1 Korint 2:8 - NQAARIIT NE ROOG

⁸ O jeg-yiif oleene, o aa-adax o leng andiran na adna feeke, yaam a and’angaan ndengkoogee o Yaal oxe jegna o ndam na kurwaa.

1 Korint 2:8 Referans Kwoze

Saak 2:1

Fog es, ne nu ngimna no Yaal in Yeesu Kiristaa fee jegna o ndam, ba nu samtirandaa wiin we.

A pi ake 13:27

We ngenna Yeerusaleem fo aa-adax den anddee a Yeesu. Andid’ee itam fa lay fee no duleer we da njangoogna na bes a ñootnax aluu refna, ndaa a mbadna fa lay den, ye da ƥoxotna a Yeesu.

A pi ake 7:2

Eceen a doonaan ee: «Fog es fo paap es, nan-gilooxaamoo! Roog fee mayna fo o ndam a feeñooxa o taan in Abraham. Kaaga xaa soƥa a Abraham no saax laa Mesopotami yaaga genafulee Xaraan.

1 Korint 2:6

We o ngim den a deyna koy, o jeg-yiif tigi i mbaare’aa a den, ndaa o jeg-yiif oleene hatee na adna fee, too aa-adax we teen ndalniran, den we na saŋkooxkaa.

1 Timote 1:13

mi fee andoona yee yaaga, kaam reeƭu oxaa na wenan, ñagadilaa we ngimna no ten, ref o kiin fo’oy. Kaa koy, daawaam yirmande, yaam kaa and’iim ke um fi’aa, took o ñak o ngim.

2 Korint 3:14

Kaa koy, a qalaat den kaa niɓaan, too boo xaye sax, boo da njangaa safe le no ngiɓoor eetaand ne, muurax ne oxe maadaa, too watnaand. Muurax neene, oxe watitkaa no xe fogna na Kiristaa soom.

YEGIL MBAAX NE YEESU ne Saŋ a bindtuuna 16:3

O nanangaa da mbi’an koy, kaa andee a Faap fee, andiraam.

YEGIL MBAAX NE YEESU ne Saŋ a bindtuuna 8:19

A laamtaan ee: «Taa faap of?» Yeesu a doona yee: «Nu andiraam, nu andee a Faap es. E, yaam nu and’angaam, nu andkooga a Faap es.»

YEGIL MBAAX NE YEESU ne Saŋ a bindtuuna 7:48

Kaa nu mos o nga o leng no aa-adax we mbaat o leng no Farisiya we oxaa gimna no ten!

Mace 11:25

Na pe akaaga, Yeesu a laya yee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew.

YEGIL MBAAX NE YEESU ne Lik a bindtuuna 23:34

Yeesu a laya yee: «Faap, waasani a den, yaam andee ke da mbi’aa.» A mbanjanga tikoorik kaa ten, soo a nqaajir a den.

Mace 13:22

Ax ke nduufeena kam kiƈ ke ndefu oxe na nanaa fa lay fee Roog. Kaa koy, a qalaat ake na jamaane fee fo ne halal adna a ƴiƴtaa a den a naanga o ngoñaa fa lay fee Roog boo waagkee o rim.

1 Korint 1:20

Ten taxu ndiiki, an refu meen o yaal o and? An refu meen o cangu? An na inooxkaa meen a ñimatireel, ndax ta lalit yiif um? Kaa Roog feeñlee yee ke na fakoorteel na adna fee ñaku xoox oo?

Efees 1:17

Kaam xeɗaa a Roog fee no Yaal in Yeesu Kiristaa, a Faap fee jegna o ndam, ndax ta coox a nuun Yiif le na andnoorkaa a nuun, too a feeñil a nuun a Roog, ndax nu andin.

Efees 4:18

O jeg-yiif den kaa niɓaan tit. Njegee a las a leng no ñoow ole Roog a ci’taa, yaam kaa da ñak-o-and, soo a saƭik a qeeñ lool.