1 Korint 3:21 - NQAARIIT NE ROOG

²¹ Ba nu mbakoortat o kiin, yaam fop nuun a refanu,

1 Korint 3:21 Referans Kwoze

O leetar ole Pool a bindna GIMU WE NGENNA ROM 8:32

Roog feene wuusee o Ƥeem, ndaa a ɓoxotaan yaam in fop. Xar na taxkaa boo ci’kee a in, i njeg fop fo ten?

1 Korint 4:6

Fog es, nu nanangaa um layit a Apolos fa mi Pool, nuun taxun. Kaam bug nu ƭeet na in, mbañat o ƈakandooxaa ke bindeena, nduux a koƥ. O nanangaa um layit a kon in, kaa bugatiim o leng na nuun a ga’atinooraa o leng, soo a fañ o lakas.

O leetar ole Pool a bindna GIMU WE NGENNA ROM 8:28

I anda yee Roog kaa jalaa no ke na xewaa no ñoow no we mbexuuna fo no we ta xoyna no yuuƥ um fop, ndax ta rim o njiriiñ na den.

Mbeeñil 21:7

Oxe na maafkaa, xan a lamit na mi ci’it neene. Xam ref Roog um, soo ta ref o ƥees.

O leetar ole Pool a bindna GIMU WE NGENNA ROM 4:13

Yaaga boog, refee yee yaam ne Abraham a reefna kebil ke taxu Roog a regin lam ne na adna fee, ten fo xa taan um. Roog kaa reg’un o ten yaam o cofel ole na pexey o ngim um.

2 Korint 4:5

Ii, refee yee a qoox in i mbaare’aa. Kiristaa Yeesu fee refna o Yaal oxe o mat i mbaare’aa, soo yegnaa a nuun ee faɗ nuun i ndefu yaam Yeesu.

2 Korint 4:15

Keene fop xan a jeg yaam nuun, ndax yirmande fee Roog a moƴ o siw took no moƴ-o-jaak ole no wiin we, ndax ta riñ a den da ngidmaa a Roog yaam o ndam um.

Esayi 20:5

Maaga, we ƭag’ina yaakaar den na Kuus fo we mbi’’ina a Misira qaaƴoor, xan a ndiid soo a sed.»

2 Korint 6:10

naqadileel, too ngen no ɗaay, ndef rool, too njegnooraa wiin mayu halal, ndef waa njegeerna a keƭtoor, too yaaga fop oo, no ndigil i njega fop.