1 Korint 16:15 - NQAARIIT NE ROOG

¹⁵ Fog es, a jega lakas kaa um xeɗaa a nuun: Nu anda yee Akayi boo Akayi a xet, mbind Estefanaas eetu o ngim, too nu nga’a ne da mboŋkitna o ndimle’aa tedu we Roog.

1 Korint 16:15 Referans Kwoze

1 Korint 1:16

Um batiise’angaa meen o lakas, Estefanaas fo wiin mbind um oo. A jolangaa weene limuuma, ga’atiim o lakas.

O leetar ole Pool a bindna GIMU WE NGENNA ROM 16:5

Fat nu simnanaam itam gimu we na mbokatooraa kam mbind den, simin a Epaynet fee fexuuma, refna oxe eetna o gim na Kiristaa kam o jegel ole Asi.

1 Piyeer 4:10

Oxuu refna na nuun kaa ref nen o tag o paax oxaa Roog a doxinna ci’it pogreer. Yaaga koy, fat a dimle’taa lakas we ci’it ne ta daawitna na Roog.

2 Korint 9:1

Soxla’atee sax um bindahinaa a nuun kaa farna no ndimle nqe wareena o lultiid we mbogna na xeet fee Roog,

2 Korint 8:4

a nqeɗa a in, too a saƭik teen bo, ndax da mbaag o ci’el a mbog no calel keene refna ref o ndimle no tedu we ngenna kam Yudee.

O leetar ole Pool a bindna GIMU WE NGENNA ROM 16:2

Fat nu ndalnin a paax no gon le no Yaal oxe, mbi’tin ne ta warna o refit a ndeer waa mbogna na xeet fee Roog. Ndimle’eenoo no ke refna soxla um fop farna fa nuun. Wiin mayu a nqotta o ndimle na Foybe feene, moƴtaa sax mi feeke.

O leetar ole Pool a bindna GIMU WE NGENNA ROM 15:25

Ndiiki koy, kaam retaa boo Yeerusaleem, ndax um dimle xeet fee Roog ndefna maaga.

O leetar ole Pool a bindna GIMU WE NGENNA ROM 12:13

Fog nuun no ngim onqe, nu ƈufig a den yaa da ndefna na soxla, ndalnaa a paax we na ngaraa me nuun.

Mbeeñil 14:4

Den ndefu we njegeerna soɓe, yaam mosee o yoon fo o tew. Kaa ndeefoogu o Mbaal onqe muu ta jofoogna. Kaa mbat’el ndeer no wiin we, a ndefan a Roog fo o Mbaal onqe nen taawlax.

Hebre 6:10

Roog jofaƭaree. Weeckee calel ke nuun muk fo o mbeq onqe nu lalitna no gon um ye nu ndimle’aa fog gimu we nuun, too maad o mbi’an boo ndiik.

Filemon 1:7

O pog es, o mbeq of a ɗaaynooraxam lool, too a saƭakinaxam, yaam na wo, xeeñ le no tedu we a daltu.

1 Timote 5:10

Fat a andtel a pi a paax, a mos o yaraa xa teɓandoong, a genaroogu we ngaroogna no mbind den, a ɓoganaa tedu we a caf den, a ƴufgaa we ndefna no torox, a fi’aa paax kuu ndefna.

1 Korint 16:17

Sawaraam lool yaam ne Estefanaas fa Fortinatis fa Akaykis a ngarna meen. Yaaloortaam a den a nuun,

O leetar ole Pool a bindna GIMU WE NGENNA ROM 15:31

Nqeɗanaamoo ndax um muc no gimaƭaru we ndefna kam Yudee, nqeɗ itam, ndax o ndimle nqeeke um ɓisaa xeet fee Roog kam Yeerusaleem a jaɓel a paax.

A pi ake 18:12

Na jamaane faaga koy, a soƥ Galyoŋ a refaa gofornoor no jegel olaa Akayi, Yaawuur we a mbokatoorana a Pool. A ƥisaan no hate’and olaa,

1 Korint 16:1

No ke jofna koy no ke na fokataneel tedu we kam Yeerusaleem, kaam bug nu mbi’tan ne laytanuuma pokatax ke no gimu waa no jegel olaa Galati.