1 Korint 3:7 - NQAARIIT NE ROOG

⁷ Oxe jimbna fo xe soorna koy ndefee dara. Roog fee maakinna jegu fak le.

1 Korint 3:7 Referans Kwoze

YEGIL MBAAX NE YEESU ne Saŋ a bindtuuna 15:5

Mi refu ndaxar ne, nu ndef xa par axe. Oxuu saxna na mi, um sax no ten, xan a saq xa tim xa mayu. Um refangee fa nuun, nu mbaagoodee dara.

Galati 6:3

A jegangaa oxaa na foogaa yee ten fa xoox um o kiin o maak oo, too refee dara, xoox um rek a naxaa.

2 Korint 12:9

Kaa koy, a doonaxam ee: «Yirmande es a deyaang, yaam katil es, we neewna doole a refanu.» Ten taxu yoo, xam moƴ o fakoorit o neew doole es a paax, ndax katil ne Kiristaa a fudoox took es.

A kim a tedu ke 115:1

Baa ref na in, o Yaal oxe, kaam ee baa ref na in, ndaa no gon of ɓoxoti o ndam, yaam kaa o jeg o mbeq fo ngor!

1 Korint 13:2

Boo andoona itam ee waag’aam o jo’tan a Roog, and kunpa fuu refna, jeg o and oluu refna, kaam ee boo jeg’uuma o ngim onqaa waagna o jiƭit xa coong axe sax, um fexangee lakas we, refkoogiim tus boo tus a fag.

Esayi 41:29

No ndigil, den fop ndefee tus, too a pi den xa koɓong oo. Xa taaƴ axe den nqeñ ƥor fo xa koɓong a ndefu.»

Esayi 40:17

A saax ake fop ndefee tus mbaambir um. Kaa ɗeetaa a den nen cegeer fo nen a ƥay.

A kim a tedu ke 90:17

Yaasam o paaxel ole no Yaal oxe Roog in a ref fa in! Saƭkandi jale na xa ƥay in. Kaam ee saƭkandi jale na xa ƥay in.

1 Korint 3:6

Kaam jimb, Apolos a soor, Roog a maakin ndaxar ne.

1 Korint 3:8

Oxe jimbna fo xe soorna mbodu, too oxuu refna ndabid calel um a daawkaa.

2 Korint 12:11

Kaam ɗofoogu, ndaa nuun o mat ƥek’axam teen, yaam nu mbaraxam o kañaa. Andaam ee um tek’ee tus oo, apootar hupalu we nuun na magnandoo­xaa ngupiraam no tus.