1 Korint 3:18 - NQAARIIT NE ROOG

¹⁸ Ba o leng a nax a xoox um. Oxuu liiƥoorna fo o jeg-yiif ole na adna feeke boo a bug o fakoox, fat a yer yiif um, a jaɓ o ref o ñaku xoox, ndax ta jeg yiif mbaambir Roog.

1 Korint 3:18 Referans Kwoze

Xa peƭit axe 3:5

Hoolooxi o Yaal oxe no xeeñ of fop, too ba o geƈnoox no jeg-yiif of.

Esayi 5:21

Ndaw naqad took no we na ƭeetaa a qoox den nen waa njegna o and, soo a mbi’ooxaa jegu yiif.

Galati 6:3

A jegangaa oxaa na foogaa yee ten fa xoox um o kiin o maak oo, too refee dara, xoox um rek a naxaa.

Saak 1:22

Ba nu nan-gilooxaa fa lay fee soom, mbañin o ndeef, yaam no kaaga, kaa nu naxaa a qoox nuun.

YEGIL MBAAX NE YEESU ne Lik a bindtuuna 18:17

No ndigil, mexe layaa a nuun ee: Oxuu jaɓeerna Maat ne Roog nen o ndeɓandoong, waagkee o rok teen.»

Mace 18:4

Ten taxu oxuu neewandooxna boo nen o ndeɓandoong onqene, xan a ref oxe hupna no maat ne na asamaan.

Mark 10:15

No ndigil, mexe layaa a nuun ee: Oxuu jaɓeerna Maat ne Roog nen o ndeɓandoong, waagkee o rok teen muk.»

Saak 1:26

O foogangaa yee kaa o reefaa a Roog, too waagiro o dam ɗelem of, kaa o naxaa a xoox of. Kaa o layaa yee kaa o reefaa a Roog, ndaa a teef a Roog of ɗaxirang dara.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

Efees 5:6

Ba o leng a nax a nuun fo fa lay fa njegee xoox, yaam tooñ nandu neene na taxkaa fuux le Roog a dal took no we mbañuuna o nanan.

1 Korint 6:9

Xeƈa kaa a yiif nuun ngalagee yee oxe naageerna o fi’aa ke Roog a bugna lamkee Maat ne Roog. Koo qoyni, ba o leng a nax a xoox um, yaam a cuut ake, we na njuuraa, we na seeqaa, goor we mbaat rew we na mbesanraa a ndeer den,

1 Korint 4:10

In, kaa i ƭeetel nen ñaku a qoox na Kiristaa, nu ƭeetel no ten nen yaal a yiif, i ndef neewu doole, nu ndef yaal toole. Kaam ee kaa nu niwel, i nqeefel.

Yeremi 8:8

«Nam nu mbaagu o layit ee: ‹Yaal-o-and i ndefu, kebil ke no Yaal oxe key fa in›? Yaam no ndigil, a pindir ale no jaajangin we no kebil ke a naɗa kebil ke no Yaal oxe.

Xa peƭit axe 26:12

O xetangaa fo xaa na fi’ooxaa o cegu yiif, andi yee yaakaar a fanxoy moƴu o yaakaarin.

Xa peƭit axe 3:7

Ba o fi’oox o cegu yiif. Saɗari o Yaal oxe, wootoox paaxeer.

1Saŋ 1:8

Boo i layna yee i njegee bakaad, kaa i naxaa a qoox in, too ndigil ne refee na in.

2 Timote 3:13

Soxodu we fo fan we koy kaa mbugko moƴ o loofaa na bakaad, a mo, a mo’andaa lakas we.

Galati 6:7

No kene koy, ba nu nax a qoox nuun: Roog naagee o ŋasteel, too itam ke o kiin a duufna, ten a saxadkaa.

1 Korint 15:33

Koo qoyni, ba o leng a nax a nuun! «Yoon faaxeer na yaqaa jiko.»

O leetar ole Pool a bindna GIMU WE NGENNA ROM 12:16

Njegyo njofoor a ndeer nuun. Ba nu magnandoox, ndaa njaɓyo ke neewandooxna fop. Ba nu mbi’oox nen waa njegna o and muk.

Esayi 44:20

Muk, a qalaat um kaa njagin no kaa refna ndaw ƥor. Yiif um mo’u kaa laynooran xa koɓong xa ƥor. Mucilkee o ñis um, yaam laykee muk ee: «A woora yee ke pokooxuuma naanaxir ƥor oo.»

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

YEGIL MBAAX NE YEESU ne Lik a bindtuuna 21:8

Yeesu a doona a den ee: «Mbootooxyo o naxel, yaam xan wiin mayu a ngar, a ne’ooxaa gon es, too xan a lay ee: ‹Mi refun›, too ‹Waxtu fee xe matiidaa!› Kaa koy, ba nu ndeef a den.

Xa peƭit axe 5:7

Ndiiki koy, o ƥees, nan-gilooxaam, too ba o deɓ fa lay fee na sutooraa no don es!

Yeremi 37:9

Mi o Yaal oxe, mexe layaa a nuun ee: Ba nu nax a qoox nuun, mboog ee Kaakalde we xan a ndet, a ngoƭ a nuun, yaam ndetkee.

Mace 13:22

Ax ke nduufeena kam kiƈ ke ndefu oxe na nanaa fa lay fee Roog. Kaa koy, a qalaat ake na jamaane fee fo ne halal adna a ƴiƴtaa a den a naanga o ngoñaa fa lay fee Roog boo waagkee o rim.

1 Korint 3:17

Oxuu gefna Mbind Roog ne, xan Roog a gefin, yaam Mbind um tedu yoo. Kaam ee nuun ndefu Mbind Roog ne.