1 Korint 16:16 - NQAARIIT NE ROOG

¹⁶ Ngela nananyo wiin nandu neene fo fop we andoona yee kaa ndaaran calel leng kut ke.

1 Korint 16:16 Referans Kwoze

Hebre 13:17

Nananyo we na ƭoxaa a nuun, neewandoox mbaambir den, yaam kaa ndef waa na ngaynaakaa xa laaw nuun kili. Weene xan a njangtoox a Roog ke da njalna. Boo nu nananaa a den, xan a mbadin calel den fo o ɗaay. Keene a jegangee koy, xan a mbadnitin naqad, ta ref kasaara na nuun.

1 Tesalonik 5:12

Fog we, in we nqeɗaa a nuun, nu niw we na njalaa fa nuun, a ƭoxaa, too a saƭakinaa a nuun no Yaal oxe.

3Saŋ 1:8

Ten taxu, in we ngimna, i mbara o ndalnaa wiin um, ndax i ndaar, ndend fa den no qol ole no ndigil ne.

Mbeeñil 2:3

Andaam itam ee saƭkaa. Xijaa yaam gon es, too dakooxiro a cinj.

1 Piyeer 5:5

Neene itam, nuun mbes ke, nananyo maak we. Saqyo nuun fop a neewandax, ta ref nen pay nguloor nuun, yaam «Roog kaa fañaa we na magnandooxaa, a yirmaa we neewandooxna».

Hebre 6:10

Roog jofaƭaree. Weeckee calel ke nuun muk fo o mbeq onqe nu lalitna no gon um ye nu ndimle’aa fog gimu we nuun, too maad o mbi’an boo ndiik.

1 Timote 5:17

Maak we no mbokatax ne no gimu we ndefna aa-adax faax mbaru o ngup ndabid, moƴtaa sax we na mbaare’aa, a njangnaa,

1 Tesalonik 2:9

Fog es, ƥekyo na yiif nuun ne i njalitna kam coono ñaal fo o yeng, ndax i ndoxondkee o leng na nuun a toq in, ye nu mbaare’eel Yegil mbaax ne Roog.

1 Tesalonik 1:3

I ñakee o mbetandooxaa a nuun na qeƭ in mbaambir Roog Faap in yaam o ngim nuun o laltinooxu nqe fo o mbeq onqe nuun na jaflaxnooraa a nuun fo yaakaar mbooru ne nu njegna no Yaal in Yeesu Kiristaa.

Filip 4:3

Wo itam, wo fee o yoon es o kore’u xe, koo dimle’i rew weene, yaam kaa ngomrel bo, nen a mi yaam Yegil mbaax ne, fa Kelemaa fo lakas we um yoontaa no calel ke, too a kon den a mbindel no safe le no ñoow ole.

Efees 5:21

Njaɓaniryo a ndeer nuun, yaam ne nu niwna a Kiristaa.

1 Korint 12:28

Kam o fog ole no gimu we Roog kaa eet o dalin apootar we, we na njo’tanaa a Roog a ndeef, jaajangin we a ndoonoox, soo cinj kaaga, we ci’eena a mbaag o mbi comlaand, cinj weene we mbaagna o mbodand, soo we mbaagna o ƈufig a ngar fo we mbaagna o adooxan lakas we fo we na layaa lak-yiif.

1 Korint 3:9

In, waa na njalaa fa Roog i ndefu, nu ndef a ƭing um. Kaam ee nuun ndefu itam tabax ñoow ne ten.

O leetar ole Pool a bindna GIMU WE NGENNA ROM 16:12

Fat nu simin a Tirifen fa Tirifos ndefna rew waa na njalanaa o Yaal oxe. Weeciim itam a Persiid fee fexuuma, o tew oxeene jalanna o Yaal oxe mayu.

O leetar ole Pool a bindna GIMU WE NGENNA ROM 16:9

simin a Urben o yoon es no calel ke Kiristaa fa Estakis fee fexuuma.

O leetar ole Pool a bindna GIMU WE NGENNA ROM 16:6

Simnanaamoo a Mari fee jalna boo a tas yaam nuun,

O leetar ole Pool a bindna GIMU WE NGENNA ROM 16:3

Fat nu simnanaam a Pirisil fa Akilaas ndefna yoon es no calel ke Kiristaa Yeesu.

1 Caloori ke 12:18

Dawid a faambra fa den, a lay a den ee: «A soƥangaa yee kaa nu soƥiidaam yaam o mbug jam fo ndax nu ndimle’aam, xam dalin a nuun fo xeeñ xoolu. Kaa koy, a soƥangaa yee nu ngodaam soo ƥoxotaam na xa ƥay no fañ es taxun, ke fi’eeruuma paaxeer fop oo, yaasam Roog fee no daan in a hate a in soo a xaw a nuun.»

O baawaare xe 1:3

Ke o kiin a ŋus-ŋusnaa fop ɗuga njeeƈ ne xar a ɗaxkan?

Hebre 13:24

Fat nu simnanaam we na ƭoxaa a nuun fop, simin itam we mbogna na xeet fee Roog fop. Fog we ngenna kam saax laa Itali, owe simnaa a nuun itam.