun nu layaa lak-yiif, ndaa ke moƴuuma o bugan a nuun refu nu njo’tanaa a Roog. Yaam oxe na jo’tanaa a Roog hupu oxe na layaa lak-yiif, a refangeerna boog oxe na layaa lak-yiif kaa Yiif le ci’in, ta waag o lapatoox ke ta layna, ndax gimu we a ƥaatoorin.

A pi ake 20:2

A xaaña o jegel olaaga, a saƭakintaa gimu we baare mayu. Ye ta inoorna maaga, a reta Geres,

1 Korint 4:6

Fog es, nu nanangaa um layit a Apolos fa mi Pool, nuun taxun. Kaam bug nu ƭeet na in, mbañat o ƈakandooxaa ke bindeena, nduux a koƥ. O nanangaa um layit a kon in, kaa bugatiim o leng na nuun a ga’atinooraa o leng, soo a fañ o lakas.

1 Korint 16:7

Ke moƴanaxama daal um moof fa nuun, o Yaal oxe a jaɓangaa. Bugiim o gar a gar rek, suuraa.

2 Korint 10:9

Bugiim muk nu mboog ee a pind es a mbara o ndiidland a nuun.