1 Korint 4:10 - NQAARIIT NE ROOG

¹⁰ In, kaa i ƭeetel nen ñaku a qoox na Kiristaa, nu ƭeetel no ten nen yaal a yiif, i ndef neewu doole, nu ndef yaal toole. Kaam ee kaa nu niwel, i nqeefel.

1 Korint 4:10 Referans Kwoze

1 Korint 2:3

O neew doole tigi fadtiid’um me nuun, sendaa yaam diid.

A pi ake 26:24

Ne Pool a xoxtoogna a xoox um koy, Festus a ɗegooxaan, a layin a maak ee: «Koo qoyni Pool! Kaa o ɗofaa! A cang ake wo sax kaa ƥekatong no ƭof.»

A pi ake 17:18

Yaal-o-and waa mbog’ina na cang a ƭak a maak ake ne’eena Epikuriya fa Estoysan a njeetaayooga fo ten. Leng we kaa laamtoogu yee: «Ndi xar o wayoom olene a bugu lay?» Lakas we koy, a laya yee: «Kaa nandtaa oxaa na waare’aa roog kaa i andeerna.» Kaa layoogu keene, yaam kaa nanoogu Pool a waare’aa Yegil mbaax ne no kaa farna na Yeesu fo na qontax ale.

1 Piyeer 4:14

Boo nu mbeneena yaam gon le Kiristaa, nu ƭaaya. Yiif le saqna o ndam onqe, refna ref Yiif le Roog, oxey took nuun.

2 Korint 13:9

I neewangaa doole soo nuun o mat, nu ndef doole fa ƥor, kaa i mbelakinooxaa teen, too ke i nqeɗanaa a nuun refu nu ñak sik.

1 Korint 3:18

Ba o leng a nax a xoox um. Oxuu liiƥoorna fo o jeg-yiif ole na adna feeke boo a bug o fakoox, fat a yer yiif um, a jaɓ o ref o ñaku xoox, ndax ta jeg yiif mbaambir Roog.

1 Tesalonik 4:8

Yaaga boog, oxuu andoona koy ee kaa fañ bargal keene, refee yee o kiin a deɓu, ndaa Roog fee ci’na a nuun Yiif Tedu le ten.

2 Korint 11:29

Boo o kiin a neewna doole rek, yaaga mexe no neew doole itam, too o kiin a yenangaa, yaaga mexe ñoowaa na naqad.

2 Korint 11:19

Nuun we njegna a qoox, ndiiki nuun we yidaq njaɓan ɗof we.

2 Korint 10:10

Yaam a jega waa na layaa yee xa leetar um kaa njeg doole, too a ñexet, ndaa a geenooxangaa fo o mem um, kaa yelefaa bo, soo fa lay um a goɓong.

1 Korint 10:12

Ten taxu, fat oxe foogna yee kaa geenoox jing a wootoox, yaam ndik ta yen.

1 Korint 4:8

Kaa nu ñof boo njeg ke nu mbugna fop, njegat halal, ndef maad, mbaas a in? Koo qoyni, ƥekyo a in no maat nuun boog!

1 Korint 3:2

Keene o mat taxu, diƈaniim a nuun ñaamel ke moƴna o nqiis na fa lay fee Roog, ndax coox a nuun ke moƴna o yelef teen, ne o nqeq a cooxteel fo ɗeen. O nanangaa cooxiim a nuun ñaamel qiisu ke, kaam and ee nu ngatil’iran, too me nu ndefna sax nu ngatliran,

1 Korint 2:14

O kiin sang um sang um koy, refna ref oxe jegeerna Yiif le Roog, waagee o jaɓ ke farna no Yiif le Roog yaam o ñak-xoox a fi’un. Waagiran o and itam, yaam Yiif le Roog soom waagun o gaal.

A pi ake 17:32

Ye da nanna Pool a layaa kaa farna na qontax ale no xon we, leng-leng kaa nqaadnooxoogun, soo lakas we a layaa yee: «Jaf lakas, xan i nan-gilooxong no kaa farna no keene.»

A pi ake 9:16

Xam lalin ke ta warna o torox fop yaam gon es.»

YEGIL MBAAX NE YEESU ne Lik a bindtuuna 18:9

Yeesu a naxooxahina a den no kaa farna no wiin waa mbi’ooxoogna wiin jofu soo a nqeefaa lakas we.

YEGIL MBAAX NE YEESU ne Lik a bindtuuna 10:16

Yeesu a dakooxa o lay daalbe um ee: «Oxuu nan-gilooxna a nuun, mi a nan-gilooxu, oxuu fañna a nuun, mi a fañu, too oxuu fañaxama, Faap es fee luliidaxama a fañu.»

YEGIL MBAAX NE YEESU ne Lik a bindtuuna 6:22

Boo andoona yee nu sibe mbaat nu ndaxel mbaat nu mbenel mbaat nu mberanel paaxeer kuu refna yaam o Ƥeenqe no kiin oxe, nu ƭaaya.

Mace 24:9

Na jamaane faaga, xan wiin we a ƥoxot a nuun nu ñagadilel. Xan a mbarnoor a nuun itam, too xan qeet ke fop a sib a nuun yaam gon es.

Mace 5:11

Boo andoona yee nu mbene, ñagadilel too mberanel paaxeer kuu refna yaam mi, nu ƭaaya!

Hoose 9:7

Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

Esayi 53:3

A sibe, too wiin we a mbañin, o koor coono too a and jir, a nand fo xe wiin we a mbañaa o nga. I nqeefaan, too a ƭat in yongee no ten.

Xa peƭit axe 11:12

Oxe na ɓiiñaa o kend um kaa ñak-xoox, oxe jegna yiif o mat a tiimaa.

2 Maad we 9:11

Ye Yehu a nomtooxiidna me no dag lakas we no yaal mbind um, weene a laamtaan ee: «Mbaar jam soom oo? Xar o ƭof oxaana a xoytoogong?» Yehu a doona a den ee: «Co! refee dara. Nu anda duleer wene rek, kuu yoqeerna a mbaagaan o lay.»

1 Korint 1:21

Ne andoona yee ke adna a mbi’na o and ɓakandee a den no and a Roog, ten taxu Roog a mucla we ngimna, a reefandin na waare fee wiin we a mbi’na ñaku xoox.

1 Korint 1:23

ndaa in o mat, i mbaare’aa a Kiristaa fee rengeena took a kurwaa, a ref a panq no Yaawuur we, we ndefeerna Yaawuur a mbi’in ñaku xoox.

1 Korint 1:25

O ñak-xoox Roog sax moƴkoogu o jeg-yiif no wiin we, o neew doole um a garitkoogu wiin we took!

2 Korint 6:8

Kaa i kañeel, soo ndoxondeel gaci. Wiin we kaa layanaa a in paax fo paaxeer, a ƭeetaa a in nen maamaaɓ, too yaaga fop oo, ndigil soom i layaa.

2 Korint 4:12

Ten taxu yoo, fa nqon fee kaa jalaa na in, soo o ñoow ole mat a jalaa na nuun.