1 Korint 3:19 - NQAARIIT NE ROOG

¹⁹ Yaam o jeg-yiif ole na adna feeke, o ñak-xoox Roog a fi’un. Ten taxu ta layel na Pind a Tedu ke yee: «Roog kaa maaftaa jegu yiif we o ƴiƴ den.»

1 Korint 3:19 Referans Kwoze

Ke bindeena no xe ne’eena YOB 5:13

Kaa damtaa laxasu we o ƴiƴ den, yuuƥ ke no waane’u we a kasaara’ooxaa.

A kim a tedu ke 141:10

Yaasam soxodu we a njomandoor no mbaal ne da ƭaapna den fa qoox den, soo mi o mat um ɓostoox teen!

Esayi 44:25

Kaam ñufaa xa anddiloor axe no ɗeet maamaaɓ we, firiɓnooraa ñaañango we, nomtaa yaal-o-and we a cinj soo fudin o and den no ƭooɗofir.

1 Korint 2:6

We o ngim den a deyna koy, o jeg-yiif tigi i mbaare’aa a den, ndaa o jeg-yiif oleene hatee na adna fee, too aa-adax we teen ndalniran, den we na saŋkooxkaa.

2 Sami’el 16:23

Na jamaane faaga xa as axe Ahitofel a cooxtoogna kaa nan-giloortoogel nen fa lay fee Roog. Neene Dawid fa Absalom a nga’toogu itam xa as axe ta cooxoogna a den fop.

A sutax ale 18:11

Ndiiki koy, andataam ee o Yaal oxe moƴu magin roog ke fop, yaam o ɓay um a dala took Miimisira we ye da toroxandaa Ii-isra’el we.»

2 Sami’el 15:31

Ye Dawid a yegneena yee Ahitofel a foga no we ngiɓna fa Absalom o ngir, ndax da njiƭit maat ne, a laya yee: «O Yaal oxe, koo fi’i boo xa as axe Ahitofel ƭaxkee tus.»

2 Sami’el 17:23

Ye Ahitofel a ga’na yee o as ole ten reefaand, a humna o faam um, a xaad na teeru fee ta gen’ina. A regdinooxa mbind um soo a xiroox. Neene a xontu, a gasel na mboy alaa faap um.

2 Sami’el 17:14

Absalom fo goor we Isra’el fop a laya yee: «O as ole Husay, o Aa-arki xe moƴu ole Ahitofel.» O ga’angaa keene koy, o Yaal oxe kaa heboox’u o kasaara’in o as o faax ole Ahitofel, ndax ta doon a Absalom naqad.

A sutax ale 1:10

Fat i mbexey kaa taxna saqitkatee, ndax boo xire a jegna, mbaritkee fañ we in, a maafir fa in soo a njang saax le.»

Esteer 7:10

Haamaan a roke o ƥaak no cok, a lokel no reex le ta waajanit’ina a Mordokay a bar. Maaga, fuux le no maad oxe a ɓoosa.

Xa peƭit axe 14:8

O jeg-yiif ole no kiin oxe fodna o mbid refu yee kaa and ke ta fi’aa, panxoy ke mat o ƥodaxel den a naxaa a den.

Xa peƭit axe 21:30

O jeg-yiif mbaat o ƴiƴ mbaat a kortax ƭaxee tus, yaa o Yaal oxe a fuuxanoonga.

1 Korint 4:6

Fog es, nu nanangaa um layit a Apolos fa mi Pool, nuun taxun. Kaam bug nu ƭeet na in, mbañat o ƈakandooxaa ke bindeena, nduux a koƥ. O nanangaa um layit a kon in, kaa bugatiim o leng na nuun a ga’atinooraa o leng, soo a fañ o lakas.

Efees 4:14

Yaaga i ndefkatee xa teɓandoong axaa a yag-ee-yag ake a ƥisaa, soo a cangin a andand ake wiin naanax a ndalinna a ndiñaa a den mene fo maana. Wiin weene kaa mo’nooraa lakas we na pexey o ƴiƴ ole da nqalaatanna a qoox den.

Saak 3:15

O jeg-yiif oleene, na adna fee a hatu, too yiif le refna no ten refee Yiif le Roog, yiif jini yoo.