1 Korint 2:13 - NQAARIIT NE ROOG

¹³ I naangangaan o laytaa koy, refee fo o fel-o-ɗek ole wiin we a mbi’na o and, ndaa kaa i laytan fo o and ole Yiif le a jangnaa, yaam i layaa fo waa njegna Yiif le Roog.

1 Korint 2:13 Referans Kwoze

1 Korint 2:4

Ke layuuma fa nuun a koom, reeƭee fa lay fa laalaxad xoox mbaat um jikooxaa o jeg-yiif. Kaa reeƭu fa lay faa lalitna Yiif le Roog fa katil um,

1 Korint 2:14

O kiin sang um sang um koy, refna ref oxe jegeerna Yiif le Roog, waagee o jaɓ ke farna no Yiif le Roog yaam o ñak-xoox a fi’un. Waagiran o and itam, yaam Yiif le Roog soom waagun o gaal.

1 Korint 1:17

Batiise taxee Kiristaa a inaam. O nanangaa um inoox, o yegnitik Yegil mbaax ne taxun. Refee itam ee o fel-o-ɗek taxu um waare’aa, yaam yaaga a kurwaa le Kiristaa a fi’kel cegee xoox.

1 Korint 2:1

Fog es, kaam bug nu and ee ye garuuma me nuun, yegnitiid fa lay fa kunpa’u fee Roog, reeƭee yee kaam gar’u, ndax um lal a nuun o fel-o-ɗek es mbaat o jeg-yiif es.

1 Piyeer 1:12

Roog a feeñla duleer weene yee den fa qoox den maadkee yegnit padafuleer keene. Nuun we taxna da ndef jaajal no keene o mat na maadkan. Ndiiki koy, Yiif Tedu le inoorna na asamaan a yegna a nuun nduleer neene na pexey no we mbaare’na a nuun Yegil mbaax ne. Malaaka ke sax a mbug’a o and keene.

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

2 Piyeer 1:16

Refee sax ee kaa i saaƭoox na nax ake nqalaat’eena boo andnooraa a nuun a kar a mayu katil ale no Yaal in Yeesu Kiristaa. Kaa i mbi’in, yaam ne i nga’oodna o ndam um fo a kid in,

Efees 5:19

Naangyo saƭakinraa a ndeer nuun fo a kim a tedu, nqaananaa a Roog, mbi’tin itam a kim akaa inoorna no Yiif le Roog. Kaam ee ngimanyo o Yaal oxe, too simatin fo a qeeñ nuun fop.

1 Korint 14:2

Oxe Yiif le a ci’na ta layaa na lak-yiif, oxaaga layee fo wiin we, Roog a laytaa, yaam we ta refitna nanee lak fee ta layaa. Yiif le Roog rokun, ta layaa kunpa.

1 Korint 9:11

A soƥangaa yee halal yiif i nduufu na nuun, xar taxu o saxad no kalal adna ke nuun, nu mbi’in ƭomu?

YEGIL MBAAX NE YEESU ne Lik a bindtuuna 12:12

yaam na waxtu faaga sax sax xan Yiif Tedu le a jangin a nuun ke nu mbarna o lay.»

A pi ake 2:4

Den fop a maya fo Yiif Tedu le, too a ndalfooxa o layaa lak lakas kaa Yiif le a ci’na a den.