1 Korint 15:42 - NQAARIIT NE ROOG

⁴² Neene o mat a reftu na qontax ale. Ke uupeena kaa fotaa, ke saxna waagkatee o fot.

1 Korint 15:42 Referans Kwoze

Mace 13:43

A koom kam Maat naa Roog Faap den, xan jofu we a meleƈit nen njeeƈ ne. Oxuu jegna nof, fat a nan-giloox!»

Dañel 12:3

We njegna o and xan a meleƈ nen meleƈ le na asamaan, we aqatinna wiin mayu o cofel xan a miric-miricin nen xa qoor axe na asamaan, bo na moos boo moos.

1 Piyeer 1:4

fo lam naa waageerna o sooƴ mbaat ta roɗig mbaat ta ñak o mosel um. Ten o mat nu ngeekane toox de na asamaan.

O leetar ole Pool a bindna GIMU WE NGENNA ROM 8:21

too xan pindel keene fa qoox den a mbatel na yastax ale, ndax da njeg a qoox den no ndam onqe xa ƥiy Roog a ndaawna.

A pi ake 2:31

Keene kaa ref a qontax ale no Muumucil oxe regteena, ta ga’’ina yaaga fadiidafulee, too a yegnitin ye ta layna yee: ‹Xaƴkaand a mooc kam jaaniif, too cer um mbotkee na semb.›

O leetar ole Pool a bindna GIMU WE NGENNA ROM 1:23

O ndam onqe helna a Roog fa mbaafkeer fee kaa ƥoxotan nitaal o kiin mbaat ndiiƭ mbaat muumeen mbaat ƥood ndefna kaa na sooƴaa.

A pi ake 2:27

yaam xaƴkiro o laaw es ta mooc kam jaaniif, too xaƴkiraamo, mi fee o Tedu xe wo, cer es a mbottik na semb.

Esayi 38:17

Xeeñ feƭaru es a jegata jam. Kaa o fexaam boo suudit o laaw es no gamb le na saŋkax ale, yaam deɓaa a cinj of pakaad es fop.

A kim a tedu ke 49:14

Keeke refu muj den, peefeet no ɗof we fo we mbelnooxna na fa lay den. A maaf

A kim a tedu ke 16:10

yaam xaƴkiro o laaw es ta mooc kam jaaniif, too xaƴkiraamo, mi fee o cofu xe wo, fa nqon a jengaam.

Ke bindeena no xe ne’eena YOB 17:14

Kaam layaa a mboy ale yee: «Wo refu faap es!», max ke, um lay a den ee: «Nuun ndefu ya es fo jigeen es!»

Mberaand 3:19

Boo yaa o nomtooxkaa no lanq ke hat’oona, ñiitoox foop no rak of na taxkaa o jeg ñaamel. No lanq ke hato, too teen o nomtooxkaa.»

A kim a tedu ke 49:9

Ndabid a bateer o laaw jegee hap. O kiin waagee o rabid a Roog kaa deyna muk,

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

1 Korint 15:41

Njeeƈ ne fo meleƈ um, a qoor ale fo meleƈ um, xa qoor axe fo meleƈ den, too o xoor o leng sax fogree fo o gend um meleƈ.

Galati 6:8

A soƥangaa yee kaa duufaa ke cer um a yaawaa, fa nqon rek a xotitkaa teen, ndaa koy boo ta duufaa ke Yiif le Roog a bugna, o ñoow o fagkeer ole a saxadkaa.