1 Korint 4:15 - NQAARIIT NE ROOG

¹⁵ Nu mbaaga o njeg ɗooɗox juni na Kiristaa, ndaa paap ke mbaagee o mbad ƭik, yaam mi ɓisiidu a nuun o ñoow ole na Kiristaa Yeesu ye yegnuuma a nuun Yegil mbaax ne.

1 Korint 4:15 Referans Kwoze

Galati 4:19

Xa ƥees, xam dak o yegaa coono nen xa ƭomel gaaj yaam nuun, boo yaa nu nandkaa fa Kiristaa.

1 Korint 3:10

Mi o mat, kaa Roog a yirmaam, um doon fer le nen o taatabax tigi. Ndiiki koy, o lakas a gara, a max ke yoqna. Oxe na maxaa ke yoqna koy, a wara o wootoox, a haan no ne ta maxtaa.

1 Korint 9:23

Kaam fi’aa keene fop yaam Yegil mbaax ne, ndax um jeg teen a las.

1 Korint 9:14

Ten taxu o Yaal oxe a hebil ee: We na njootnaa Yegil mbaax ne, xan a ñoowit ke hatna no Yegil mbaax ne.

1 Piyeer 1:23

Kaa nu ndimel o rimel o xas, refee no paap kaa mbarna o nqon, ndaa no ax kaa mbaageerna o nqon. Ax keene ndefu fa lay fa ñoowu fee Roog, na refkaa boo faw.

Saak 1:18

Kaa felin ta rimnoorit a in fa lay fee no ndigil ne, ndax i ndef taaw ndeer pindel um fop.

Filemon 1:19

O ɓay es o mat um bindtang xa ƭelem axene: «Mi Pool o mat layun, too xam rabdin.» Mi o mat oo, waag’aaxong o lay ee saqanaxamo haq, ta ref o ñoow of.

Tiit 1:4

Wo Tiit, wo um bindaa o leetar oleeke, wo fee o ƥees ŋaƈit no ngim onqe. Yaasam Roog Faap fee fa Kiristaa Yeesu o Muumucil in a ci’ong yirmande fa jam!

2 Timote 4:3

Xan a jeg jamaane faa a ƭat no wiin we a yongkateerna na cangin a ñoow ale. Yaam ne a yuxum den a adinkaa a den, da saakaa pel, a mbaaƭaa jaajangin fagkatar waa na mbugko layanaa a den ke nof den a ndiiraa.

1 Korint 9:18

Too a reftangaa neene, xar refu ndabid es? Ten refu um waare’aa Yegil mbaax ne na dara, ke andoona yee ten o baawaare Yegil mbaax a jegaa, um fañin o diiroox.

1 Korint 9:12

Lakas a njegangaa sañ-sañ feene na nuun, ndax in fa qoox in i moƴkoogiran o njeg a den? Kaa koy, sañ-sañ feene i laamtiran. Kaa i muñ fop, yaam ten moƴu i ŋaalooxaa wargal boo ta refat a panq no Yegil mbaax ne Kiristaa.

1 Korint 3:6

Kaam jimb, Apolos a soor, Roog a maakin ndaxar ne.

O leetar ole Pool a bindna GIMU WE NGENNA ROM 15:20

Mi koy, kaam heboox o yegnitaa Yegil mbaax ne me no we moseerna o nan kaa jofna na Kiristaa, ndax maxkiim took fer no kiin o lakas.

A lim ale 11:12

Ndax mi fudu xeet fene? Ndax mi rimu a den bo o layaxam ee um ɓop a den ne o ƥasil a ɓoptaa o roɓtatin? Ndax mi waru o gadoox a den, boo no saax laa daaɓooxoona fo daan in ee xan o cooxin a in?

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

1 Korint 3:8

Oxe jimbna fo xe soorna mbodu, too oxuu refna ndabid calel um a daawkaa.

1 Korint 9:16

Ne um waare’aa Yegil mbaax ne, taxee um fakooran, yaam kaa um serel o ten, too sabab took es yaa yegniteeruuma Yegil mbaax ne.

1 Korint 15:1

Fog es, ndiiki kaam bug o wetand a nuun Yegil mbaax ne yegnuuma a nuun, too nu njaɓin, ñaaƴaa teen, njof mbaambir,

2 Korint 4:5

Ii, refee yee a qoox in i mbaare’aa. Kiristaa Yeesu fee refna o Yaal oxe o mat i mbaare’aa, soo yegnaa a nuun ee faɗ nuun i ndefu yaam Yeesu.

Galati 3:24

Yaaga koy, kebil ke kaa ndeeƭu o ƭooɗox in, ndax da ƥis a in maa Kiristaa boo i mbaag o ƭeetel nen jofu mbaambir Roog yaa i ngimna.

Galati 3:25

Ye jamaane fee no ngim onqe a fadiidna, kebil ke ndefatee o ƭooɗox in.