1 Korint 4:17 - NQAARIIT NE ROOG

¹⁷ Keene o mat taxu um luliid a Timote me nuun, ten fee refna o ƥees o ngore’u no Yaal oxe. Boo ta garna xan a wetand a nuun me dakuuma fa Kiristaa Yeesu fo ne um jangnitaa a ndeer pokatax ke no gimu we fop.

1 Korint 4:17 Referans Kwoze

1 Timote 1:2

Timote, mexe bindang, wo fee o ƥees ŋaƈit no ngim onqe. Yaasam Roog Faap fee fo o Yaal in Kiristaa Yeesu a ci’ong yirmande fa jam, too a njeg o liir na wo.

1 Korint 16:10

Timote a fadiidangaa me nuun koy, ngela ndamteenoo ƥay ƭik boo jambatkee dara, yaam nen a mi a fi’aa fi no calel ke no Yaal oxe.

1 Korint 7:17

No keene fop, fat o kiin oo kiin a ñaaƴ na ƭat ale Roog a halanuuna, a fi ke Roog a xoytuuna itam. Keene heblitum no pokatax ke no gimu we fop.

2 Timote 1:2

Mi na bindang, wo Timote fee o ƥees onqe fexuuma bo: Yaasam Roog Faap fee fo o Yaal in Kiristaa Yeesu a ci’ong yirmande fa jam, a njeg o liir na wo!

1 Korint 16:1

No ke jofna koy no ke na fokataneel tedu we kam Yeerusaleem, kaam bug nu mbi’tan ne laytanuuma pokatax ke no gimu waa no jegel olaa Galati.

1 Korint 14:33

Roog samaree, ndaa jam fa ƥor a refu. Ne ta fi’teel kam pokatax ke no gimu we fop,

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

1 Korint 11:2

A jega koy kaa gidmituuma a nuun boo paam Roog, ta ref ee nu mosiraam o mbeec na dara, ndeefaa ke jangnuuma a nuun a paax.

1 Korint 7:25

Jegiim koy kebil inooru no Yaal oxe a jof no roog we fo mbes ke, ndaa xam lay xalaat es, nen oxaa o Yaal oxe a ci’na yirmande boo ta waag o ref gor.

Mbeeñil 2:13

Kaa tee: Andaam me genoona. Ten refu me gamb no maad le Saytaane a refna. Kaa o damoox no gon es, too fañiro o gim na mi. Fañino sax na jamaane fee o seede es o kore’u xe ne’eena Antipaas, a warit’eena me nuun, me Saytaane a genaa.

2 Timote 3:10

Wo o mat, reefaa a cangin es fo a ñaaƈooƭ es, ref o paar o nand es. Andaa itam o ngim es fo o muñ es fo o mbeq es fo o saƭkel es

2 Timote 2:2

Ke nantoona na mi mbaambir seede mayu, doxneen wiin gore’u waa na mbaagkan o njangin lakas.

Kolos 4:9

Kaam lulin, ta nar o yooniid fa Onesiim, o pog in o kore’u xe xeeñ in a damooxna lool, nu mbogitna xeet. Xan a lay a nuun fop ke refna meeke.

Kolos 1:7

Keene koy refu ke Epafaras fee i mbexna mbex, too a ref o yoon in no calel ke, a janginna a nuun. O ten oo, o caajal o tamooxu no calel ke Kiristaa a ndeer nuun a refu.

Filip 2:19

No Yaal oxe Yeesu, yaakaaraam o luliid a Timote me nuun no miñeer, ndax a gatangaa um waag o felakinoox, yaam ke ta wetandooxkaxam na nuun.

Efees 6:21

Mexe luliidaa a Tisik fee o pog in no ngim onqe me nuun. Fexaanum no xeeñ es, too kaa ref o caajal o kore’u no calel ke no Yaal oxe. Xan a yegin a nuun fop ke jofna na mi fo ke um fi’aa.

1 Korint 11:16

A soƥangaa koy ee kaa jeg oxaa jaɓeerna keene, fat nu yeg fo and ee na in fo no pokatax ke no gimu we Roog fop, a mbanuu o tew a xeɗaa kaa muxlooxaa.

1 Korint 4:15

Nu mbaaga o njeg ɗooɗox juni na Kiristaa, ndaa paap ke mbaagee o mbad ƭik, yaam mi ɓisiidu a nuun o ñoow ole na Kiristaa Yeesu ye yegnuuma a nuun Yegil mbaax ne.

Mace 25:23

O yaal mbind um a layaan ee: ‹Jook a njal, o paɗ o paax o kore’u xe! Gore’aa no tig neewu, ten taxu xam doxnong mayu. Rokiidi too felakinoox fo o yaal mbind of!›

Mace 25:21

O yaal mbind um a layaan ee: ‹Jook a njal, o paɗ o paax o kore’u xe! Gore’aa no tig neewu, ten taxu xam doxnong mayu. Rokiidi too felakinoox fo o yaal mbind of!›

Mace 24:45

«O paɗ oxum gore’u too a ƴiƴ boog, ndax o yaal mbind um a xaƴin fo wiin mbind um, ta cooxaa a den ñaamel, yaa waxtu a fadna.

Xa peƭit axe 13:17

O lulaaƥe paaxeer kaa oraa taamaala, o kore’u xe mat a sakaa jam.

A lim ale 12:7

Reftee neene koy na Moyiis fee o tag es, hoolooxuuma o doxin xeet es fop.

1 Korint 4:2

In weene ndoxneena koy, ngor tigi i laamte.

A pi ake 16:1

Cinj kaaga, Pool a fadiida Derbe, a suur Listeer. Maaga, a jeg’a o taalbe xaa ne’eena Timote, o ƥiy no tew o Yaawuur o kimu, too faap um a reeƭu o Keegeres.

1 Korint 4:14

Bindaa kene koy, refee waaƭaa gaci nuun. Kaam maƭooxaa a nuun soom, yaam nu ndefa ndef xa ƥees axe fexuuma.

1 Korint 11:34

Oxuu xeexeena, fat a ñaamit no mbind den soo a garaa, ndax nu qickee hate fee Roog took nuun. Lakas ke koy, xam laytin yaa fadiiduuma.

2 Korint 8:18

In we yoonandtan o pog o cegu o niwel kam pokatax ke no gimu we yaam Yegil mbaax ne ta waare’aa.

Filip 2:22

Nu anda yee Timote a ɗeetloox’e ye ta rokaa no waare’ik Yegil mbaax ne fa mi, a bug o jal fa mi, ne o ƥiy a jaltaa fa faap um.

1 Timote 1:18

Timote, wo fee o ƥees, keeke refu a cangin ale um doxnang. Kaa yoon fo fa lay fee we na njo’tanaa a Roog a lay’ina na wo yaaga. Fa lay feene xan a saƭakinong, ndax o waag o maafrel njom mbaax,

Tiit 1:5

Waas’aaxoong Keret, ndax o fadand ke jagandoogeena. Ne regdinoorit’­oonga o ten, na teeru fuu refna, dodi maaga maak gimu, da adooxan mbokatax ne.