1 Korint 4:12 - NQAARIIT NE ROOG

¹² Oxuu refna na in kaa daaraa, soo a sogkaa o jeg ƥekel no fud, mbeneel, mbarke’aa we na mbenaa a in, muñ ne i toroxandeel,

1 Korint 4:12 Referans Kwoze

1 Piyeer 3:9

Ba nu ndakin paaxeer ke fo paaxeer mbaat wen le fo wen. Kaa nu mbar o mbarke’aa kañ, yaam no keene Roog a xoyit’u a nuun, ndax nu lam barke um.

Mace 5:11

Boo andoona yee nu mbene, ñagadilel too mberanel paaxeer kuu refna yaam mi, nu ƭaaya!

O leetar ole Pool a bindna GIMU WE NGENNA ROM 12:14

Nqeɗyo a Roog, ndax ta barke we na toroxandaa a nuun. Ba nu nqeɗ maa ta salooxitna a den, ndaa nqeɗyo ndax barke um a fudoox took den.

O leetar ole Pool a bindna GIMU WE NGENNA ROM 12:20

A layahina yee: «O pañ of a xeexange, fat o cooxin ta ñaam, too a hoɗomange, fat o ci’in ta yer. O naagangaa o fesooraa neene fo o pañ of, xan a pi a paax ake wo a sednoorin boo ta waag o ricoox.»

A pi ake 18:3

Ne da mbog’ina calel koy, Pool a dala no mbind den, soo da yoonaa, a njalaa. Den ɗik, ɗiiɗiis tanta a ndeeƭu.

YEGIL MBAAX NE YEESU ne Lik a bindtuuna 6:28

Naangyo o mbarke’aa we na salooxaa a nuun, too nqeɗanaa we na mbenaa a nuun.

1 Piyeer 3:14

A soƥangaa sax ee, kaa nu coono’aa yaa nu mbi’aa ke jofna, nu ƭaaya. Ba nu saɗar ke wiin we a saɗaraa, too ba nu njaaxiɗ.

1 Piyeer 2:23

Mbanuu ta wen’eena, rabdinooxoogee fo wen. Ŋalee o leng itam, ye ta coono’na, ndaa kaa ɓoxotoox na Roog fee na hate’taa o cofel.

YEGIL MBAAX NE YEESU ne Lik a bindtuuna 23:34

Yeesu a laya yee: «Faap, waasani a den, yaam andee ke da mbi’aa.» A mbanjanga tikoorik kaa ten, soo a nqaajir a den.

Mace 5:44

Mi o mat, mexe layaa a nuun ee: Mbexyo fañ nuun, nqeɗanaa we na ñagadilaa a nuun.

A pi ake 7:60

Cinj kaaga, a gooknooxa, a wuuq a maak, a lay ee: «O Yaal oxe, ba o damit a den bakaad fene.» Cinj a ƭelem akaaga, a ɓuta.

YEGIL MBAAX NE YEESU ne Saŋ a bindtuuna 15:20

Mbetandooxyo ke layuuma a nuun ee: O tag hupkee o yaal mbind um. A ñagadilangaam, xan a ñagadil a nuun itam. Boo da ngayna a ƭelem es, xan a ngay ake nuun.

Yudaa 1:9

Too keene fop koy, Mika’el fee refna o leng no kelfa ke no malaaka ke fi’iran. Ye ta ñimatiraa fo o ƈiƴ oxe, a jaɓraa fo ten o dal ole Moyiis, saɗ’iran o ɓanj, ne’katiim o wenin. Kaa lay’un soom ee: «Yaasam o Yaal oxe a xawong.»

1 Timote 4:10

Andaa koy ee kaa i njalaa, ngomreel, yaam ne i ndoonna yaakaar in na Roog fa ñoow jok fee. O ten o mat refu o Muumucil no wiin we fop, a moƴin o ref koy sax no we ngimna.

2 Tesalonik 3:8

I sadaxnooxee o leng ke i ñoowtoogna, ndaa in we ndaawtoogaan no coono fo no xij, ta ref ñaal mbaat o yeng kaa i njaloogu, ndax i ƥarooxkee o leng na nuun a ñaam.

1 Tesalonik 2:9

Fog es, ƥekyo na yiif nuun ne i njalitna kam coono ñaal fo o yeng, ndax i ndoxondkee o leng na nuun a toq in, ye nu mbaare’eel Yegil mbaax ne Roog.

1 Korint 9:6

Ndi boog mi fa Barnabaas rek mbaru o njalaa, ndax i njeg ñoowir?

A pi ake 20:34

Nuun moƴu and sax ee xa ƥay es axene jaltoogum boo waag o jeg kuu soxla’uuma, mi fo we yoontooguuma.

1 Piyeer 4:19

Neene, fat we na coono’aa yaam o bug ole Roog, a ƥoxot xa laaw den o Piibind o kore’u xe, yaa da mbi’aa paax.

O leetar ole Pool a bindna GIMU WE NGENNA ROM 8:35

Xar waagu boog o saƭtirand a in fo o mbeq onqe Kiristaa? Ndax coono a refkaa boog, ndi o laaw o xaƭa, ndi ñagadil mbaat nqeex mbaat a ƥangid mbaat taamaala mbaat fa nqon?

2 Korint 11:8

Andaam ee huytaam pokatax lakas ke ye daawtuuma na den ndabid, ndax um jalan a nuun.

Efees 4:28

Fat oxe guuɗoogna a fañat o guuɗ. Fat a jalik, ndax ta jegan a xoox um o ñoow um no tig lewetu. Neene, xan a jeg kaa ta dimle’taa we neewna doole.