1 Korint 15:51 - NQAARIIT NE ROOG

⁵¹ Xam lay a nuun kaa refna kunpa itam: In fop, i nqonkee, ndaa in fop, xan i suptoox.

1 Korint 15:51 Referans Kwoze

Filip 3:21

Ten feene o mat na supitkaa cer neewu doole ke in, da nandat fo cer o ndam um, a fi’tin sañ-sañ fee ta jegna boo a waag o garit fop took.

1 Korint 15:20

Kaa koy, Roog a fi’a jam boo Kiristaa a xontoox a ndeer no xon we, a refat taaw a ndeer den.

Efees 1:9

A andnoora a in kunpa fee ta ɗaapna, too ta yuuɓ’un yaaga, ndax ta fadnin na Kiristaa.

1 Korint 4:1

A soƥangaa yee neene tige a saxtu koy, kaa nu mbar o ƭeet a in nen dag Kiristaa waa ndoxneena o ndaawnaa lakas we kunpa ke ndefna na Roog.

1 Korint 15:6

Cinj kaaga, a feeñooxa ngap wiin teemeed ƥetik jaf leng, too moƴ-o-jaak we no wiin weene fop owe ñoowaa, ndaa a jega teen waa maadateerna.

1 Korint 2:7

O jeg-yiif ole i mbaare’aa refu ole hatna na Roog, a ref kunpa, too Roog a yuuɓ’un yaaga jamaane jegafulee, ndax ta ɓis a in no ndam.

Efees 5:32

Keene ndigil kunpa’u yoo naa jegna o njiriiñ, too a feeñlel kam a pind akeene. Na las es koy, ga’aam ee leng kut oo a ndeer Kiristaa fo o fog ole no gimu we.

Efees 3:3

Roog kaa feeñlaam o ten, ndax ta andnooraam kunpa fee ten. Bindaam took fee xa ƭelem xa leng-leng no kaa farna no keene.

1 Korint 15:18

Kiristaa a xontooxangee, we nqonna no ngim na Kiristaa a saŋkooxa boo faw.

1 Korint 13:2

Boo andoona itam ee waag’aam o jo’tan a Roog, and kunpa fuu refna, jeg o and oluu refna, kaam ee boo jeg’uuma o ngim onqaa waagna o jiƭit xa coong axe sax, um fexangee lakas we, refkoogiim tus boo tus a fag.

2 Korint 5:2

Ten taxu i iinaa kam ƭiif neene, yaam i tayaa o ndok kam ngenand in njegee sik ne refna took.

2 Korint 5:4

Yaam nuu i ñoowtaa kam ƭiif neene, xan i ngenit xa iin nen kaa i ndoxondoox ndoq meɗu. Ke i mbugna, refee yee i mboloox cer in keene, ndaa kaa i mbug o ndokooxatin cer aa-asamaan ke in, ndax ke warna o xon a waag o ɗuuɗoox kam o ñoow ole.