1 Korint 16:19 - NQAARIIT NE ROOG

¹⁹ Gimu we ndefna Asi fop mbokatooru, a simnaa a nuun. Akilaas fa Pirisil fo gimu we na mbokatooraa no mbind den owe simnaa a nuun a paax itam no Yaal oxe.

1 Korint 16:19 Referans Kwoze

A pi ake 18:2

A xet’a maaga fo o Yaawuur oxaa ne’eena Akilaas, a rimel no jegel olaa Pont. Akilaas kaa sog’u o fadiidaa, a inoor Itali, ten fa Pirisil fee o teem, yaam o maad o maak Kolood kaa hebil’u yee fat Yaawuur we fop a sutoox teeru faa Rom. Pool a ɗeetik’a a den.

Mbeeñil 1:11

Kaa layoogu yee: «Ke o ga’aa, bindeen no safe, lultin pokatax ɓetuu ƭik kaa ndefna kam teeru keeke: Efees fa Ismir fa Pergaam fa Tiyatiir fa Sardes fa Filadelfi fa Lawodise.»

1 Piyeer 1:1

Mi Piyeer fee apootar Yeesu Kiristaa na simnaa a nuun. Roog jilu a nuun, nuun we ndefna xa kataakoon xa pictooxu kam xa cegel axeeke: Pont fa Galati fa Kapados fa Asi fa Bitini.

Filemon 1:2

in we simnang, wo fo o cigeen in Afiya fa Arkip fee o yoon in no ke i ngomreel yaam o ngim onqe, simnaa itam mbokatax ne no gimu we refna no mbind of.

2 Timote 4:19

Simnanaam a Piriska fa Akilaas fo mbind Onesifoor.

Kolos 4:15

Simnanyo a in fog we ndefna Lawodise, simnan a in a Nimfaas fo mbokatax ne no gimu we ndefna no mbind um.

O leetar ole Pool a bindna GIMU WE NGENNA ROM 16:15

simin a Filolog fa Sili fa Neere fo o cigeen um fa Olimpa fo fop we mbogna na xeet fee Roog, too a ngen fa den.

A pi ake 19:10

O jaf olaaga na Pool a miñ’a boo xa kiid xa ƭaq, boo Yaawuur we fo we ndefeerna Yaawuur ngen’ina no jegel olaa Asi a nan fa lay fee no Yaal oxe.

A pi ake 18:26

A layoogata fo njambaar no mbind a qeƭ naa den. Ye Pirisil fa Akilaas a nanuuna, a nqoyaan maa den, a tektin a ƭat ale Roog a qool qac.

A pi ake 18:18

Pool a yoqa miñu Korint. Cinj kaaga, a asoora fo fog gimu waa, a rok na kaal ndax ta ret Siri, a yoon fa Pirisil fa Akilaas. Ye ta helkaa fo rok na kaal alaa, a ruusoorta na saate faa Kenkere, yaam kaa regoor’u fa Roog.

A pi ake 2:9

In ndefu wiin we Part fo we Medi fo we Elam, we ngenna Mesopotami fa Yudee fa Kapados fa Pont fa Asi,

A pi ake 16:6

Yiif Tedu le a xañta a den da yegnit fa lay fee Roog kam o jegel olaa Asi. Ten taxu a nqaaña o jegel olaa Firigi fo olaa Galati.