1 Korint 15:4 - NQAARIIT NE ROOG

⁴ a gasel, soo no ñaal ndadkandeer naa ta xontoox, ne a Pind a Tedu ke a laytuuna,

1 Korint 15:4 Referans Kwoze

Hoose 6:2

Cinj ñaal ƭik, xan a dakin a in no ñoow ole, no ñaal ndadkandeer naa, xan a inatin a in, too xan i ñoow mbaambir um.

Mace 12:40

Ne Yoona a refit’ina no fud liƥ maak boo a jeg ñaal tadik fo xa yeng den, neene o Ƥeenqe no kiin oxe a refitkaa kam lanq ke boo a jeg ñaal tadik fo xa yeng den.

A kim a tedu ke 2:7

Kaam lambnaa ke o Yaal oxe a dalinna. A layaxam ee: «Wo refu o ƥees, xaye mi rimong.

Hebre 13:20

Roog a xontooxnoora o Yaal in Yeesu a ndeer no xon we. O ten refu o kaynaak o maak oxe na gayaa paal um, yaam ne ta ɓoxotooxna nen sadax na pexey fo’oy um. Fo’oy leene o mat sinju ngiɓoor mbooru ne faafkeerna. Yaasam Roog fee mayna fa jam a ci a nuun doole faa nu mbi’taa paax, ndax nu mbadin ke ta bugna. Yaasam ta fi na in ke feluuna na pexey Yeesu Kiristaa. Kaam ee, yaasam o Yaal oxe Yeesu a ɓoxotel o ndam boo faw. Amiini.

O leetar ole Pool a bindna GIMU WE NGENNA ROM 6:4

Kam batiise fee kaa i nqon fo ten, soo ngasel fo ten. Keene kaa jeg, ndax ne Faap fee a xontooxnooritna a Kiristaa a ndeer no xon we na pexey doole fee ten jegna o ndam, neene i ñoowatinitkaa kam o ñoowooƭ o xas, in itam.

YEGIL MBAAX NE YEESU ne Lik a bindtuuna 24:46

A laya a den ee: «A binde yee Kiristaa fee a wara o coono, a xontoox a ndeer no xon waa no ñaal ndadkandeer naa,

YEGIL MBAAX NE YEESU ne Lik a bindtuuna 24:26

Ndax Kiristaa fee war’ee o coono’it neene kañ, soo a rokkaa kam o ndam um?»

YEGIL MBAAX NE YEESU ne Lik a bindtuuna 9:22

Yeesu a doona taaga yee: «O Ƥeenqe no kiin oxe a wara o ñagadilel. Xan maak waa fo saasadax maak waa fo jaajangin waa no kebil kaa Moyiis a mbañin. Xan a warel, ndaa no ñaal ndadkandeer naa xan a xontoox.»

Kolos 2:12

Yaam ne nu uupeena fo ten na batiise fee, nu nqontooxa fo ten na pexey o ngim onqe nu ngimna na Roog fee xontooxnoortuuna katil um a ndeer no xon we.

A pi ake 17:31

yaam a dama bes fee ta hate’kaa adna fee fo o cofel, na pexey o kiin oxe ta jooxna. A lala wiin we yee keene booru yoo, ye ta xontooxnoorna o kiin oxeene a ndeer no xon we.»

A pi ake 1:3

Cinj ye Yeesu a xonna, a cooxa a den xa anddiloor xa mayu ndax ta feedin a den ee oxe ñoowaa. A feeñooxooga a den boo a pe qarɓeen nahik, a layaa a den kaa jofna no Maat ne Roog.

Mark 9:31

yaam kaa jangnoogu daalbe we ten, too a layaa a den ee: «O Ƥeenqe no kiin oxe xan a ɓoxotel a ndeer xa ƥay axe no wiin we. Xan a mbarin, ndaa ñaal tadik a cinj fa nqon um xan a xontoox.»

Mace 20:19

Xan a ƥoxotin gimaƭaru we, ndax da nqaadnooxin, a nqawin xa cap, soo a ndengin na kurwaa, ndaa no ñaal ndadkandeer naa, xan a xontoox.»

Mace 16:21

Maaga, Yeesu a fertu o jangnaa daalbe we ten ee a wara o ret Yeerusaleem ndax maak waa fo saasadax maak waa fo jaajangin waa no kebil kaa Moyiis a ñagadilin. Xan a mbarin, ndaa no ñaal ndadkandeer naa, xan a xontoox.

1 Piyeer 1:11

Kaa mbaaƭoogu maa da nga’itna a mban fo nam ke Yiif le Kiristaa reeƭna na den a lalitna. Yiif leene a yegnita padafuleer no coono ke nar’ina o ndal a Kiristaa fo o ndam onqe na doonooxkaa teen.

YEGIL MBAAX NE YEESU ne Saŋ a bindtuuna 19:38

Ye keene a xewna, Yoseef fee genna Arimate, too a reeƭu o taalbe Yeesu na pet, yaam a saɗar’u Yaawuur we, a reta maa Pilaat, ndax ta ci’in ta xendand o dal ole Yeesu. Pilaat a ci’aan o ten, too a gara, a xot o dal ole.

A kim a tedu ke 16:8

Kaam jasnooraa fo o Yaal oxe kili. A fodangaam na ñamaak, tolofkiim muk.