1 Korint 3:14 - NQAARIIT NE ROOG

¹⁴ Oxuu andoona yee ke ta maxitna saƭku yoo, fiɗel le waagkee teen dara, too oxaaga xan a rabdel calel um.

1 Korint 3:14 Referans Kwoze

1 Korint 3:8

Oxe jimbna fo xe soorna mbodu, too oxuu refna ndabid calel um a daawkaa.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

1 Piyeer 5:4

Nu mbi’angaa keene fop, xan nu ndaaw o ndam onqe nen o ndip o yaqooxkeer, yaa o Kaynaak o maak oxe a feeñkaa.

1 Piyeer 5:1

Mi fee refna o maak, seede coono ke Kiristaa, fog itam no ndam onqe wareena o feeñil, mexe xeɗaa maak gend es we ndefna a ndeer nuun, da ngay o siir ole Roog da ndoxneena. Kaam ee: Baa ref ee nu mbugiran a mbug, ndaa fat a ref ee yaam ta fel a nuun yaam Roog. Baa ref itam no bug teen xaaliis, ndaa fo xeeñ letu.

1 Tesalonik 2:19

Kaam ee, an i yaakaaru o njegit no ten o ɗaay fo a kañax nen o ndip? Mee ndax nuun soom a refkaa mbaambir no Yaal in Yeesu, na waxtu fee ta nomtooxiidkaa?

Dañel 12:3

We njegna o and xan a meleƈ nen meleƈ le na asamaan, we aqatinna wiin mayu o cofel xan a miric-miricin nen xa qoor axe na asamaan, bo na moos boo moos.

2 Timote 4:7

Maafreem njom mbaax, fagiɗ o sep ole, too ɗapiim o ngim onqe.

1 Korint 9:17

Um naagangaa o fi’an fo o fud o letu, xam jeg ndabid es, ndaa boo andoona yee a fel feƭar um fi’in, o sas a refkataa, nen suf naa Roog a gadnaxama.

Galati 6:4

Oxuu refna, a pi um a waru o horooxaa. A soƥangaa yee no ke ta fi’aa a jega kaa waaguuna o ɗaayand, fat a liiƥoor fa xoox um, a waas a jaambuur.