1 Korint 16:24 - NQAARIIT NE ROOG

²⁴ Fat nu and ee o mbeq es oxe took nuun na Yeesu Kiristaa.

1 Korint 16:24 Referans Kwoze

2 Korint 12:15

Mi o mat, xam jaɓ o jiriiñoor ke jeguuma fop, too xam ɓoxot a nuun a xoox es yaam xa laaw nuun. Ndax ne fextuuma a nuun neene xan a tax o mbeq nuun fa mi a wañoox?

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

Mbeeñil 3:19

Mi o mat, kaam yaraa we fexuuma. Jaflaxi boog, too fes pakaad of a cinj.

Filip 1:8

Roog a anda yee ne Kiristaa Yeesu a jegitna o liir na nuun, nu sooɓtaxam.

2 Korint 11:11

Xar taxu a ƭelem akeene koy? Xeƈa boog yaam kaa fexiim a nuun oo? Roog a anda yee jegaam o mbeq na nuun tigi!

1 Korint 16:14

Kuu nu mbi’aa, fat a ref fo o mbeq.

1 Korint 14:16

Yaam a reftangee neene, too o xeɗaa fo yiif soom, nam o kiin sang um sang um oxe a waagu o doonit ee: «Amiini!» too andee ke xeɗoona, a refangaa sax ee kaa o gidmoogu a Roog?

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

1 Korint 16:23

Yaasam yirmande no Yaal oxe Yeesu a ref fa nuun!

2 Korint 1:1

Mi Pool fee refna apootar Kiristaa Yeesu ne Roog a bugtuuna, mi fo o pog nuun Timote na mbindaa a nuun o leetar oleeke. In we simnaa a nuun, nuun mbokatax ne no gimu we Roog ngenna na teeru fee Korint, nuun fo tedu we Roog fop ngenna kam o jegel ole Akayi.