1 Korint 15:3 - NQAARIIT NE ROOG

³ Pitik, kaam jangin a nuun ke daawuuma, ta ref ke moƴna o jeg o njiriiñ. Ten refu yee: Kaa Kiristaa a xon yaam pakaad in, ne a Pind a Tedu ke laytuuna,

1 Korint 15:3 Referans Kwoze

1 Piyeer 2:24

Ten roxondooxu pakaad in no cer um took a teex ale, ndax bakaad a xon na in, soo i ñoowaa no cofel. Na pexey a uut akaa ten nu mbodtu.

Galati 1:4

O Yaal oxe Yeesu Kiristaa ɓoxotu o ñis um yaam pakaad in, ndax ta mucil a in na jamaane fa mbaaxeer fee ndiiki, ne Roog fee refna Faap in a bugtuuna.

1Saŋ 2:2

Ten fa xoox um kaa ref sadax faa na ñufaa a qaw ale Roog yaam pakaad in. Refee koy sax ee yaam pakaad in soom, ndaa yaam pakaad ke na adna fee fop.

Galati 1:12

Daawtinum no kiin, too o kiin jangniraam o ten itam: Yeesu Kiristaa fa xoox um feeñlaxam o ten.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

O leetar ole Pool a bindna GIMU WE NGENNA ROM 4:25

Kaa Roog a ɓoxotin na fa nqon yaam tooñ in, soo a xontooxnoorin, ndax ta jofand a in.

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

Heseki’el 3:17

«Wo fee o ƥiy no kiin, dalnaaxoong o ref o yeeyetax no mbind Isra’el. Fat o maƭooxanaam Ii-isra’el we, yaa o nankaa fa lay es.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

2 Korint 5:21

Kiristaa fee moseerna o fi bakaad, Roog a gadnaan pakaad ke in, ndax no ten, Roog a ɗeet a in nen jofu.

1 Korint 11:23

Ke daawtuuma no Yaal oxe, jangnaanum a nuun, ta ref ee: O Yaal oxe Yeesu, no yeng olaa ta ɓoxotkeel kaa jang’u mbuuru,

A pi ake 3:18

ndaa Roog fadnitu neene ke ta yegnit’ina yaaga xewafulee na xa ton no duleer we fop, ye da layna yee o Muumucil oxe ten regteena a wara o coono.

YEGIL MBAAX NE YEESU ne Saŋ a bindtuuna 1:29

No feet olaa, Saŋ a ƴooka a Yeesu ta xotiidaa maa ten. Maaga, a laya yee: «Nga’yo o Mbaal onqe Roog na watnaa bakaad adna.

1 Piyeer 1:11

Kaa mbaaƭoogu maa da nga’itna a mban fo nam ke Yiif le Kiristaa reeƭna na den a lalitna. Yiif leene a yegnita padafuleer no coono ke nar’ina o ndal a Kiristaa fo o ndam onqe na doonooxkaa teen.

Efees 1:7

Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

Galati 3:13

Kiristaa a wata a in na salax ale no kebil ke, ye ta salooxeena, ten fa xoox um yaam in, ne ta bindteena yee: «Oxuu rengeena took a teex, a salooxe.»

O leetar ole Pool a bindna GIMU WE NGENNA ROM 3:25

Ten o mat Roog a jilu, ndax no we na ngimkaa, fo’oy um a ref sadax fee na ñufaa a qaw ale Roog yaam pakaad ke. Roog a fi’aan, ndax ta waag o lalit o cofel um, yaam ne andoona yee kaa maad’u o muñaa pakaad ke mbi’’eena yaaga.

Mace 26:28

yaam kene refu fo’oy es, fo’oy le no ngiɓoor ne. Kaa ɓaxel ndax mayu a mbaasanel pakaad den.

1 Piyeer 3:18

Jaf leng kut, Kiristaa fee jofna a xona yaam pakaad ke no jofaƭaru we, ndax ta ɓisiid a nuun maa Roog. Cer um kiihiin a nqona, ndaa Yiif Tedu le a nomtiidaan no ñoow ole.

Hebre 5:3

Ne ta heesna ten fa xoox um, a wara o ɓoxotaa sadax. Refee soom yaam pakaad ke na xeet fee, ndaa yaam pakaad um itam.

Hebre 5:1

O saasadax o maak oxuu refna kaa jilel a ndeer no wiin we, ndax ta refan wiin we no calel ke Roog, a waag o ɓoxotaa ci’it ke fo sadax ke yaam pakaad ke.

1 Korint 11:2

A jega koy kaa gidmituuma a nuun boo paam Roog, ta ref ee nu mosiraam o mbeec na dara, ndeefaa ke jangnuuma a nuun a paax.

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

Mace 26:24

O Ƥeenqe no kiin oxe xan a xon, ne a Pind a Tedu ke a laytuuna no ten. Kaa koy, ndaw sabab took no xe na ɓoxotkaa o Ƥeenqe no kiin oxe. Ñak’el o rim sax moƴ’u no ten.»

YEGIL MBAAX NE YEESU ne Lik a bindtuuna 24:25

Maaga, Yeesu a laya a den ee: «Nuun soo ñak a yiif, too xeeñ nuun a niid o gim ke na layeel no duleer we fop!

A pi ake 8:32

Keeke refu fa lay fee na Pind a Tedu ke ta jangoogna: «Kaa nand fo mbaal naa na ɓiseel no warand, nen o mbaal onqaa muumna mbaambir no xe na ruusan, too yaƥatee o don um sax.

A pi ake 17:2

Pool a roka kam mbind a qeƭ naa ne ta mer’ina o fi’aa. Pes tadik a ñootnax a soƥ’aan maaga. Kaa jeetaayoogu fo we ndeeƭna maaga no kaa farna no ke a Pind a Tedu ke a layna.