1 Korint 3:17 - NQAARIIT NE ROOG

¹⁷ Oxuu gefna Mbind Roog ne, xan Roog a gefin, yaam Mbind um tedu yoo. Kaam ee nuun ndefu Mbind Roog ne.

1 Korint 3:17 Referans Kwoze

Heseki’el 43:12

Keeke refu kebil ne no Mbind Roog ne: Took o jul ole no joong ole, ke widna fop me ta dayna kaa ted lool. Keene refu boog kebil ne no Mbind Roog ne.»

Heseki’el 7:22

Xam xuun a den soo o jeg es a maasandel. A cuut ake xan a ndok teen soo a maasandin.

Heseki’el 5:11

Ten taxu ne ta wooritna yee mexe ñoowaa, mi o Yaal oxe na refkaa boo faw kaam ee: Feek kaa nu nqoolaƭarandit o mbiñ o tedu nqe mi cakalaaru ke nuun fop fo cednooxu ke nuun fop, mi itam xam seeƭ a nuun too yirimkiim a nuun, wuuskiim a nuun.

A lim ale 19:20

Boo o kiin oxaa xoolaƭarna a ɓogdinooxeerna, fat a sutel mbokatax ne Isra’el, yaam kaa ta xoolaƭarand Mbind tedu ne no Yaal oxe. Xan a maad fo nqoolaƭar um, yaam wiisaand foofi fo ɓogdinoor ole.

A kim a tedu ke 79:1

A kim a tedu laa fogna na ke Asaf oo. Wo Roog, qeet lakas ke a mbañooxaniida saax le wo, a maasand Mbind tedu ne wo soo a mbi a Yeerusaleem juum kefatin.

A paɗax ale 20:3

Mi fa xoox es xam fes a cinj o kiin oxeene, sutin xeet um, yaam ne ta ɓoxotna a Molok o leng na xa ƥeem, a xoolaƭarand Mbind tedu ne mi soo a niwaƭar gon tedu es.

Esayi 64:11

O Yaal oxe, ndax kaa o bugko fuudaa yaqe leene rek? Ndax xan o tiimaa tiim taar o marin, soo neewandahin a in boo cay?

A paɗax ale 15:31

Neene, fat nu maƭoox Ii-isra’el we da ngoƭatir fo ke waagna o xoolaƭarand a den, yaam ndik da nqon, yaa da nqoolaƭarandna Ngenand es ne refna a ndeer den.»

A sutax ale 3:5

Roog a layaan ee: «Ba o matiid meeke de. Woli xa ñaaƭ of, yaam me o dakaa, lanq tedu yoo.»

Mberaand 28:17

A diida lool, too a lay ee: «Ndaw ne o mbiñ onqene a saɗarnooxitna! Refee lakas colu Mbind ne Roog, o don-maax ole na asamaan!»

A kim a tedu ke 99:9

Tagasyo o Yaal oxe Roog in, ngung farna fo joong o tedu le ten, yaam o Yaal oxe Roog in kaa ted.

A kim a tedu ke 93:5

Bargal ke wo kaa mboor kaŋ. O Yaal oxe, o tedel refu mosandir mbind ne wo boo maa camaane ke a ndaykaa.

1 Caloori ke 29:3

Halal fee jegooduuma koy, ta ref wurus mbaat xaaliis, ci’aanum Mbind ne na Roog es. Ɓaataanum no ke jagandanuuma Mbind tedu neene boo ƴut yaam kaa felaam lool.

Sofoni 3:4

Duleer we ten andee ke warna a den, a ndef goor hoohod, saasadax we ten a nqoolaƭarand ke kesaneena a Roog soo a ƭap kebil um.

A kim a tedu ke 74:3

Fadangi no kefatin keene njegateerna o mbaƈ. O pañ oxe a yaqa fop no mbiñ o tedu nqe.

1 Korint 3:16

Kaa nu andee yee nuun ndefu Mbind Roog ne, Yiif um a gen na nuun?

1 Korint 3:18

Ba o leng a nax a xoox um. Oxuu liiƥoorna fo o jeg-yiif ole na adna feeke boo a bug o fakoox, fat a yer yiif um, a jaɓ o ref o ñaku xoox, ndax ta jeg yiif mbaambir Roog.