1 Korint 16:22 - NQAARIIT NE ROOG

²² Oxuu fexeerna o Yaal oxe, yaasam ta halakel. Maranaa ta! (O Yaal in, koo gari!)

1 Korint 16:22 Referans Kwoze

Efees 6:24

Yaasam yirmande fee Roog a ref fo fop we mbexna o Yaal in Yeesu Kiristaa o mbeq o saƭku.

YEGIL MBAAX NE YEESU ne Saŋ a bindtuuna 14:21

Oxe na gayaa ke hebluuma, ten fexaxam, too fexaxama, xan Faap fee a fexin. Mi itam, xam fexin, too xam feeñlin oxe refuuma.»

1Saŋ 5:1

Oxuu gimna yee Yeesu refu Kiristaa fee, o Muumucil oxe regteena, o ƥiy o ndimte na Roog a refataa. Oxuu fexna a Roog fee rimuuna, a fexa itam we ndimteena no ten.

1Saŋ 4:19

In o mat, kaa i mbexin, yaam ten eetu o fex a in.

YEGIL MBAAX NE YEESU ne Saŋ a bindtuuna 8:42

Yeesu a laya a den ee: «Roog a reeƭangaa Faap nuun, nu mbexkoogaxam, yaam na Roog inoorum, garaa. Refee yee mi inu a xoox es, o ten luliidaxam.

Mace 10:37

Oxuu fexna a faap um mbaat a ya um kupu ke ta fexaxama, jombaanum. Oxuu fexna o ƥeem o ngoor mbaat o ƥeem o ndew kupu ke ta fexaxama, jombaanum.

Mbeeñil 22:20

Oxe feedinna kene a laya yee: «Ii, mexe garaa no miñeer!» Amiini! Gari, o Yaal oxe Yeesu!

1 Piyeer 2:7

Nuun we ngimna boog, nuun njegu o njiriiñ onqe no ɓil le, ndaa no we ngimeeruuna, «ɓil le maamax we a ndeɓ’ina, a refata ɓil faraaj le.»

1 Piyeer 1:8

Nu mbexaan, too nu mosiran o nga. Boo ndiik, nu nga’afuliran, ndaa kaa nu ngimaa no ten, soo mbelakinooxaa fo o ɗaay o maak o jegu o ndam onqaa waagaandeena o lay,

Hebre 6:10

Roog jofaƭaree. Weeckee calel ke nuun muk fo o mbeq onqe nu lalitna no gon um ye nu ndimle’aa fog gimu we nuun, too maad o mbi’an boo ndiik.

O leetar ole Pool a bindna GIMU WE NGENNA ROM 9:3

Jaɓaam Roog a halakaam, um xaajoor fa Kiristaa sax, ndax we fogtuuma xeet a muc, a waag’angaa o jeg.

Galati 5:6

No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.

1 Korint 12:3

Ten taxu, um bug o lay ee: Oxuu na laytaa Yiif le Roog, waagee o lay ee: «Yeesu a salooxe!» Neene itam, o leng waagee o lay ee: «Yeesu refu o Yaal oxe!», yaa Yiif le Roog a riñeeruuna teen.

A pi ake 23:14

Naaga, a ndeta maa no saasadax o maak oxaa fo maak waa, too a lay a den ee: «Kaa i ndaaɓoox ee feek i mbaree a Pool, i luuxkatee ngaaf.

YEGIL MBAAX NE YEESU ne Saŋ a bindtuuna 16:14

Xan a ɓoxotaam o ndam, yaam na mi a bugko naqtaa, a yegnan a nuun.

YEGIL MBAAX NE YEESU ne Saŋ a bindtuuna 15:24

Um fi’’angee a ndeer den a pi akaa o leng a moseerna o fi, njegkoogee bakaad. Ndiiki koy, a nga’a a den boo a ƈut, soo a sibaam, a sib a Faap es.

YEGIL MBAAX NE YEESU ne Saŋ a bindtuuna 14:23

Yeesu a doonaan ee: «Fexaxama, xan a gay fa lay es, too xan Faap es a fexin itam. Yaaga xan i ngar, ngen no ten.

YEGIL MBAAX NE YEESU ne Saŋ a bindtuuna 14:15

«Nu mbexangaam, fat nu ngay ke hebluuma a nuun.

Esayi 5:1

Xam giman a xaariit es a kim ale no xe fexuuma fex fo a ƭing taxar biiñ um. Xaariit es kaa jeg’u a ƭing taxar biiñ no mbiñ o njaɓu taxar, a xaaɗ bo.

A kim ale na kim ake 5:16

O don um kaa ɓuuɓ yem, too ngiin um fop kaa yaawnoox. Nuun roog we Yeerusaleem, neene oxe buguuma bug a nandu. Kaam ee neene o fes es a nandu.

A kim ale na kim ake 1:7

Wo fee buguuma no xeeñ es, feeñlaam me o gayaa ged of, me o koornan njoloor o mbuc. Xar taxu boog um muurooxkaa, joqooyooxaa, widang paam a ked ake no yoon of?

Filip 4:5

Fat wiin we fop a and o lewet nuun. O Yaal oxe a matiida!