1 Korint 16:9 - NQAARIIT NE ROOG

⁹ yaam kaa jeg meeke calel maak kaa njegna o njiriiñ lool, ke fañ we a mayna may fop oo.

1 Korint 16:9 Referans Kwoze

2 Korint 2:12

Ye fadiiduuma Torowaas, ɓisiid Yegil mbaax ne Kiristaa, ke o Yaal oxe a halanaxama a ƭat ake fop oo,

Kolos 4:3

Nqeɗanyo a in itam, ndax Roog a waag o ci a in o gom no calel ke. Neene, xam waag o yegnitaa kunpa fee Kiristaa taxna um jengel,

A pi ake 14:27

Yaa da mbadiidna Ancook, a mbokata waa mbog’ina no mbokatax ne no gimu we. A mbetandooxa gimu we ke Roog a fi’’ina fop na pexey den fo ne ta wetanit’ina we ndefeerna Yaawuur o don-maax ole, ndax da ngimat no ten, den itam.

Filip 3:18

A jega mayu waa na ñaaƴaa, a ndef waa mbugeerna o nan paru na kurwaa le Kiristaa. Layaam a nuun a caf a mayu kaa jofna na den, ndiiki itam, um dakooxin o layaa fo xa kooniit.

1 Korint 15:32

A soƥangaa yee a qontax jegee, xar taxu um gomir fo ƥaaɓaan kam teeru fee Efees? Ndax wiin taxu um fi’in? Yaaga xar a ɗaxkaxam? A qontax a jegangee kañ, «fat i ñaamaa, yeraa, yaam o feet i nqon».

2 Korint 1:6

Boo i ndefna no torox koy, a yaalax nuun fo a muc nuun taxun. Boo i yaaleena itam, o saƭkel ole na yaalax nuun taxun, ndax nu mbaag o ndoxondoox coono leng kut ke i miñna o ndoxondooxaa.

Saak 5:16

Ten taxu, um layaa a nuun ee: Mbeejliryo pakaad nuun, too nqeɗanraa a Roog itam, ndax nu mbod. A qeƭ no kiin o cofu a jega doole lool.