1 Korint 16:2 - NQAARIIT NE ROOG

² Na bes diiboor fuu refna, fat o kiin oo kiin na nuun a geek podu naa doole um a daawna. Nu mbi’tangaa neene, ta moƴ o faax, yaam waaj yaaga moƴu nu cung boo um gar, soo o ndimle nqe a sog o ƴufaneel.

1 Korint 16:2 Referans Kwoze

A pi ake 20:7

No kirand diiboor, i mbokatoor’a ndax i ndeer a cu’ax ale no Yaal oxe. Pool a jeetaayooga fo we maad’uuna fop kaa farna na fa lay fee Roog. Ne ta war’ina o suur no feet olaa koy, a layooga boo o yeng o njeek.

YEGIL MBAAX NE YEESU ne Lik a bindtuuna 16:10

Oxuu gore’na no ndik, xan a gore no tig maak itam, too oxuu jofeerna no ndik, jofkee no tig maak itam.

A cangatin ale 8:18

Fat nu mbetandoox ee o Yaal oxe Roog nuun na ci’aa a nuun doole faa nu njegitna halal feene, ndax ta saƭkand ngiɓoor ne ta daaɓooxna fo daan nuun, ne ta fi’tan boo xaye.

Mbeeñil 1:10

Yiif le Roog a gif’axam na bes fee no Yaal oxe, too nantaam a cinj es o ñuxur o maak olaa na jibaa, a fangoortaa nen a luuƥ.

YEGIL MBAAX NE YEESU ne Saŋ a bindtuuna 20:19

Na bes diiboor faaga, taa no yaar olaa, daalbe we kaa mbokatoor’u, a mbegoox, yaam a saɗaraa Yaawuur we. Begax ke fop kaa mbeg’el. Maaga, Yeesu a gara, a geenoox a ndeer den, a lay a den ee: «Nu yaaree jam!»

YEGIL MBAAX NE YEESU ne Lik a bindtuuna 24:1

No nqes naa na diiboor faa, rew we a ndeta ƥiiɓ teel na mboy alaa, a saq ƭuumooxel ke da nqendand’ina boo a ƈut.

2 Caloori ke 31:10

Maaga, Asariya fee o saasadax o maak oxe too a fog na qaw ale Saadok a doonaan ee: «Naa wiin we a mberu o ƥisiidaa no Mbind ne no Yaal oxe ke da mbatnitna no saxade den, kaa i ñaamaa boo ngiñ. I yoqɗa mayu sax, yaam o Yaal oxe a barke’a xeet um. Ke juumeena mene refu ke i yoqiɗna.»

Mberaand 26:12

No hiid olaaga, Isaak a duufa no saax laaga, soo a saxad boo tap um a may, yaam o Yaal oxe kaa barke’un.

YEGIL MBAAX NE YEESU ne Saŋ a bindtuuna 20:26

Yaa da moofna boo bes faa a dakooxiid, daalbe we Yeesu a mbokatoora, a soƥ maaga a Tomaa. Ye fop a naagna rap a wegel, Yeesu a feeñta a ndeer den, a lay ee: «Nu yaaree jam!»

Mark 14:8

A fi’a ke ta waagna, a yipanaxam ƭuumooxel no cer es boo a ƴut, too a mboy es a fi’anun.

Mberaand 33:11

Jangi boog ci’it ne um cooxang, feek Roog a mayƭandaxam fa barke, too jegaam fop ke soxla’uuma.» A fañaan o waas, boo neen Esawu a jaɓu.

Mberaand 32:10

Yakoob a laya yee: «Roog fee no taan es Abraham, Roog fee na faap es Isaak, o Yaal oxe wo fee lay’axama yee: ‹Nomtooxi no saax of, no mbaafaap of, too xam fi’anong paax›,

Mberaand 30:30

O ndik onqe jeg’oona eetaand, ga’aa ne ta ɓaatoorna, too o Yaal oxe a barke’aang no kaa xotitna no ñaal naa rokiiduuma no mbind of. Ndiiki koy, a mban um jalankaa ƥasil es?»

Mberaand 30:27

Laban a layaan ee: «A soƥangaa yee daawaam yirmande of, yoqi mene. Kaam layel no mbeeñil ee wo taxu o Yaal oxe a barke’aam.»

2 Korint 8:10

Kene refu a maƭax es fa nuun: Ke faaxna na nuun refu nu njeem o mbadin ke nu mber’ina no hiid ole faafna, yaam nuun ndefu we eetna o mbug o mbi tig, too nuun ndefu we adooxna no we mberuuna.