1 Korint 3:11 - NQAARIIT NE ROOG

¹¹ Yaam fer leng kut jegu, ta ref Yeesu Kiristaa, too o leng sipatinkee fer lakas.

1 Korint 3:11 Referans Kwoze

Efees 2:20

Kaa nu maxel no tabax ne apootar we fo duleer we a mberna, too Kiristaa Yeesu fa xoox um a ref ɓil fer le.

Esayi 28:16

Ten taxu, keeke o Yaal oxe na refkaa boo faw a layu: «Mexey doonaa kam Siyoŋ ɓil fer laa ɗeetlooxeena, ɓil jafeñu laa jaƭna kooñ ne, a saƭik fer. Oxuu hoolooxuuna, xan a saƭik.

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

Mace 16:18

Mi koy, mexe layang ee: Wo refu Piyeer. Took ɓil leene um maxkaa o fog ole no gimu we mi. Fa nqon fee sax waagankiran dara.

1 Korint 3:10

Mi o mat, kaa Roog a yirmaam, um doon fer le nen o taatabax tigi. Ndiiki koy, o lakas a gara, a max ke yoqna. Oxe na maxaa ke yoqna koy, a wara o wootoox, a haan no ne ta maxtaa.

1 Korint 3:12

A jega waa na maxtaa wurus mbaat xaaliis mbaat a ƥil a cafeñu, wene a teex mbaat fo gooñ mbaat daaƭ took fer leene.

1 Piyeer 2:4

Matiidyo me ten, ten fee refna ɓil ñoow le wiin we a ndeɓna, ndaa Roog kaa jil’un, yaam kaa jeg’u o njiriiñ mbaambir um.