1 Korint 15:23 - NQAARIIT NE ROOG

²³ oxuu refna na seek um no qod ole, Kiristaa a adoox, wiin um a ndeef, no ñaal naa ta nomtooxiidkaa.

1 Korint 15:23 Referans Kwoze

Galati 3:29

Kiristaa a jegangaa a nuun koy, xa taan Abraham nu ndefu, too yaaga xan nu lam ke Abraham a regeena.

Esayi 26:19

Wo xeet es, xon we wo xan a ñoowatin, xa tal axe den a nqontoox! We ngulooxna lanq ke xan a yokoox soo a mbelakinoox, yaam liim of liim a qoolaand oo, too lanq ke xan a ndakin xon we no ñoow ole.

1 Korint 15:52

Ndeer ñaf fo ƭeet, yaa a luuƥ a palakaand alaa a jibkaa, xan xon we a nqontoox fo cer potkateer, soo in o mat, i suptel.

1 Korint 15:20

Kaa koy, Roog a fi’a jam boo Kiristaa a xontoox a ndeer no xon we, a refat taaw a ndeer den.

2 Korint 10:7

Mbi’yo o ndang, too naang jak fo a kid nuun ne tikoorik ke a nandna. Oxuu ta woorna yee Kiristaa jegun, fat a ɓek no yiif um ee neene itam Kiristaa a jegtu a in.

1 Tesalonik 2:19

Kaam ee, an i yaakaaru o njegit no ten o ɗaay fo a kañax nen o ndip? Mee ndax nuun soom a refkaa mbaambir no Yaal in Yeesu, na waxtu fee ta nomtooxiidkaa?

Galati 5:24

We na ndeefaa a Kiristaa Yeesu a mbara ke cer den a yaawaa fo ke da nqememaa.

1 Korint 3:23

ndaa Kiristaa jegu a nuun, Roog a jeg a Kiristaa.

Mace 16:27

O Ƥeenqe no kiin oxe xan a gar kam o ndam Faap um, a yoon fo malaaka um, soo a ɓoxot o kiin oo kiin a pi um.

Mace 16:28

No ndigil, mexe layaa a nuun ee: Leng-leng no we ndefna meeke nqonkee, too nga’ee o Ƥeenqe no kiin oxe a garaa kam maat um.»

A pi ake 26:23

Xan o Muumucil oxe regteena a coono, a ref oxe eetna o xontoox a ndeer no xon we, too xan a yegnaa xeet in fo qeet lakas ke a qoolaand ale.»

1 Korint 6:14

Roog kaa xontooxnoor o Yaal oxe, too xan a xontooxnoor a in itam, na pexey katil um.

Filip 3:11

boo yaa fadiiduuma na qontax a ndeer no xon we, yaa waaganuuma.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.