1 Korint 2:6 - NQAARIIT NE ROOG

⁶ We o ngim den a deyna koy, o jeg-yiif tigi i mbaare’aa a den, ndaa o jeg-yiif oleene hatee na adna fee, too aa-adax we teen ndalniran, den we na saŋkooxkaa.

1 Korint 2:6 Referans Kwoze

Hebre 5:14

Ñaamel meɗu ke o mat, maak we njegun, ta ref we naaɓna a yiif den, ndax da mbaag o njektirand ke faaxna fo ke faaxeerna.

Saak 3:15

O jeg-yiif oleene, na adna fee a hatu, too yiif le refna no ten refee Yiif le Roog, yiif jini yoo.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

1 Korint 2:8

O jeg-yiif oleene, o aa-adax o leng andiran na adna feeke, yaam a and’angaan ndengkoogee o Yaal oxe jegna o ndam na kurwaa.

1 Korint 1:28

Kaam ee Roog kaa jil ke jegeerna o njiriiñ na adna fee fo ke fop a nqeefna fo ke saxeerna, ndax ke saxna a paƴ ndiŋol a luƈtoox.

Kolos 4:12

Epafaras fee nu mbogitna xeet oxe simnaa a nuun. O tag Kiristaa Yeesu yoo, too a naaga o gomreel na qeƭ yaam nuun, ndax nu ñak sik, saƭik no fop ke refna o bug Roog.

Efees 2:2

Kaa nu ndeefanoogu boog o ñoowooƭ ole na adna fene, nananaa oxe kelfa’na cini ke ndefna ndeer asamaan fa lanq. Ndiiki, yiif faaxeer leene kaa jalaa no wiin we nananeerna a Roog.

Mace 5:48

Fat nu ñak sik boog ne Faap nuun fee na asamaan a ñakitna sik.»

2 Korint 1:12

Kañoor in refu ke yiif in a seede’aa. A pesoorooƭ in kam adna fee, moƴtaa sax a ndeer nuun, kaa reeƭu no tedel fo no ngor naa hatna na Roog na pexey yirmande um fop, refee muk no and no kiin.

A kim a tedu ke 33:10

O Yaal oxe kaa nootaa yuuƥ ke no qeet ke, a finqaa ke a saax ake a ƭaapna.

Ke bindeena no xe ne’eena YOB 12:21

O xeefel ole, kaa roxondan gelwaar we, a yelefand a keen no jegu doole we.

Ke bindeena no xe ne’eena YOB 12:19

Kaa gadooxnooraa saasadax we xa ñaaƭ den, a maafaa yaal toole ke.

Ke bindeena no xe ne’eena YOB 1:1

Kam saax laa Uus, a jeg’a o koor o ne’e Yob. O koor oxeene kaa woor’u too a jof. Kaa saɗar’u a Roog soo a wootooxaa paaxeer.

Saak 3:2

A caf a mayu kaa i njuumaa, in fop. O kiin a juumangee na fa lay, o kiin tigi yoo. A waaga o dam cer um fop.

2 Korint 13:11

Ndiiki koy fog we, fat o ɗaay a ref fa nuun! Njeemyo o njagandoox, yaalooraa, mbog xalaat, ñoowaa na jam! Yaaga Roog fee refna o mbeq fa jam xan a ref fa nuun.

1 Korint 14:20

Fog es, ngela ba nu saq yiif no ndeɓandoong. No paaxeer koy, njaɓyo o ndef xa qeq, ndaa fat nu ndef maak no Yiif le Roog,

1 Korint 2:13

I naangangaan o laytaa koy, refee fo o fel-o-ɗek ole wiin we a mbi’na o and, ndaa kaa i laytan fo o and ole Yiif le a jangnaa, yaam i layaa fo waa njegna Yiif le Roog.

1 Korint 2:1

Fog es, kaam bug nu and ee ye garuuma me nuun, yegnitiid fa lay fa kunpa’u fee Roog, reeƭee yee kaam gar’u, ndax um lal a nuun o fel-o-ɗek es mbaat o jeg-yiif es.

YEGIL MBAAX NE YEESU ne Lik a bindtuuna 16:8

O yaal mbind ne a kaña o paɗ o kore’aƭaru xe yaam ne ta fi’’ina nen o kiin o ƈiƴu.» Yeesu a doona teen ee: «Wiin we na jamaane fene moƴu o ƈiƴ mbaambir no gend den ee wiin we na qoolaand ale.

Mace 19:21

Yeesu a layaan ee: «O bugangaa o ñak sik, reti jikoox kaa jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam.»

Mace 13:22

Ax ke nduufeena kam kiƈ ke ndefu oxe na nanaa fa lay fee Roog. Kaa koy, a qalaat ake na jamaane fee fo ne halal adna a ƴiƴtaa a den a naanga o ngoñaa fa lay fee Roog boo waagkee o rim.

Esayi 40:23

O ten na fudnaa gelwaar we boo ndefkatee tus, soo yaal sañ-sañ ke, ta maaf a den boo ndefkatee dara.

A kim a tedu ke 37:37

Horooxi o kiin oxe ñakna ƥanjel, ɗeet a paax o booru xe, yaam o kiin jam muj fa mbaax rek a jegaa,

A kim a tedu ke 146:4

Xan a ñak o ñis um, a nomtoox no lanq ke, soo yuuƥ um a sooƴ.

1 Korint 3:1

Fog es, nu anda yee gariim a gar rek, layaa fa nuun nen kaa nu ndef wiin deyu sik no Yiif le Roog, ndaa nen wiin adna. Kaam jeetaay fa nuun, yelefand a ƭelem es, yaam nu maad o ndefaa xa caaƈ na Kiristaa.

1 Korint 12:8

Kaa oxeeke a danqel ɗelem o and na pexey Yiif le Roog, oxaana ɗelem o jeg-yiif,

2 Korint 4:3

A soƥangaa yee Yegil mbaax ne in kaa maad o muureel, o and ee kaa muurel no we na saŋkooxkaa.

Kolos 1:28

O ten o mat koy i yegnitaa, maƭooxaa o kiin oo kiin, njangnaa a den o and tigi, ndax oxuu refna a waag o geenoox mbaambir Roog, a ñak sik na Kiristaa.

Hebre 6:1

Yaaga boog, fat i nqaƴ a cangin a koƭeer ale jaginna na fa lay fee Kiristaa. Kaam ee fat i suur na cangin ale maak we a ndaawaa, mbañ o ndalnahin a cangin ale na layaa kaa farna no fes a cinj a pi a qonu ke, soo ngimat na Roog.