1 Korint 3:10 - NQAARIIT NE ROOG

¹⁰ Mi o mat, kaa Roog a yirmaam, um doon fer le nen o taatabax tigi. Ndiiki koy, o lakas a gara, a max ke yoqna. Oxe na maxaa ke yoqna koy, a wara o wootoox, a haan no ne ta maxtaa.

1 Korint 3:10 Referans Kwoze

1 Korint 3:11

Yaam fer leng kut jegu, ta ref Yeesu Kiristaa, too o leng sipatinkee fer lakas.

Efees 2:20

Kaa nu maxel no tabax ne apootar we fo duleer we a mberna, too Kiristaa Yeesu fa xoox um a ref ɓil fer le.

O leetar ole Pool a bindna GIMU WE NGENNA ROM 15:20

Mi koy, kaam heboox o yegnitaa Yegil mbaax ne me no we moseerna o nan kaa jofna na Kiristaa, ndax maxkiim took fer no kiin o lakas.

Dañel 12:3

We njegna o and xan a meleƈ nen meleƈ le na asamaan, we aqatinna wiin mayu o cofel xan a miric-miricin nen xa qoor axe na asamaan, bo na moos boo moos.

Mace 24:45

«O paɗ oxum gore’u too a ƴiƴ boog, ndax o yaal mbind um a xaƴin fo wiin mbind um, ta cooxaa a den ñaamel, yaa waxtu a fadna.

Mbeeñil 21:19

A ƥil ake saŋe ne na teeru fee a diƈooxna koy, xa qos a ƥil a cafeñu a mayu a ndeeƭu, a mos bo. Ɓil eetaand le kaa hoƥ’u, a ne’el yaspe, ɓil ɗikandeer le a bulo, a ne’el safiir, ɓil dadkandeer le a hoƥ itam, a ne’el kalseduwaan,

1 Korint 9:2

Um refangee apootar na kid no wiin lakas, ten refum na nuun, yaam nuun ndefu xa tim axe no ke jalanuuma o Yaal oxe.

Mace 7:24

«Yaaga koy, oxuu nanna a ƭelem akeeke um layaa, soo a reef a den, xan a nand fo o koor o cegu yiif oxaa sinjna mbind um took ɓil.

1 Piyeer 4:11

Nuun waawaare we, fat a ƭelem nuun a njagir fo fa lay fee Roog. Nuun we ndefna diidimle itam, fat nu ndimle’taa fa doole fee Roog a cooxna a nuun, ndax no kuu ta waagna waag o ref, Roog a ɓoxotel o ndam na pexey Yeesu Kiristaa fee jegna o ndam fa katil bo na moos boo moos. Amiini.

2 Timote 2:15

Ɗofti boo baa a pi of a ndef gaci mbaambir Roog. Fat o ref mbaambir um o caajal oxaa na jootandaa fa lay fa ndiindigil fee kam o cofel.

Kolos 4:17

Layanaamoo a Arkip ta foŋik calel ke o Yaal oxe a doxnuuna, ndax ta waagin o jalit ne ta waritna.

O leetar ole Pool a bindna GIMU WE NGENNA ROM 12:3

Ne Roog a ci’axama yirmande um, mexey layaa a nuun fop ee: Ba nu yeg a qoox nuun boo muk, ndaa fat nu maandoox na qalaat nuun, oxuu refna a liiƥoor fo a las ale Roog a ci’uuna no ngim onqe.

O leetar ole Pool a bindna GIMU WE NGENNA ROM 1:5

No ten daawtum yirmande fo waag o ref apootar boo qicaa qeet ke fop, da ngim no ten, too a nananin, ndax gon um a simatel.

A pi ake 18:27

Cinj kaaga, Apolos a bug’a o suur Akayi. Maaga, fog gimu waa a saƭakinaan, soo a mbindanin o leetar, a mbokatin fo daalbe waa no jegel olaaga, ndax da ndalnin. Ye ta fadiidna, a jega o njiriiñ lool no we ngim’ina na pexey yirmande fee Roog.

YEGIL MBAAX NE YEESU ne Lik a bindtuuna 11:35

Wootooxi boog yaam ndik a qoolaand ale refna na wo a ref o niɓaan.

O baawaare xe 12:9

O Baawaare xe reeƭee o cegu yiif soom, a day teen, ndaa a aqatina xeet fee o and. A ɗeetaqina, a horoox soo a leem xa peƭit xa mayu.

Saak 3:1

Fog es, baa mayu na nuun a ndiirooxaa o njangnik fa lay fee Roog, yaam nu anda yee, paam Roog, in we na njangnaa na moƴkaa o ƭomiɗ wiin lakas we hate.

1 Timote 4:16

Yetooxi a xoox of fo a cangin of, dami no keene, fañ o waas, yaam o fi’angaan, xan o muc, mucil we na nan-gilooxang.

Kolos 1:29

Keene itam refu calel es, um gomriteel doole um, ta jalaa na mi fa katil.

O leetar ole Pool a bindna GIMU WE NGENNA ROM 15:15

Yaqanee toox de, um bind a nuun fo njambaar na seek a leng-leng kam o leetar es, ndax um wetand a nuun ke nu njangneena yaaga. Kaam bindit neene yaam yirmande fee Roog a fudinna took es,

YEGIL MBAAX NE YEESU ne Lik a bindtuuna 21:8

Yeesu a doona a den ee: «Mbootooxyo o naxel, yaam xan wiin mayu a ngar, a ne’ooxaa gon es, too xan a lay ee: ‹Mi refun›, too ‹Waxtu fee xe matiidaa!› Kaa koy, ba nu ndeef a den.

Sakari 4:9

«Xa ƥay axe Serubabel sinju Mbind nene, xa ƥay um na ƈutandkan, too xan nu and ee o Yaal oxe Hupna fop lulaxam me nuun.»

2 Caloori ke 2:12

Ndiiki koy, mexe lultiidang o kiin o baane’u too a jeg o and, ta ref Huram-Abi

Mbeeñil 21:14

Saŋe ne na teeru fee koy na ƥil xarɓaxay fo a ƥil a ƭak a diƈooxu. Na ƥil akeene o mat, a kon ake no apootar xarɓaxay fo apootar ɗik we no Mbaal onqe a mbind’e.

2 Korint 10:15

I mbakooritkee jale no wiin lakas boo muk, too i njolkee a tet in, ndaa i yaakaara yee xan o ngim nuun a moƴ o ɓaatoox. Yaaga, xan i moƴ o mbadin calel cegu njiriiñ a ndeer nuun boo na tet in.

Xa peƭit axe 9:1

Jeg-yiif a maxa mbind um, a sexanin a toodook ɓetaa ƭaq.

1 Tesalonik 3:2

soo ngebliid a Timote fee o pog in no ngim onqe, too a ref o caajal Roog oxaa na waare’aa Yegil mbaax ne Kiristaa. Kaa i luliidin, ndax ta saƭkand a nuun, a saƭakin a nuun no ngim onqe nu njegna,

2 Piyeer 3:15

Ƭeetaqinyo ne o Yaal in a muñtaa ndax nu muc. Keene refu ke o pog in Pool a bindna a nuun itam, na pexey o jeg-yiif ole Roog a cooxuuna.

A sutax ale 36:4

Maaga, yaal a yiif ake nqot’eena fop no calel ke no Ƭiif ne o Yaal oxe a xetteel a ƭega calel den, a ndet maa Moyiis,

Xa peƭit axe 12:8

O cegu yiif oxe kaa kañeel, oxe raƥna yiif o mat a xeefeel.