1 Korint 2:7 - NQAARIIT NE ROOG

⁷ O jeg-yiif ole i mbaare’aa refu ole hatna na Roog, a ref kunpa, too Roog a yuuɓ’un yaaga jamaane jegafulee, ndax ta ɓis a in no ndam.

1 Korint 2:7 Referans Kwoze

2 Piyeer 1:3

Katil ne Roog a jegoodna a cooxa a in ke i soxla’na fop, ndax i ñoowaa no damoox no ten, ye ta andnoorna a in oxe xoyna a in na pexey o ndam xoox um fo no paaxel um.

Mace 13:35

Naaga, ke lay’eena a reefandel no tuleer oxe a fadnoortu: «Xam lay na naxax, too xam lambin ke ɗasneena yaa adna a godeena ɓaax boo xaye.»

Mace 11:25

Na pe akaaga, Yeesu a laya yee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew.

A kim a tedu ke 78:2

Kaam bug o layit a naxax, lambin a nax-o-gut ake yaaga.

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

Efees 1:4

Na Kiristaa Roog kaa jil a in, yaaga sakafulee adna fee, ndax i ted too ñak sik mbaambir um. Kam o mbeq um,

Mbeeñil 13:8

We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

1 Piyeer 1:11

Kaa mbaaƭoogu maa da nga’itna a mban fo nam ke Yiif le Kiristaa reeƭna na den a lalitna. Yiif leene a yegnita padafuleer no coono ke nar’ina o ndal a Kiristaa fo o ndam onqe na doonooxkaa teen.

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

1 Piyeer 5:1

Mi fee refna o maak, seede coono ke Kiristaa, fog itam no ndam onqe wareena o feeñil, mexe xeɗaa maak gend es we ndefna a ndeer nuun, da ngay o siir ole Roog da ndoxneena. Kaam ee: Baa ref ee nu mbugiran a mbug, ndaa fat a ref ee yaam ta fel a nuun yaam Roog. Baa ref itam no bug teen xaaliis, ndaa fo xeeñ letu.

O leetar ole Pool a bindna GIMU WE NGENNA ROM 8:29

Roog kaa heboox’u o nandand we ta jilna yaaga fo o Ƥeem, ndax o Ƥeem onqeene a ref taaw kam ƥasil maak.

O leetar ole Pool a bindna GIMU WE NGENNA ROM 8:30

We Roog a jil’ina yaaga koy, a xoya a den, soo we ta xoyna, ta jofand a den, we ta jofandna, ta ci a den a las no ndam onqe ten.

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

1 Korint 2:1

Fog es, kaam bug nu and ee ye garuuma me nuun, yegnitiid fa lay fa kunpa’u fee Roog, reeƭee yee kaam gar’u, ndax um lal a nuun o fel-o-ɗek es mbaat o jeg-yiif es.

Efees 3:10

Kaa koy, ndiiki, na pexey o fog ole no gimu we, kelfa ke fo sañ-sañ ke ndeer asamaan fa lanq a mbaaga o and o jeg-yiif ole Roog.

Hebre 1:2

ndaa na pe akene, na ne’eel a paktaand ake, a laya fa in na pexey o Ƥeem. No ten Roog a saktu adna fee, too o ten Roog a jilu, ndax ta jeg fop.

Hebre 11:3

No ngim onqe i andtu yee Roog saku adna fee na pexey fa lay um, a tax ke na ga’eel a sutoor no ke waagaandeena o ga.