1 Korint 4:14 - NQAARIIT NE ROOG

¹⁴ Bindaa kene koy, refee waaƭaa gaci nuun. Kaam maƭooxaa a nuun soom, yaam nu ndefa ndef xa ƥees axe fexuuma.

1 Korint 4:14 Referans Kwoze

1 Tesalonik 2:11

Nu anda itam ee i ndeera fo xuu refna na nuun bargal ke ngelna a faap, a ndeer um fo xa ƥeem.

3Saŋ 1:4

Dara moƴiraam o fel o nanel ee xa ƥees no ndigil ne a ñaaƴaa.

1 Korint 9:15

Mi koy, no bargal keene fop, jegee leng na den naa waaƭuuma, too bindiim keene ndax um hapit a den. Um xon sax moƴanaxam o ñak fak es leene.

1 Korint 4:15

Nu mbaaga o njeg ɗooɗox juni na Kiristaa, ndaa paap ke mbaagee o mbad ƭik, yaam mi ɓisiidu a nuun o ñoow ole na Kiristaa Yeesu ye yegnuuma a nuun Yegil mbaax ne.

1 Tesalonik 5:14

Fog we, in we maƭooxaa a nuun kene: Soqyo we tayilna, saƭakinaa we mboosna, ndimle’aa we neewna doole, njeg o muñ a ndeer no wiin we fop.

Kolos 1:28

O ten o mat koy i yegnitaa, maƭooxaa o kiin oo kiin, njangnaa a den o and tigi, ndax oxuu refna a waag o geenoox mbaambir Roog, a ñak sik na Kiristaa.

2 Korint 12:19

Kaa nu miñ o nqalaataa yee kaa i njofandataa a qoox in mbaambir nuun. Kaa koy, mbaambir Roog i laytaa keene fop na pexey Kiristaa, nuun qaariit ke ndalna na qeeñ in bo, kaa i mbug o njok a nuun kam o ngim onqe.

2 Korint 11:11

Xar taxu a ƭelem akeene koy? Xeƈa boog yaam kaa fexiim a nuun oo? Roog a anda yee jegaam o mbeq na nuun tigi!

2 Korint 7:3

Layiim keene, ndax um maaltin a nuun, yaam lay’aam yaaga yee kaa nu ndal kam a qeeñ in, ta ref no ñoow mbaat na fa nqon.

1 Korint 15:34

Nomtiidyo a yiif nuun too mbaas bakaad. A jega waa andeerna a Roog, too gaci yoo na nuun.

1 Korint 6:5

Andaa yee kaaga gaci yoo na nuun de! Yaam kaa nand nen jegee o leng na nuun oxaa jegna yiif, a waag o hate gimu ɗik waa ndaawirna.

A pi ake 20:31

Yetooxyo boog, too mbetandoox ee xa kiid xa tadaq axey jegee ñaal fo o yeng olaa maƭooxeeruuma oxuu refna na nuun, fi’in boo loolaa sax.

Heseki’el 3:21

Kaa koy, o maƭooxangaa o cofu xe ndax genkee no bakaadaa, a bakaadatangee, kaam ee xan a ñoow, yaam a maƭooxe soo wo itam o mucil o ñis of.»

1 Korint 4:17

Keene o mat taxu um luliid a Timote me nuun, ten fee refna o ƥees o ngore’u no Yaal oxe. Boo ta garna xan a wetand a nuun me dakuuma fa Kiristaa Yeesu fo ne um jangnitaa a ndeer pokatax ke no gimu we fop.

2 Tesalonik 3:14

O kiin oxuu andoona koy ee reefee a ƭelem ake i layna kam o leetar olene, fat nu ngorooxin, mbañ o njeg fo ten nga’ir leng, ndax ta sed.

Filemon 1:10

mexe xeɗooxanang a Onesiim. O ƥees oo na Kiristaa, yaam meeke kam kaso fee, faap um refatum no ngim onqe.

1Saŋ 2:1

Xa teɓandoong es, kaam bindaa a nuun keene, ndax nu mbakaadkee. Kaa koy, o kiin a bakaadangaa, i njega o paafarit paam Faap fee, ta ref Yeesu Kiristaa, o cofu xe.