1 Korint 3:5 - NQAARIIT NE ROOG

⁵ Xar Apolos mbaat Pool a ndefu? Faɗ lule soom i ndefu, waa mbi’oogna, oxuu refna ke o Yaal oxe a coox’uuna, ndax nu ngimit na in.

1 Korint 3:5 Referans Kwoze

2 Korint 6:4

Kaa jolna keene, kaa i laltaa no fop ee dag Roog i ndefu. Kaa i ndoxondooxaa fo o muñ coono ke fo naqad ke fo a yogorlax ake.

2 Korint 6:1

In we ndefna jaajal Roog, kaa i maƭooxaa a nuun nu mbañ o yapatil yirmande fee Roog nu ndaawna.

1 Piyeer 4:10

Oxuu refna na nuun kaa ref nen o tag o paax oxaa Roog a doxinna ci’it pogreer. Yaaga koy, fat a dimle’taa lakas we ci’it ne ta daawitna na Roog.

2 Korint 3:6

Roog waagnooru a in, i ndef jaajal no ngiɓoor nqas ne, reefeerna no kebil ke mbindeena ndaa no Yiif Tedu le. Kebil ke mbindeena kaa mbarnooraa, ndaa Yiif le o mat kaa ci’taa o ñoow.

2 Korint 11:23

Ndax kaa ndef jaajal Kiristaa? Um lay a nuun ƭof boog, yaam mi moƴun o ref a den. Kaam moƴ o jal a den, moƴ o ɓekel a den kaso, moƴ o xawel, boo kaam gen’u sax no ñaaƴaa took a semb es.

2 Korint 4:7

Kaa i saq halal feene, in we ndefna pand maxte lanq, ndax katil neene jegeerna o nand inoorkee no leng na in, ndaa ta inoor na Roog.

2 Korint 4:5

Ii, refee yee a qoox in i mbaare’aa. Kiristaa Yeesu fee refna o Yaal oxe o mat i mbaare’aa, soo yegnaa a nuun ee faɗ nuun i ndefu yaam Yeesu.

2 Korint 3:3

Ndigil oo kañ, nuun o mat ndefu o leetar ole Kiristaa a bindna a reefandin no calel in. O leetar oleene koy bindtaand aŋkar, ndaa fo Yiif le Roog fa ñoow jok fee a bindte. O leetar oleene bindaand itam took a alfa ƥil, ndaa kaa bindel took a alfa kaa ndefna cer, kam a qeeñ nuun.

1 Korint 3:10

Mi o mat, kaa Roog a yirmaam, um doon fer le nen o taatabax tigi. Ndiiki koy, o lakas a gara, a max ke yoqna. Oxe na maxaa ke yoqna koy, a wara o wootoox, a haan no ne ta maxtaa.

1 Korint 12:28

Kam o fog ole no gimu we Roog kaa eet o dalin apootar we, we na njo’tanaa a Roog a ndeef, jaajangin we a ndoonoox, soo cinj kaaga, we ci’eena a mbaag o mbi comlaand, cinj weene we mbaagna o mbodand, soo we mbaagna o ƈufig a ngar fo we mbaagna o adooxan lakas we fo we na layaa lak-yiif.

1 Korint 9:17

Um naagangaa o fi’an fo o fud o letu, xam jeg ndabid es, ndaa boo andoona yee a fel feƭar um fi’in, o sas a refkataa, nen suf naa Roog a gadnaxama.

1 Korint 3:7

Oxe jimbna fo xe soorna koy ndefee dara. Roog fee maakinna jegu fak le.

YEGIL MBAAX NE YEESU ne Saŋ a bindtuuna 3:27

Saŋ a doona a den ee: «O kiin waagee o jang colu muud fee ta daawitna na Roog.

YEGIL MBAAX NE YEESU ne Lik a bindtuuna 1:2

a reefandel no ke we seede’uuna no mberaand naa a ndaawinna a in, den we ndefatna we na yegnitaa fa Lay fee Roog.

Mace 25:15

A cooxa o leng xa qanjar xa ƥetaq wurus, o lakas xa qanjar xa ƭaq, soo o tadkandeer oxe ta cooxin o xanjar o leng kut, oxuu refna podnaa ta hatilna, soo a sogkaa ret.

Kolos 1:25

Kaam doonel jalanan, ta ref a ref ke taxna Roog a doonaam a ndeer nuun, ndax um yegnit fa lay fee Roog ta dey sik.

Efees 3:7

Kaam refat o caajal no Yegil mbaax ne yaam ci’it ne Roog a cooxaxama kam yirmande um na pexey doole fee na katil um.

A pi ake 18:24

O Yaawuur oxaa ne’eena Apolos, too a rimel na teeru faa Aleksandiri, a inooriida Efees. O koor o qoolu fa lay a reeƭu. A and’a a Pind a Tedu ke a paax itam.

A pi ake 19:1

Ye Apolos a refna na teeru faa Korint, Pool a xaañooga o jegel olaa na xa coong axe too a fudoortiida Efees. A soƥa maaga daalbe leng-leng,

O leetar ole Pool a bindna GIMU WE NGENNA ROM 15:16

boo um ref o caajal Kiristaa Yeesu me no we ndefeerna Yaawuur. Kaam fadnaa calel tedu, yaa um waare’aa Yegil mbaax ne Roog, ndax qeet ke ndefeerna Yaawuur a ndef sadax faa felna a Roog, sadax fa ñaku sik na pexey Yiif Tedu le.

1 Korint 3:22

ta ref Pool, Apolos fa Kefaas, adna fee, o ñoow ole, fa nqon fee, ke ndiiki fo ke na garaa. Keene fop, nuun njegun,

1 Korint 16:12

Apolos fee o pog in koy, kaam bam’an rek, ndax ta ɗeetiid a nuun, ten fo fog lakas we, ndaa ke moƴan’uuna ta cung boo taa. Boo ta jegna o daaw rek, xan a gar.

2 Korint 4:1

I ndeɓkee muk njambaar in, yaam ne Roog a lasna a in calel keene na pexey o paaxel um.

2 Korint 5:18

Keene fop na Roog a inooru, ten fee jofoorandna a in fa xoox um na pexey Kiristaa, soo a doxin a in i ndef dag no njofoor ne.

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

1 Timote 1:12

Kaam gidmaa oxe dif’axama, ta ref Kiristaa Yeesu fee o Yaal in, yaam ne ta ɗeetaxama nen o kore’u, soo a ɓekaam no calel um,